रोमियो 10:12 - Halbi

¹² यहूदीमन आउर यूनानीमन ने काई भेद नियाय, ऐईकाजे कि हुन सपाय चो परबु आय आउर आपलो सपाय नाव धरतो बितामन काजे उदार आय।

परमेस्वर को सच्चो वचन ख जाननू

¹² अब यहूदी हुन अर यूनानी हुन न कई पक्छ पात नी हैं एकोलाने उ सब को प्रभु आय अर अपनो सब नाम लेन वालो का लाने उध्दार मिल हे।

रोमियो 10:12 ပူးပေါင်းရင်းမြစ်များ

प्रेरितो 7:59

हुनमन स्तिफनुस उपरे पकना मारते रवत, आउर हुन ऐ बोलुन भाती पारथना करते रलो, “हे परबु ईशु, मोचो आत्मा के गरहन कर।”

प्रेरितो 9:14

आउर ऐथा बले ऐके परधान याजकमन चो बाटले अधिकार मिरली से कि जोन लोग तुचो नाव धरू आत, हुन सपाय के बान्दोत।

रोमियो 14:9

कसनबल्लोने मसीह ऐईकाजे मरलो आउर जीव बल्ले उठलो कि हुन मरलो बितामन चो आउर जीव रलो बितामन चो दुनो चो परबु होओ।

रोमियो 15:12

आउर फेर यशाया बले से, “यिशै चो गोटक चेर उजागर होयेदे, आउर दुसर जातिमन चो राजा होतो काजे गोटक उठे दे, हुनचो थाने दुसरजातिमन आशा संगा दे।”

रोमियो 2:4

काय तुय हुनचो किरपा, आउर सयनशक्ति, आउर धीरजरूपी धन के तुच्छ जानसीस? काय ऐ नी समजीस कि माहापुरू चो किरपा तुके मन फिराव के सिकाऊ आय?

रोमियो 3:22

बल्लोने माहापुरू चो हुन धारमिकता जोन ईशु मसीह उपरे बिश्वास करलो ने सपाय बिश्वास करतो बितामन चो काजे आय। कसनबल्लोने काई भेद नियाय;

1 कुरिन्थियो 1:2

माहापुरू चो हुन कलीसिया चो नाव जोन कुरिन्थुस ने आसे, बल्लोने हुनमन चो नाव जोन मसीह ईशु ने पवितर कराया गेला, आउर पवितर होतो काजे हाग दिया गेला सोत; आउर हुन सपाय चो नाव बले जोन हर जगा आमचो आउर आपलो परबु ईशु मसीह चो नाव ले पारथना करू आत।

1 कुरिन्थियो 15:47

पईल माने धरतनी ले बल्लोने माटी चो रलो; दुसर माने सरग चो आय।

2 कुरिन्थियो 8:9

तुमी आमचो परबु ईशु मसीह चो अनुग्रह जानसास कि हुन सवकार होऊन भाती बले तुमचो काजे कंगाल बनुन गेलो, बल्ले हुनचो कंगाल होऊन जातो ले तुमी सवकार होऊन जाआ।

गलातियो 3:28

अदायं ना कोनी यहूदी रला आउर ना यूनानी, ना कोनी दास ना छुटछाड़ा, ना कोनी नर ना नारी, कसनबल्लोने तुमी सपाय मसीह ईशु ने गोटक आहास।

इफिसीयो 1:7

आमके हुन थाने हुनचो लऊ चो दुवारा छुटकारा, बल्लोने अपराधमन चो छमा, हुनचो हुन अनुग्रह चो धन चो अनुसार मिरली से,

इफिसीयो 2:4

मान्तर माहापुरू जोन दया चो सवकार आय, आपलो हुन बड़े मया चो लागुन जेचो ले हुन आमचो ले मया करलो,

इफिसीयो 2:7

कि हुन आपलो हुन किरपा ले जोन मसीह ईशु ने आमचो उपरे आसे, ऐतो बिती समयामन ने आपलो अनुग्रह चो असीम धन दकाओ।

इफिसीयो 3:16

कि हुन आपलो महिमा चो धन चो अनुसार तुमके ऐ दान देओ कि तुमी हुनचो आत्मा ले आपलो भीतर चो मानेरूप ने सामरत पाऊन भाती बलवन्त होते जाआ;

इफिसीयो 3:6

बल्लोने ऐ कि मसीह ईशु ने नगतखबर चो दुवारा दुसर जाति लोग हक ने मिसुन, आउर गोटक ची देंह चो आउर बायदा चो भागी आत।

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,

फिलिप्पियो 2:11

आउर माहापुरू बुआ चो महिमा चो काजे हरकोनी जीब अंगीकार करोत कि ईशु मसीह ची परबु आय।

फिलिप्पियो 4:19

मचो माहापुरू बले आपलो हुन धन चो अनुसार जोन महिमा संगे मसीह ईशु ने आसे, तुमचो हरकोनी कमी के पुरा करेदे।

कुलुस्सियो 1:27

जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

कुलुस्सियो 3:11

हुन थाने ना यूनानी रलो ना यहूदी, ना खतना, ना बिन खतना, ना रान चो, ना स्कूती, ना दास आउर ना छुटछाड़ा मात्र मसीह सपाय काई आउर सपाय ने आसे।

1तीमुथियुस 2:5

कसनबल्लोने माहापुरू गोटकी ची आय, आउर माहापुरू आउर मानेमन चो मंजी ने बले गोटकी ची मंजीमन्या आय, बल्लोने मसीह ईशु जोन माने आय।

प्रकाशितवाक्य 17:14

“हुनमन मेमना संगे लड़ दे, आउर मेमना हुनमन उपरे जय पाये दे, कसनबल्लोने हुन परबुमन चो परबु आउर राजामन चो राजा आय, आउर जोन हाग दिलोर आउर चुनलो आउर बिश्वासी आत हुनमन हुनचो संगे आसोत; हुनमन बले जय पावदे।”

प्रकाशितवाक्य 19:16

हुनचो फटीई आउर जांघ थाने ऐ नाव लिकलोर आसे: “राजामन चो राजा आउर परबुमन चो परबु।”