रोमियो 1:1 - Halbi

¹ पौलुस चो बाटले जोन ईशु मसीह चो दास आय, आउर पठालोबिता होतो काजे हाग दिया गेलो, आउर माहापुरू चो हुन नगतखबर काजे अलग करा गेलो से

परमेस्वर को सच्चो वचन ख जाननू

¹ अर यू चिट्ठी यीसु मसी को दास पोलुस कि तरफ से आये, जे परमेस्वर को वजेसे सिखान वालो प्रेरित होन ख लाने बुलायो गयो हैं अऊर परमेस्वर को उ समाचार ख लाने अलग करियो गयो हैं।

रोमियो 1:1 ပူးပေါင်းရင်းမြစ်များ

मरकुस 1:14

यूहन्ना चो धराया गेलोर पाचे ईशु गलील ने ऐऊन भाती माहापुरू चो राज चो नगतखबर परचार करलो,

यूहन्ना 12:26

अगर कोनी मोचो सेवा करें दें, तो मोचो पाटे होओ; आउर जोन थाने मय आंसे, हुता मोचो सेवक बले होये दे। अगर कोनी मोचो सेवा करे दे, तेबे बुआ हुनचो मान करे दे।

यूहन्ना 15:15

अदायं ले मय तुमके दास नी बलें दें, कसनबल्लोने दास नी जाने कि हुनचो मालिक काय करू आय; मान्तर मय तुमके मीत बल्ले से, कसनबल्लोने मय जोन गोठमन आपलो बुआ ले सुनले, हुन सपाय तुमके सांगुन दिले।

यूहन्ना 15:20

जोन गोठमन मय तुमचो ले बोलुन रये, ‘दास आपलो मालिक ले बड़े नी होये,’ हुनके सुरता संगाहा। अगर हुनमन मोके कन्दरा दे, तो तुमके बले कन्दरा दे; अगर हुनमन मोचो गोठ मान दे, तेबे तुमचो बले मान दे।

प्रेरितो 13:9

तेबे शाऊल जेचो नाव पौलुस बले आय, पवितर आत्मा ले भरून हुनचो बाटे नजर गड़ाऊन भाती दकलो आउर बल्लो,

प्रेरितो 20:24

मान्तर मय आपलो जीव के काई नी समजे कि हुनके लाड़ जाने, मान्तर ऐ कि मय आपलो परानी के आउर हुन सेवा के पुरा करें दें, जोन मय माहापुरू चो अनुग्रह चो नगतखबर थाने गोहई देतो काजे परबु ईशु ले पावले से।

प्रेरितो 21:40

जिदलदाय हुन हुकुम दिलो, तेबे पौलुस पयटा थाने उबा होऊन भाती लोगमन के हाथ ले सोयका दिलो। जिदलदाय हुनमन ओगाय होला तेबे हुन इब्रानी भाषा ने बोलुक मुरयालो:

प्रेरितो 22:21

आउर हुन मोचो ले बल्लो, जाते जा: कसनबल्लोने मय तुके दुसर जातिमन चो लगे लापी-लापी पटायें दें।

प्रेरितो 22:7

आउर मय भुईं ने घसरले आउर ऐ शब्द सुनले, हे शाऊल, हे शाऊल, तुय मोके केंव कन्दराय सीस?

प्रेरितो 26:1

राजा अग्रिप्पा पौलुस ले बल्लो, “तुके आपलो बारे ने बोलतोर हुकुम आसे।” तेबे पौलुस हाथ बड़ाऊन भाती जबाप देऊक मुरयालो,

प्रेरितो 26:14

जिदलदाय आमी सपाय भूईं ने घसरलु, तेबे मय इब्रानी भाषा ने, मोचो ले ऐ बोलतोर गोटक शब्द सुनले, हे शाऊल, हे शाऊल, तुय मोके केंव कन्दराय सीस? धार थाने लात मारतोर तुचो काजे मशकिल आय।

