रोमियो 10:18 - Halbi

¹⁸ मान्तर मय बलेंसें, काय हुनमन नी सुनला? सुनला तो जरूर आय; कसनबल्लोने लिकलोर आसे, “हुनमन चो राग सपाय धरतनी थाने, आउर हुनमन चो बचन जगत चो आखरी तक अमरली से।”

परमेस्वर को सच्चो वचन ख जाननू

¹⁸ पर म कहूँ हैं कि उनना नी सुनो? सुन ते जरुरी हैं; काहेकि लिखो हैं, “उनको आवाज पूरो धरती म, अर उनको वचन दुनिया कि कोना तक पहुँच गयो हैं।”

रोमियो 10:18 ပူးပေါင်းရင်းမြစ်များ

मत्ती 24:14

आउर राज चो ऐ नगतखबर पुईतराय जगत ने परचार करा जाये दे, कि सपाय जातिमन उपरे गोहई होओ, तेबे आखरी होये दे।”

मत्ती 26:13

मय तुमचो ले सते बलें सें, कि सपाय जगत ने जाहांय बले ऐ नगतखबर के परचार करा जाये दे, हुता हुनचो ऐ काम चो गोठ बले हुनचो सुरता ने करा जाये दे।”

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

मत्ती 4:8

फेर शयतान हुनके गोटक खुबे डेंग डोंगरी उपरे निलो आउर सपाय जगत चो राज आउर हुनचो धनमाल दकाऊन भाती

मरकुस 16:15

आउर हुन हुनमन ले बल्लो, “तुमी सपाय जगत ने जाऊन भाती पुईतराय बरमाण्ड चो लोगमन के नगतखबर परचार करा।

मरकुस 16:20

आउर हुनमन निकरून भाती हरकोनी जगा परचार करला, आउर परबु हुनमन संगे काम करते रलो, आउर हुन चिनामन चो कारन जोन संगे-संगे होते रये, बचन के जमखम करते रलो। आमीन।

प्रेरितो 1:8

“मान्तर जिदलदाय पवितर आत्मा तुमचो उपरे ऐये दे तेबे तुमी सामरत पाआ से; आउर यरूशलेम आउर सपाय यहूदिया आउर सामरिया ने, आउर धरतनी चो कोना-कोना ले मोचो गोहई हुआ से।”

प्रेरितो 26:20

मान्तर पयले दमिश्क चो, फेर यरूशलेम चो, आउर तेबे यहूदिया चो पुईतराय देश चो रतो बितामन के, आउर दुसर जातिमन के समजाते रये, कि मन फिराआ आउर माहापुरू चो बाटे फिरून भाती मन फिराव चो लायक काम करा।

प्रेरितो 28:23

तेबे हुनमन हुनचो काजे गोटक दिन ठेबाला, आउर खुबे असन लोग हुनचो थाने रूंड़ा होला, आउर हुन माहापुरू चो राज चो गोहई देते, आउर मूसा चो नियम आउर अगम गिआनीमन चो किताबमन ले ईशु चो बारे ने समजाऊन-समजाऊन भाती बड़े बिहान ले सांज तक बरनन करते रलो।

रोमियो 1:8

पयले मय तुमी सपाय काजे ईशु मसीह चो बाटले आपलो माहापुरू चो धन्यबाद करेंसे, कसनबल्लोने तुमचो बिश्वास चो चरचा पूईतराय जगत ने होये से।

रोमियो 15:19

आउर चिनामन, आउर भयंकर काममन चो सामरत ले, आउर पवितर आत्मा चो सामरत ले मोचो ची बाटले करला, ऐथा ले कि मय यरूशलेम ले धरून भाती चारो बाटे इल्लुरिकुम ले मसीह चो नगतखबर चो पुरा-पुरा परचार करले।

कुलुस्सियो 1:23

अगर तुमी बिश्वास चो पाया थाने जमखम बनुन राहा आउर हुन नगतखबर चो आशा के जोन के तुमी सुनलासास नी छांडा, जेचो परचार बादरी चो खाले चो पूईतराय बरमाण्ड ने कराय गेली, आउर जेचो मय, पौलुस, सेवक बनले।

कुलुस्सियो 1:6

जोन तुमचो लगे पहुँचली से, आउर जसन जगत ने बले फर आनुन आउर बाड़ते जाऊ आय, असने ची जोन दिन ले तुमी हुनके सुनलास आउर सत ले माहापुरू चो अनुग्रह चितालासास, तुमचो ने बले असने ची करू आय।

1 थिस्सलुनीकियो 1:8

कसनबल्लोने तुमचो थानले ना मात्र मकिदुनिया आउर अखाया ने परबु चो बचन सुनाया गेली, मान्तर तुमचो बिश्वास चो जोन माहापुरू उपरे आसे, हर जगा असन चरचा फयलुन गेली से कि आमके बोलतोर जरूरत ची निआय।