रोमियो 12:10 - Halbi

¹⁰ भाईचारा चो मया ले गोटक दुसर ले लाड़ संगाहा; आपस ने ईजीत करतो ने गोटक दुसर ले बाड़ते चला।

परमेस्वर को सच्चो वचन ख जाननू

¹⁰ भई म जसो प्रेम होवा हैं वसो ही एक दुसरा से प्रेम रख आपस म एक दुसरा आदर कर। अर एक दुसरा से चढ़ कर।

रोमियो 12:10 ပူးပေါင်းရင်းမြစ်များ

मत्ती 20:26

मान्तर तुमचो थाने असन नी होये दे; मान्तर जोन कोनी तुमचो ले बड़े होऊक चाहा ये दे, हुन तुमचो सेवक बनो;

लूका 14:10

मान्तर जिदलदाय तुय हाग दिया जासे तेबे सपाय ले खाले जगा जाऊन बोस कि जिदलदाय हुन, जोन तुके नेवता दिलो से ऐओ, तेबे तुचो ले बोलो, ‘हे मीत, पुरे जाऊन भाती बोस,’ तेबे तुचो संगे बोसतो बितामन चो पुरे तुचो बड़ाई होये दे।

यूहन्ना 15:17

ऐ गोठमन चो हुकुम मय तुमके ऐईकाजे देंयें से कि तुमी गोटक दुसर ले मया संगाहा।

यूहन्ना 17:21

कि हुनमन सपाय गोटक होओत; जसन तुय हे बुआ मोचो थाने आशीष, आउर मय तुचो थाने आसे, असने ची हुनमन बले आमचो ने होओत, जेचो ले संवसार बिश्वास करोत कि तुय ची मोके पठाली सीस।

प्रेरितो 4:32

बिश्वास करतो बितामन चो मण्डली गोटक बिचार आउर गोटक मन चो रली, ऐथा ले कि कोनी बले आपलो धनमाल आपलो नी बोलते रला, मान्तर सपाय काई मांदी ने रली।

रोमियो 13:7

ऐईकाजे हरकोनी चो हक चुकाहा; जेके करजा चो जरूरत आसे, हुनके करजा दिआस; जेके लागा जरूरत आसे, हुनके लागा दिआस; जेके डरतोर जरूरी आय, हुनचो ले डरा; जेचो ईजीत करतोर जरूरी आय, हुनचो ईजीत करा।

गलातियो 5:13

हे भाईमन, तुमी छुटछाड़ाया होतो काजे हाग दिया गेलासास; मान्तर असन नी होओ कि ये छुटछाड़ा देंह चो काममन काजे मवका बनो, मान्तर मया ले गोटक दुसर चो दास बना।

गलातियो 5:22

मान्तर आत्मा चो फल मया, हरिक, शान्ति, धीरज, किरपा, भलाई, बिश्वास,

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

फिलिप्पियो 2:3

बिरूद नाहले झूठा बड़ाई चो काजे काई नी करा, मान्तर दिनता ले गोटक दुसर के आपलो ले अच्छा समजा।

कुलुस्सियो 1:4

कसनबल्लोने आमीमन सुनलु से कि मसीह ईशु उपरे तुमचो बिश्वास आसे, आउर सपाय पवितर लोगमन ले तुमी मया संगाऊ आहास;

1 थिस्सलुनीकियो 4:9

मान्तर भाईचारा चो मया चो बारे ने ऐ जरूरी नुआय कि मय तुमचो लगे काई लिकेन्दे, कसनबल्लोने आपस ने मया संगातोर तुमनमन खुदे ची माहापुरू ले सिकलासास;

2 थिस्सलुनीकियो 1:3

हे भाईमन, तुमचो बारे ने आमके हर समया माहापुरू चो धन्यबाद करते रतोर आय, आउर ऐ ठीक बले आय, ऐईकाजे कि तुमचो बिश्वास खुबे बड़ते जाऊ आय, आउर तुमी सपाय चो मया आपस ने खुबे ची बड़ते जाऊ आय।

इब्रानियो 13:1

भाईचारा चो मया बनु रओ।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1 पतरस 2:17

सपाय चो ईजीत करा, भाईमन ले मया संगाआ, माहापुरू ले डरा, राजा चो मान करा।

1 पतरस 5:5

असने परकार हे जुआनमन, तुमी बले सियानमन चो आधीन राहा, मान्तर तुमी सपाय चो सपाय गोटक दुसर चो सेवा चो काजे दिनता ले करांड बान्दुन राहा, कसनबल्लोने “माहापुरू मनमानीमन चो बिरूद करू आय मान्तर सोजमन उपरे अनुग्रह करू आय।”

2 पतरस 1:7

आउर भक्ति थाने भाईचारा चो लाड़, आउर भाईचारा चो लाड़ थाने मया बड़ाते जाहा।

1यूहन्ना 4:11

हे लाड़रामन जिदलदाय माहापुरू आमचो ले असन मया करलो, तेबे आमके बले आपस ने मया संगातोर आय।

1यूहन्ना 4:20

अगर कोनी बले दे, “मय माहापुरू ले मया संगाऊ आय,” आउर आपलो भाई ले बईर संगा ओ तो हुन फंदी आय; कसनबल्लोने जोन आपलो भाई ले जेके हुन दकलो से मया नी संगाये, तो हुन माहापुरू ले बले जेके हुन नी दकलो मया नी संगाऊक सके।