प्रेरितो 27:23

कसनबल्लोने माहापुरू जेचो मय आंय, आउर जेचो सेवा करू आंय, हुनचो सरग दूतमन आजी राती मोचो लगे ऐऊन भाती बल्ला,

प्रेरितो 9:15

मान्तर परबु हुनचो ले बल्लो, तुय जाते जा; कसनबल्लोने हुन तो दुसर जातिमन आउर राजामन आउर इस्राएलीमन चो पुरे मोचो नाव परकट करतो काजे मोचो चुनलो बरतन आय।

रोमियो 1:16

कसनबल्लोने मय नगतखबर ले नी लाज होयें, ऐईकाजे कि हुन हरकोनी बिश्वास करतो बिता चो काजे, पयले तो यहूदी फेर यूनानीमन चो काजे, मुक्ति चो काजे माहापुरू चो सामरत आसे।

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

रोमियो 1:9

माहापुरू जेचो सेवा मय आपलो आत्मा ले हुनचो बेटा चो नगतखबर चो बारे ने करेंसे, हुनी मोचो गोहई आय कि मय तुमके कसन परकार सरलगा सुरता करते रऊ आंय,

रोमियो 11:13

मय तुमी दुसर जातिमन ले ऐ गोठमन बलेंसें। जिदलदाय कि मय दुसर जातिमन चो काजे पठालोबिता आंय, तेबे मय आपलो सेवा चो बड़ाई करू आंय,

रोमियो 15:16

कि मय दुसर जातिमन चो काजे मसीह ईशु चो सेवक होऊन भाती माहापुरू चो नगतखबर चो सेवक याजक चो समान करे, जेचो ले दुसर जातिमन चो माना चेगाया जातोर, पवितर आत्मा ले पवितर बनुन भाती गरहन कराय जाओ।

रोमियो 15:29

आउर मय जाने से कि जिदलदाय मय तुमचो लगे ऐयेंदें, तो मसीह चो पुरा आशीष चो संगे ऐयेंदें।

रोमियो 16:18

कसनबल्लोने असन लोग आमचो परबु मसीह चो नुआत, मान्तर आपलो पेट चो सेवा करू आत; आउर खुदचारी गोठमन ले सीदा-सादा मन चो लोगमन के फुसयान देऊ आत।

रोमियो 16:25

अदायं जोन तुमके मोचो नगतखबर आउर ईशु मसीह चो खबर चो परचार चो अनुसार थीर करूक सके, हुन भेद चो उजर चो अनुसार जोन हरमेशा ले लुकु रली,

1 कुरिन्थियो 1:1

पौलुस चो बाटले जोन माहापुरू चो इच्छा ले ईशु मसीह चो पठालोबिता होतो काजे हाग दिया गेलो आउर भाई सोस्थिनेस चो बाटले,

1 कुरिन्थियो 9:1

काय मय छुटछाड़ा नुआय? काय मय पठालोबिता नुआय? काय मय ईशु के जोन आमचो परबु आय, नी दकले? काय तुमी परबु ने मचो बनालोर नुआस?

2 कुरिन्थियो 1:1

पौलुस चो बाटले जोन माहापुरू चो इच्छा ले मसीह ईशु चो पठालोबिता आय। आउर भाई तीमुथियुस चो बाटले ले माहापुरू चो हुन कलीसिया चो नाव, जोन कुरिन्थुस ने आसे आउर सपाय अखाया चो सपाय पवितर लोगमन चो नाव:

2 कुरिन्थियो 11:5

मय तो समजु आंय कि मय कोनी गोठ ने बड़े ले बड़े पठालोबितामन ले कम नुआय।

2 कुरिन्थियो 11:7

काय ऐ थाने मय काई पाप करले कि मय तुमके माहापुरू चो नगतखबर सेंत-मेंत सुना ले; आउर आपन खुद के खाले करले कि तुमी डेंग होऊन जाहा?

