प्रकाशितवाक्य 4:8 - Halbi

⁸ चारो परानीमन चो छय-छय पाटकी आसे, आउर चारो बाटे आउर भीतरे आँईक ची आँईक आसे; आउर हुनमन रात दिन बिना बिसालोर बोलते रऊ आत, “पवितर, पवितर, पवितर परबु माहापुरू, सर्वशक्तिमान, जोन रये आउर जोन आसे आउर जोन ऐतो बिता आय।”

परमेस्वर को सच्चो वचन ख जाननू

⁸ चारी जीव हुन का छे: छे: पंख हैं, अर चारी तरफ अर भीतर आँखी ही आँखी हैं; अर वी रात दिन बिना आराम करो असा बोलते रहवा हैं, “सुध्द, सुध्द, सुध्द प्रभु परमेस्वर, सर्वसक्‍तिमान,” जो हतो अर जो हैं अर जो आन वालो हैं।

प्रकाशितवाक्य 4:8 ပူးပေါင်းရင်းမြစ်များ

प्रेरितो 20:31

ऐईकाजे चेता राहा, आउर सुरता करा कि मय तीन बरक ले रात दिन आँसु बहाऊन-बहाऊन हरकोनी के जनातोर नी छांडले।

2 कुरिन्थियो 6:18

आउर मय तुमचो बुआ होयेंदें, आउर तुमी मोचो बेटा आउर बेटीमन हुआ से। “ऐ सर्वशक्तिमान परबु माहापुरू चो बचन आय।”

1 थिस्सलुनीकियो 2:9

कसनबल्लोने, हे भाईमन, तुमी आमचो मसागत आउर कष्ट के सुरता संगाऊ आहास; आमी तो ऐईकाजे रात दिन काम धन्धा करते-करते तुमचो ने माहापुरू चो नगतखबर परचार करलु कि तुमचो थानले काचीई उपरे भार नी होओ।

1तीमुथियुस 4:16

आपलो आउर आपलो उपदेश के तिआर संगाऊन। ऐ गोठमन थाने थीर रा, कसनबल्लोने अगर असन करते रसे तो तुय आपलो आउर आपलो सुनतो बितामन चो काजे बले मुक्ति चो कारन होसे।

2 तीमुथियुस 4:2

कि तुय बचन चो परचार कर, समया आउर असमया तिआर रा, सपाय परकार चो सयनशक्ति आउर सिक्या चो संगे उलाहना देस आउर खिज आउर समजाव।

इब्रानियो 13:8

ईशु मसीह काली आउर आजी आउर जुग-जुग गोटक समान आय।

प्रकाशितवाक्य 1:4

यूहन्ना चो बाटले आसिया चो सात कलीसियामन चो नाव: हुनचो बाटले जोन आसे, आउर जोन रये, आउर जोन ऐतो बिती आय; आउर हुन सात आत्मामन चो बाटले, जोन हुनचो सिंघासन चो पुरे आसे,

प्रकाशितवाक्य 1:8

परबु माहापुरू, जोन आसे आउर जोन रये आउर जोन ऐतो बिता आय, जोन सर्वशक्तिमान आय, ऐ बले से, “मय ची अलफा आउर ओमेगा आंय।”

प्रकाशितवाक्य 11:17

ऐ बोलुक मुरयाला, “हे सर्वशक्तिमान परबु माहापुरू, जोन आसे आउर जोन रये, आमी तुचो धन्यबाद करूंसे कि तुय आपलो बड़े सामरत के काम ने आनुन भाती राज करली सीस।

प्रकाशितवाक्य 14:11

“हुनमन चो दुखा चो कुमरा जुग-जुग उठते रये दे, आउर जोन हुन पशु आउर हुनचो मुरती चो पुजा करू आत, आउर जोन हुनचो नाव चो छाप धरू आत, हुनमन के रात दिन असतीर नी मिरे दे।”

प्रकाशितवाक्य 14:3

हुनमन सिंघासन चो पुरे आउर चारो परानीमन आउर सियानमन चो पुरे गोटक नवा गीत गावते रवत। हुनमन एक लाख चवालीस हजार जनमन के छांडुन, जोन धरतनी थानले घेना जाऊ रवत, कोनी हुन गीत नी सिकुक सकते रवत।

प्रकाशितवाक्य 15:3

हुनमन माहापुरू चो दास मूसा चो गीत, आउर मेमना चो गीत गाऊन-गाऊन भाती बोलते रवत, “हे सर्वशक्तिमान परबु माहापुरू, तुचो काम माहान आउर भयंकर आय; हे जुग-जुग चो राजा, तुचो चाल ठीक आउर सत आय।”

