रोमियो 11:36 - Halbi

³⁶ कसनबल्लोने हुनचो बाटले, आउर हुनचेई कारन, आउर हुनचेई काजे सपाय काई आय: हुनचो महिमा जुग-जुग होते रओ। आमीन।

परमेस्वर को सच्चो वचन ख जाननू

³⁶ काहेकि ओकी ही ओर से, अर ओको ही व्दारा, अर ओको लाने सब कुछ हैं। ओकी महिमा हमेसा होती रहे: आमीन

रोमियो 11:36 ပူးပေါင်းရင်းမြစ်များ

मत्ती 6:13

‘आउर आमके परीक्षा ने नी आन, मान्तर खराप ले बचाव; (कसनबल्लोने राज आउर पराकरम आउर महिमा हरमेशा तुची ची आय।’” आमीन।)

लूका 19:38

“धन्य आय हुन राजा, जोन परबु चो नाव ले ऐऊ आय! सरग ने शान्ति आउर बादरी भुभन ने महिमा होओ!”

लूका 2:14

“बादरी ने माहापुरू चो महिमा आउर धरतनी थाने हुन मानेमन ने जेचो ले हुन हरिक आसे, शान्ति होओ।”

प्रेरितो 17:28

कसनबल्लोने आमी हुनचेई ने जीव रऊन, आउर हिन्ड़ते बुलते, आउर थीर रऊ आंव; जसन तुमचो कितलो कवीमन बले बल्ला से, “आमी तो हुनचेई बंशज आंव।”

रोमियो 16:27

हुनी गोटक मात्र अकल बिता माहापुरू चो ईशु मसीह चो दुवारा जुग-जुग महिमा होते रओ। आमीन।

1 कुरिन्थियो 11:12

कसनबल्लोने जसन बायले लेकी मनुक ले आसे, असने ची मनुक बायले लेकी चो बाटले आसे; मान्तर सपाय तीजमन माहापुरू ले आय।

1 कुरिन्थियो 8:6

तेबले बले आमचो काजे तो गोटक ची माहापुरू आसे: बल्लोने बुआ जेचो बाटले सपाय तीजमन आसोत, आउर आमी हुनचेई काजे आंसु। आउर गोटक ची परबु आय, बल्लोने ईशु मसीह जेचो बाटले सपाय तीजमन होली, आउर आमी बले हुनचेई बाटले आंव।

गलातियो 1:5

हुनचो स्तुति बड़ाई जुग-जुग होते रओ। आमीन।

इफिसीयो 3:21

कलीसिया ने आउर मसीह ईशु ने हुनचो महिमा पीढ़ी ले पीढ़ी तक जुग-जुग होते रओ। आमीन।

फिलिप्पियो 4:20

आमचो माहापुरू आउर बुआ चो महिमा जुग-जुग होते रओ। आमीन।

1तीमुथियुस 1:17

अदायं जुग-जुग चो राजा बल्लोने अमर, नी दकलो, गोटक मात्र माहापुरू चो ईजीत आउर महिमा जुग-जुग होते रओ। आमीन।

1तीमुथियुस 6:16

आउर अमरता मात्र हुनचेई आय, आउर हुन अगममय उजर ने रऊ आय, आउर ना हुनके कोनी माने दकला आउर न केबीई दकुक सके। हुनचो मान आउर राज जुग-जुग रये दे। आमीन।

2 तीमुथियुस 4:18

आउर परबु मोके हरकोनी खराप काम ले बचाए दे, आउर आपलो सरग राज ने अच्छा ले अमराय दे। हुनचेई महिमा जुग-जुग होते रओ। आमीन।

इब्रानियो 13:21

तुमके हरकोनी अच्छा गोठ ने सिद्ध करोत, जेचो ले तुमी हुनचो इच्छा पुरा करा, आउर जोन काई हुनके भाऊ आय हुनके ईशु मसीह चो लागुन आमचो ने उपजास करोत। हुनचेई महिमा जुग-जुग होते रओ। आमीन।

इब्रानियो 2:10

कसनबल्लोने जेचो काजे सपाय काई आसे आउर जेचो दुवारा सपाय काई आसे, हुनके ऐई अच्छा लागली कि जिदलदाय हुन खुबे असन बेटामन के महिमा ने अमराओ, तेबे हुनमन चो मुक्ति चो करता के दुक उठातोर लागुन सिद्ध करो।

1 पतरस 4:11

अगर कोनी बोल दे, तो असन बोलो माना माहापुरू चो बचन आय; अगर कोनी सेवा करो, तो हुनी शक्ति ले करो जोन माहापुरू देऊ आय; जेचो ले सपाय गोठमन ने ईशु मसीह चो दुवारा, माहापुरू चो महिमा परकट होओ। महिमा आउर राजपाट जुग-जुग हुनचेई आय। आमीन।

1 पतरस 5:11

हुनचेई राजपाट जुग-जुग रओ। आमीन।

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।

यहूदा 1:25

हुनी गोटक मात्र माहापुरू आमचो मुक्तिकरू चो महिमा आउर मान-समान आउर बल आउर अधिकार, आमचो परबु ईशु मसीह चो दुवारा जसन पिढ़ी-पिढ़ी ले आसे, ऐबे बले होओ आउर जुग-जुग रओ। आमीन।

प्रकाशितवाक्य 19:1

ऐचो पाचे मय सरग ने माना बड़े भीड़ के बड़े जोर ले ऐ बोलते सुनले, “हाल्लेलुय्याह! मुक्ति आउर महिमा आउर सामरत आमचो माहापुरू चो ची आय।

प्रकाशितवाक्य 21:6

फेर हुन मोचो ले बल्लो, “ऐ गोठमन पुरा होली से। मय अलफा आउर ओमेगा, मुर आउर आखरी आंय। मय पिआसा के जीवना चो पानी चो सतान थानले सेंत मेंत पिआयें दें।”

प्रकाशितवाक्य 7:10

आउर जोर ले हाग देऊन भाती बले से, “मुक्ति चो काजे आमचो माहापुरू चो, जोन सिंघासन थाने बसलो से, आउर मेमना चो जय-जय कार होओ!”

प्रकाशितवाक्य 7:12

“आमीन! आमचो माहापुरू चो स्तुति आउर महिमा आउर गिआन आउर धन्यबाद आउर ईजीत आउर सामरत आउर शक्ति जुग-जुग बनुन रओ। आमीन!”