रोमियो 11:25 - Halbi

²⁵ हे भाईमन, काहांय असन नी होओ कि तुमी आपन खुद के अकल बिता समजा; ऐईकाजे मय नी चाहायें कि तुमी ऐ भेद ले अनजान राहा कि जिदलदाय ले दुसर जातिमन पुईतराय रीति ले नी ओलोत, हुदलदाय ले इस्राएल चो गोटक भाग असने ची कठोर रये दे।

परमेस्वर को सच्चो वचन ख जाननू

²⁵ अरे भई अर बहिन, कही असो नी होए कि तुम अपनो खुद ख समझदार समझ ले, एकोलाने म नी चाहूँ कि तुम यी बात से अनजान रय्हे कि जब तक गैर यहूदी हुन पुरी रीति से भीतर नी कर ले, तब तक इस्राएल को एक हिसा असो ही मजबूत रहेगो।

रोमियो 11:25 ပူးပေါင်းရင်းမြစ်များ

मत्ती 13:11

हुन जबाप दिलो, “तुमके सरग राज चो भेदमन चो समज दिया गेली से, मान्तर हुनमन के नाई।

लूका 21:24

हुनमन खंडा ले मर दे, आउर सपाय देशमन चो लोगमन ने बन्दी होऊन भाती अमराया जादे; आउर जिदलदाय ले दुसर जातिमन चो समय पुरा नी होये, हुदलदाय ले यरूशलेम दुसर जातिमन ले रोमदा जाये दे।

यूहन्ना 10:16

मोचो आउर बले मेंडामन आसोत, जोन ऐ मेंडी कोठरली चो नाई। मोके हुनमन के बले आनतोर जरूरी आय, हुनमन मोचो शब्द सुन दे, तेबे गोटक ची गोहड़ी आउर गोटक ची चरेया होये दे।

रोमियो 1:13

हे भाईमन, मय नी चाहायें कि तुमी ऐचो ले अनजान राहा कि मय घन-घन तुमचो लगे ऐतोर चाहले, कि जसन मोके दुसर जातिमन ने फल मिरली, असने ची तुमचो ने बले मिरो, मान्तर ऐबले ठेबाया गेले।

रोमियो 11:12

ऐईकाजे अगर हुनमन चो घसरतोर जगत चो काजे धन आउर हुनमन चो घटती दुसर जातिमन चो काजे सम्पत्ति चो कारन होली, तेबे हुनमन चो भरपूरी ले काय काई नी होये।

रोमियो 11:24

कसनबल्लोने अगर तुय हुन जैतून ले, जोन स्वभाव ले रान आय, गोंदाय गेली आउर स्वभाव चो बिरूद अच्छा जैतून ने साटाय गेली, तेबे ऐ जोन स्वभाविक खेंदामन आत, आपलो ची जैतून ने केंव नी साटाय जादे।

रोमियो 12:16

आपस ने गोटक समान मन संगाआ; घमण्डी नी हो, मान्तर सोज लोगमन चो संगे संगत संगाआ; आपलो नजर ने अकल बितामन नी होओ।

रोमियो 16:25

अदायं जोन तुमके मोचो नगतखबर आउर ईशु मसीह चो खबर चो परचार चो अनुसार थीर करूक सके, हुन भेद चो उजर चो अनुसार जोन हरमेशा ले लुकु रली,

रोमियो 9:18

ऐईकाजे हुन जेचो उपरे चाहाऊ आय हुनचो उपरे दया करू आय, आउर जोन के चाहाऊ आय हुनके कठोर करून देऊ आय।

1 कुरिन्थियो 10:1

हे भाईमन, मय नी चाहायें कि तुमी ऐ गोठ ले अनजान राआ कि आमचो सपाय बुआ दादीमन बादरी चो खाले रवत, आउर सपाय चो सपाय समुन्द चो मंजी ले पार होऊन गेला;

1 कुरिन्थियो 12:1

हे भाईमन, मय नी चाहायें कि तुमी आत्मिक बरमन चो बारे ने अनजान राहा।

1 कुरिन्थियो 2:7

मान्तर आमी माहापुरू चो हुन गुपत गिआन, भेद चो रीति थाने सांगु आंव, जेके माहापुरू जुग-जुग ले आमचो महिमा चो काजे ठेबालो।

1 कुरिन्थियो 4:1

माने आमके मसीह चो सेवक आउर माहापुरू चो भेदमन चो भण्डारी समजोत।

इफिसीयो 1:9

कसनबल्लोने हुन आपलो इच्छा चो भेद हुन नुकु इच्छा चो अनुसार आमके सांगलो, जेके हुन आपन खुद ठानुन रये

इफिसीयो 3:9

आउर सपाय उपरे ऐ गोठ परकाशीत करें दें कि हुन भेद चो जुगाड़ काय आय, जोन सपाय चो बनातो बिता माहापुरू ने मुर ले गुपत रये।

इफिसीयो 4:18

कसनबल्लोने हुनमन चो अकल अंधार होऊन गेली से, आउर हुन अगिआन चो लागुन जोन हुनमन थाने आसे आउर हुनमन चो मन चो कठर चो लागुन हुनमन माहापुरू चो जीवना ले अलग कराय गेलासे;

2 पतरस 3:8

हे लाड़रामन, ऐ गोठ तुमचो ले लुकुन नी रओ कि परबु चो थाने गोटक दिन हजार बरक चो बराबर आय, आउर हजार बरक गोटक दिन चो बराबर आय।

प्रकाशितवाक्य 1:20

बल्लोने हुन सात तारामन चो भेद जेके तुय मोचो उजा हाथ ने दकु रईस, आउर हुन सात सोना चो दियामन चो भेद: हुन सात तारा सातो कलीसियामन चो दूत आत, आउर हुन सात पटेरा सात कलीसियामन आत।

प्रकाशितवाक्य 10:7

मान्तर सातवां सरगदूत चो तुरी फुकलो ने होतो बिती सब्त चो दिनमन ने माहापुरू चो गुपत इच्छा पुरा होऊन जायदे हुन नगतखबर चो अनुसार जोन हुन आपलो दास अगम गिआनीमन के दिलो, पुरा होयेदे।

प्रकाशितवाक्य 11:15

जिदलदाय सातवां दूत तुरी फुकलो, तेबे सरग ने ऐ बारे चो बड़े-बड़े शब्द होऊक मुरयाली: “जगत चो राज आमचो परबु चो आउर हुनचो मसीह चो होऊन गेली, आउर हुन जुग-जुग राज करेदे।”

प्रकाशितवाक्य 7:9

ऐचो पाचे मय नंजराले, आउर दका, हरकोनी जाति आउर कुल आउर लोग आउर भाषा थानले गोटक असन बड़े भीड़, जेके कोनी गनुक नी सकते रवत, पंडरा फटीई पिन्दुन आउर आपलो हाथमन ने खजुर चो खेंदामन धरून भाती सिंघासन चो पुरे आउर मेमना चो पुरे उबा आसोत,