2 कुरिन्थियो 12:11

मय मुरूक तो बनले, मान्तर तुमी ची मोके ऐ करतो काजे मजबूर करलास। तुमी तो मोके सहरातोर रली, कसनबल्लोने मान्तर मय काई बले नुआय, तेबले बले हुन बड़े ले बड़े पठालोबितामन ले कोनी गोठ ने कम नुआय।

2 कुरिन्थियो 2:12

जिदलदाय मय मसीह चो नगतखबर सुनातो काजे त्रोआस ईले, आउर परबु मोचो काजे गोटक कपाट उगाढुन दिलो,

2 कुरिन्थियो 4:5

कसनबल्लोने आमी आपन चो नाई, मान्तर मसीह ईशु चो परचार करू आंव कि हुन परबु आय; आउर आपलो बारे ने ऐ बोलु आंव कि आमी ईशु चो लागुन तुमचो सेवक आंव।

गलातियो 1:1

पौलुस चो जोन ना मानेमन चो बाटले आउर ना माने चो बाटले, मान्तर ईशु मसीह आउर माहापुरू बुआ चो बाटले, जोन हुनके मरलो बितामन थानले जिआ लो, पठालोबिता आय।

इफिसीयो 1:1

पौलुस चो बाटले जोन माहापुरू चो इच्छा ले ईशु मसीह चो पठालोबिता आय, हुन पवितर आउर मसीह ईशु ने बिश्वासी लोगमन चो नाव जोन इफिसुस ने आसोत,

इफिसीयो 1:13

आउर हुनी थाने तुमचो थाने बले, जिदलदाय तुमी सत चो बचन सुनलास जोन तुमचो मुक्ति चो नगतखबर आय आउर जोन थाने तुमी बिश्वास करलास, बायदा करलो बिती पवितर आत्मा चो छापा लगली।

इफिसीयो 4:11

हुन कितलो के पठालोबिता नियुक्त करून, आउर कितलो के अगम गिआनी नियुक्त करून, आउर कितलो के नगतखबर सुनातो बिता नियुक्त करून, आउर कितलो के राका करूमन आउर उपदेशक नियुक्त करून देऊन दिलो,

फिलिप्पियो 1:1

मसीह ईशु चो दास पौलुस आउर तीमुथियुस चो बाटले, सपाय पवितर लोगमन चो नाव जोन मसीह ईशु ने होऊन भाती फिलिप्पी ने रऊ आत, अध्यक्षमन आउर सेवकमन संगे।

फिलिप्पियो 2:11

आउर माहापुरू बुआ चो महिमा चो काजे हरकोनी जीब अंगीकार करोत कि ईशु मसीह ची परबु आय।

कुलुस्सियो 1:1

पौलुस चो बाटले, जोन माहापुरू चो इच्छा ले मसीह ईशु चो पठालोबिता आय, आउर भाई तीमुथियुस चो बाटले,

कुलुस्सियो 1:25

जेचो मय माहापुरू चो हुन जुगाड़ चो अनुसार सेवक बनले जोन तुमचो काजे मोके सोपला, बल्ले मय माहापुरू चो बचन के पुरा-पुरा परचार करें।

1 थिस्सलुनीकियो 2:2

मान्तर तुमी खुद ची जानेसास कि पयले फिलिप्पी ने दुक उठातोर आउर उपद्रव सहलो थानले बले आमचो माहापुरू आमके असन साहास दिलो, कि आमी माहापुरू चो नगतखबर भारी बिरूदमन चो होते-होते बले तुमके सुनाऊ।

1 थिस्सलुनीकियो 2:8

आउर असने ची आमी तुमचो लालच करते, ना मात्र माहापुरू चो नगतखबर थाने आपलो-आपलो जीव बले तुमके देतोर तिआर रलु, ऐईकाजे कि तुमी आमचो लाड़रा होऊन जाऊ राआस।

