रोमियो 11:22 - Halbi

²² ऐईकाजे माहापुरू चो किरपा आउर कड़क के दक! जोन घसरुन गेला हुनमन उपरे कड़क, मान्तर तुचो उपरे किरपा अगर तुय हुन थाने बनु रसे, नी होले तुय बले गोंदुन दिआय जासे।

परमेस्वर को सच्चो वचन ख जाननू

²² एकोलाने परमेस्वर कि किरपा अर कठोरता पर ख विचार कर गिर हुयो इंसान हुन क लाने कठोरता अर परमेस्वर तुमारो लाने किरपा अदि तुम हकिगत म उनकी दया कि हद म बन्धो रहन हो नी ते तुम ख अलग कर दियो जाहे।

रोमियो 11:22 ပူးပေါင်းရင်းမြစ်များ

लूका 8:15

मान्तर नगत भूईं थानचो हुनमन आत, जोन बचन सुनुन भाती अच्छा आउर उत्तम मन ने सम्भालु रऊ आत, आउर धीरजा ले फल आनु आत।

यूहन्ना 15:2

जोन खेंदा मोचो थाने आसे आउर नी फरे, हुनके हुन गोंदुन देऊ आय; आउर जोन फरू आय, हुनके हुन छाटू आय बल्ले आउर फरो।

यूहन्ना 8:31

तेबे ईशु हुन यहूदीमन ले जोनमन हुनचो उपरे बिश्वास करू रला, बल्लो, “अगर तुमी मोचो बचन ने बनुन राहा से, तेबे सते मोचो चेलामन ठेबा से।

प्रेरितो 11:23

हुन हुता अमरून भाती आउर माहापुरू चो अनुग्रह के दकुन भाती हरिक होलो, आउर सपाय के उपदेश दिलो कि तन-मन लगाऊन भाती परबु ले लेपटून राहा।

प्रेरितो 14:22

आउर चेलामन चो मन के थीर करते रला आउर ऐ उपदेश देते रला कि बिश्वास ने बनु राहा; आउर ऐ बोलते रवत, “आमके बड़े कलेश उठाऊन भाती माहापुरू चो राज ने ओलतोर होये दे।”

रोमियो 11:21

कसनबल्लोने जिदलदाय माहापुरू स्वभाविक खेंदामन के नी छांडलो तो तुके बले नी छांडेदे।

रोमियो 2:7

जोन अच्छा काम ने थीर रऊन भाती महिमा, आउर मान, आउर अमर चो डगर ने आसे, हुनमन के हुन अमर जीवना देयेदे;

1 कुरिन्थियो 15:2

हुनचेई बाटले तुमचो मुक्ति बले होऊ आय, अगर हुन नगतखबर के जोन मय तुमके सुनाऊ रलें सुरता संगाऊ आस; नाहले तुमचो बिश्वास करतोर फकाहा होली।

गलातियो 6:9

आमी नुकु काम करतो ने साहास नी छांडु, कसनबल्लोने अगर आमी ढीला नी होऊ तेबे ठीक समया थाने कटनी काटवां।

1 थिस्सलुनीकियो 3:5

ऐई लागुन जिदलदाय मोचो ले आउर नी रऊक होली, तेबे तुमचो बिश्वास चो हाल जानतो काजे पठाले, कि काहांय असन नी होओ कि परीक्षा धरतो बिता तुमचो परीक्षा धरलो से, आउर आमचो मसागत फकाहा होऊन गेली से।

1 थिस्सलुनीकियो 3:8

कसनबल्लोने अदायं अगर तुमी परबु ने थीर राहा तेबे आमी जीव आंसु।

इब्रानियो 10:23

ईआ आमी आपलो आशा चो अंगीकार के हिम्मत ले थामुन रऊ, कसनबल्लोने जोन बायदा करलो से, हुन बिश्वास लायक आय;

इब्रानियो 3:14

कसनबल्लोने आमी मसीह चो शामिल होलु से, अगर आमी आपलो पयला भरसा थाने आखरी ले मजबूत ले थीर रवां।

इब्रानियो 3:6

मान्तर मसीह बेटा चो असन माहापुरू चो घर चो अधिकारी आय; आउर हुनचो घर आमी आव, अगर आमी साहास थाने आउर आपलो आशा चो घमण्ड थाने आखरी ले मजबूत ले थीर रवां।

1यूहन्ना 2:19

हुनमन निकरला सोत तो आमची थानले, मान्तर आमीमन थानचो रला नाई; कसनबल्लोने माना हुनमन आमीमन थानो होता, तेबे आमचो संगे रता; मान्तर निकरून ऐईकाजे गेला कि ऐ परकट होओ कि हुनमन सपाय आमीमन थानो नुआत।

प्रकाशितवाक्य 2:5

“ऐईकाजे सुरता कर कि तुय काहां ले घसरली सीस, आउर मन फिराव आउर पयले चो असन काम कर; अगर तुय मन नी फिरासे, तो मय तुचो लगे ऐऊन भाती तुचो पटेरा के हुनचो जगा ले गुचाऊन देयेंदे।”