रोमियो 10:15 - Halbi

¹⁵ आउर अगर पटाया नी जाऊँ, तेबे कसन परचार करवां? जसन लिकलोर आसे, “हुनमन चो पाँय कितरो सुन्दर आय, जोन अच्छा गोठमन चो नगतखबर सुनाऊ आत!”

परमेस्वर को सच्चो वचन ख जाननू

¹⁵ अर अगर भेजो नी जाहे, ते कसो प्रचार करे? जसो लिखो हैं, “उन का पाय का ही सुन्दर आय, जे भली बात हुन का सुसमाचार लाने हैं।”

रोमियो 10:15 ပူးပေါင်းရင်းမြစ်များ

मत्ती 9:38

ऐईकाजे बेड़ा चो मालिक ले गुहार करा कि हुन आपलो फसल काटतो काजे भुतीयार पटाऊन देओ।”

लूका 10:1

ऐ गोठमन चो पाचे परबु ईशु सत्तर दुसर माने नियुक्त करलो, आउर जोन-जोन नंगर आउर जगा के हुन खुद जातो थाने रलो, हुता हुनमन के दुय-दुय करून आपलो पुरे पठालो।

लूका 2:10

तेबे सरगदूत हुनमन ले बल्लो, “नी डरा; कसनबल्लोने दका, मय तुमके बड़े हरिक चो नगतखबर सुनाय से जोन सपाय लोगमन चो काजे होये दे,

लूका 2:14

“बादरी ने माहापुरू चो महिमा आउर धरतनी थाने हुन मानेमन ने जेचो ले हुन हरिक आसे, शान्ति होओ।”

लूका 8:1

ऐचो पाचे हुन नंगर-नंगर आउर गाँव-गाँव परचार करते-करते, आउर माहापुरू चो राज चो नगतखबर सुनाते-सुनाते फिरूक मुरयालो, आउर हुनमन बारो हुनचो संगे रवत,

यूहन्ना 20:21

ईशु फेर हुनमन ले बल्लो, “तुमके शान्ति मिरो; जसन बुआ मोके पठालो से, असने ची मय बले तुमके पटायें से।”

प्रेरितो 10:36

जोन बचन हुन इस्राएलीमन चो लगे पठालो, जिदलदाय हुन ईशु मसीह चो बाटले (जोन सपाय चो परबु आय) शान्ति चो नगतखबर सुनालो,

प्रेरितो 13:26

हे भाईमन, तुमी जोन अब्राहाम चो पिलामन आस; आउर तुमी जोन माहापुरू ले डरू आस, तुमचो लगे ऐ मुक्ति चो बचन पटाया गेली से।

प्रेरितो 22:21

आउर हुन मोचो ले बल्लो, जाते जा: कसनबल्लोने मय तुके दुसर जातिमन चो लगे लापी-लापी पटायें दें।

प्रेरितो 9:15

मान्तर परबु हुनचो ले बल्लो, तुय जाते जा; कसनबल्लोने हुन तो दुसर जातिमन आउर राजामन आउर इस्राएलीमन चो पुरे मोचो नाव परकट करतो काजे मोचो चुनलो बरतन आय।

रोमियो 1:15

आउर मय तुमके बले जोन रोम ने रऊ आस, नगतखबर सुनातो काजे भरसक तिआर आंसे।

रोमियो 15:20

मान्तर मोचो मन चो उदुम ऐ आय कि जहांय-जहांय मसीह चो नाव नी धराय गेली, हुनी थाने नगतखबर सुनायें, असन नी होओ कि दुसर चो पाया थाने घर बनाये।

इफिसीयो 2:17

हुन ऐऊन भाती तुमके जोन लापी रवत आउर हुनमन के जोन लगे रवत, दुनो के मेल मिलाप चो नगतखबर सुनालो।

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,

इफिसीयो 6:15

आउर पाँयमन ने मेल चो नगतखबर चो तिआरी चो बूटमन पिन्दुन भाती;

1 पतरस 1:12

हुनमन उपरे ऐ परकट करा गेली कि हुनमन आपलो नाई मान्तर तुमचो सेवा चो काजे ऐ गोठमन बोला करते रओत, जेचो खबर अदायं तुमके हुनमन चो दुवारा मिरली जोनमन पवितर आत्मा चो दुवारा, जोन सरग ले पटाया गेली, तुमके नगतखबर सुनाला; आउर ऐ गोठमन के सरगदूत बले धिआन ले दकतोर इच्छा संगाऊ आत।