1 थिस्सलुनीकियो 2:9

कसनबल्लोने, हे भाईमन, तुमी आमचो मसागत आउर कष्ट के सुरता संगाऊ आहास; आमी तो ऐईकाजे रात दिन काम धन्धा करते-करते तुमचो ने माहापुरू चो नगतखबर परचार करलु कि तुमचो थानले काचीई उपरे भार नी होओ।

1तीमुथियुस 1:1

पौलुस चो बाटले जोन आमचो मुक्तिकरू माहापुरू आउर आमचो आशा चो आधार मसीह ईशु चो हुकुम ले मसीह ईशु चो पठालोबिता आय,

1तीमुथियुस 2:7

मय सत बलेंसें, झूठ नी बोलें कि मय ऐई बिचार ले परचारक आउर पठालोबिता आउर दुसर जातिमन चो काजे बिश्वास आउर सत चो उपदेशक ठेबाय गेलो।

2 तीमुथियुस 1:11

जेचो काजे मय परचारक, आउर पठालोबिता, आउर उपदेशक बले ठेबले।

तीतुस 1:1

पौलुस चो बाटले जोन माहापुरू चो दास आउर ईशु मसीह चो पठालोबिता आय, माहापुरू चो चुनलो लोगमन चो बिश्वास आउर हुन सत चो पयचान चो अनुसार जोन भक्ति चो अनुसार आय,

इब्रानियो 5:4

ऐ ईजीत चो पन कोनी आपन खुद ले नी धरे, जिदलदाय ले कि हारून चो असन माहापुरू चो बाटले ठेबाया नी जाये।

इब्रानियो 7:26

आउर असने ची माहायाजक आमचो लायक रलो जोन पवितर, आउर निष्कपट, आउर निंगल, आउर पापीमन ले अलग, आउर सरग ले बल्ले ऊँचा करलो बिती होओ।

याकूब 1:1

माहापुरू चो आउर परबु ईशु मसीह चो दास याकूब चो बाटले हुन बारा कुलमन चो जोन जत-खत होऊन भाती रऊ आत जुहार अमरो।

1 पतरस 4:17

कसनबल्लोने हुन समया ऐऊन अमरली से कि पयले माहापुरू चो लोगमन चो नियाय करा जाय दे; आउर जसन कि नियाय चो मुर आमचो ची ले होये दे तो हुनमन चो काय आखरी होये दे जोन माहापुरू चो नगतखबर के नी मानोत?

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।

यहूदा 1:1

यहूदा चो बाटले जोन ईशु मसीह चो दास आउर याकूब चो भाई आय, हुन हाग दिलो बितामन चो नाव जोन माहापुरू बुआ ने लाडरा आउर ईशु मसीह चो काजे अच्छा आसे।

प्रकाशितवाक्य 1:1

ईशु मसीह चो परकाशन बचन, जोन हुनके माहापुरू ऐईकाजे दिलो कि आपलो दासमन चो हुन गोठमन, जेचो झटके होतोर जरूर आय, दकाओ; आउर हुन आपलो सरगदूत के पटाऊन भाती हुनचो दुवारा आपलो दास यूहन्ना के सांगलो,

प्रकाशितवाक्य 22:6

फेर हुन मोचो ले बल्लो, “ऐ गोठमन बिश्वास चो लायक आउर सत आय। परबु, जोन अगम गिआनीमन चो आत्मामन चो माहापुरू आय, आपलो सरगदूत के ऐईकाजे पठालो कि आपलो दासमन के हुन गोठमन, जेचो झटके पुरा होतोर जरूर आय, दकाओ।”

प्रकाशितवाक्य 22:9

मान्तर हुन मोचो ले बल्लो, “दक, असन नी कर; कसनबल्लोने मय तुचो, आउर तुचो भाई अगम गिआनीमन, आउर ऐ किताब चो गोठमन के मानतो बितामन चो संगवारी दास आय। माहापुरू के ची पाँय पढ़।”