प्रकाशितवाक्य 15:7

तेबे हुन चारो परानीमन थानले गोटक हुन सात सरग दूतमन के माहापुरू, जोन जुग-जुग जीव आसे, रीस ले भरलो बिती सोना चो सात बटकामन दिला;

प्रकाशितवाक्य 16:14

ऐ चिना दकातो बिती दुष्टआत्मामन आत, जोन पुईतराय संवसार चो राजामन चो लगे निकरून भाती ऐईकाजे जाऊ आय कि हुनमन के सर्वशक्तिमान माहापुरू चो हुन बड़े दिन चो लड़ीई चो काजे रूंड़ा करो

प्रकाशितवाक्य 16:7

फेर मय बेदी ले ऐ शब्द सुनले, “हव, हे सर्वशक्तिमान परबु माहापुरू तुचो निरनय ठीक आउर सत आय।”

प्रकाशितवाक्य 19:15

जाति-जाति के मारतो काजे हुनचो मुंह ले गोटक चोखा तलवार निकरू आय। हुन लुआ चो राज बड़गी धरून भाती हुनमन उपरे राज करे दे, आउर सर्वशक्तिमान माहापुरू चो भयंकर रिस चो जलजलाहट चो मन्द चो खोदरा ने दाख लगडे़ दे।

प्रकाशितवाक्य 19:4

तेबे चोबिसों सियानमन आउर चारो परानीमन घसरुन भाती माहापुरू के पाँय पढ़ला, जोन सिंघासन थाने बसुन रये, आउर बललो, “आमीन! हाल्लेलुय्याह!”

प्रकाशितवाक्य 21:22

मय हुन थाने कोनी मंदिर नी दकले, कसनबल्लोने सर्वशक्तिमान परबु माहापुरू आउर मेमना हुनचो मंदिर आत।

प्रकाशितवाक्य 3:7

“फिलदिलफिया चो कलीसिया चो दूत के ऐ लिक: जोन पवितर आउर सत आत, आउर जोन दाऊद चो कुची संगाऊ आय, जेचो उगाढ़लो बिती के कोनी बन्द नी करूक सकोत आउर बन्द करलो बिती के कोनी उगाढुक नी सकोत, हुन ऐ बलेसे, कि”

प्रकाशितवाक्य 4:4

हुन सिंघासन चो चारो बाटे चोबिस सिंघासन आसे; आउर ऐ सिंघासनमन उपरे चोबिस सियानमन पंडरी फटीई पिन्दुन भाती बसला से, आउर हुनमन चो मुण्डमन थाने सोना चो मुकुट आसे।

प्रकाशितवाक्य 4:6

आउर हुन सिंघासन चो पुरे माना बिल्लोर चो समान कांच चो असन समुन्द आसे। सिंघासन चो मन्जारे आउर सिंघासन चो चारो बाटे चार परानी आसोत, जेचो पुरे पाटे आँईक ची आँईकमन आसे।

प्रकाशितवाक्य 4:9

जिदलदाय हुन परानी हुनचो जोन सिंघासन थाने बसलो से, आउर जोन जुग-जुग जीव आसे, महिमा आउर ईजीत आउर धन्यबाद करदे;

प्रकाशितवाक्य 5:6

तेबे मय हुन सिंघासन आउर चारो परानीमन आउर हुन सियानमन चो मंजी ने, माना गोटक पुजा करलो बिती मेमना उबलोर दकले। हुनचो सात सींग आउर सात आँईकमन रली, ऐ माहापुरू चो सातो आत्मामन आत जोन पुईतराय धरतनी थाने पटाया गेलीसे।

प्रकाशितवाक्य 6:1

फेर मय दकले कि मेमना हुन सात सीलमन ले गोटक के खोललो; आउर हुन चारो परानीमन ले गोटक चो गरजलो असन शब्द सुनलो, “आव!”

प्रकाशितवाक्य 6:6

आउर मय हुन चारो परानीमन चो मंजी ले गोटक शब्द ऐ बोलतोर सुनले, “दीनार चो सेर भर गऊँ, आउर दीनार चो तीन सेर जोंदरी थाने तेल आउर दाखरस चो हानि नी करा।”

प्रकाशितवाक्य 7:11

आउर सपाय सरगदूत हुन सिंघासन आउर सियानमन आउर चारो परानीमन चो चारो बाटे उबा आसोत; फेर हुनमन सिंघासन चो पुरे पाटा पडुन घसरुन पढ़ला आउर माहापुरू के पाँय पडुन भाती बल्ला,

प्रकाशितवाक्य 7:15

ऐई लागुन हुनमन माहापुरू चो सिंघासन चो पुरे आसोत, आउर हुनचो मंदिर ने दिन रात हुनचो सेवा करू आत, आउर जोन सिंघासन थाने बसलो से, हुन हुनमन चो उपरे आपलो तम्बू तानेदे।