प्रकाशितवाक्य 4:1 - Halbi

¹ ऐ गोठमन चो पाचे जोन मय नंजरा ले तो काय दकेंसे कि सरग ने गोटक कपाट उगाढ़ी होली से, आउर जेके मय पयले तुरी चो असन शब्द ले आपलो संगे गोठमन करतोर सुनु रयें, हुनी बलेंसें, “ऐथा उपरे आव; आउर मय हुन गोठमन तुके दकायेंदे, जेचो ऐ गोठमन चो पाचे पुरा होतोर जरूरी आय।”

परमेस्वर को सच्चो वचन ख जाननू

¹ असी बात हुन को बाद जो मीना नजर घुमई ते मी का देखु हैं कि स्वर्ग म एक दरवाजा खुल्लो हैं, अर जेका मी न पहिलो तुरही को सो सब्द से मोरो संग बात करते सुनियो हैं, उईच ही बोलू हैं, “यहाँ ऊपर आ जा; अर मी वी बात हुन तोखा बताऊँगो, जिनको असी बात हुन को बाद पुरो होनो जरुरी हैं।”

प्रकाशितवाक्य 4:1 ပူးပေါင်းရင်းမြစ်များ

मत्ती 3:16

आउर ईशु डूबन धरून भाती तुरते पानी थानले बाहरे ईलो, आउर हुनचो काजे बादरी उगाढ़ी होली; आउर हुन माहापुरू चो आत्मा के परेयां चो असन उतरते आउर आपलो उपरे ऐतोर दकलो।

मरकुस 1:10

आउर जिदलदाय हुन पानी ले निकरून भाती उपरे ईलो, तेबे तुरते हुन बादरी के उगाढ़ी होतोर आउर आत्मा के परेयां चो असन आपलो उपरे उतरतोर दकलो।

लूका 3:21

जिदलदाय सपाय लोगमन डूबन धरला आउर ईशु बले डूबन धरून भाती पारथना करते रलो, तेबे बादरी खुलुन गेली,

यूहन्ना 16:13

मान्तर जिदलदाय हुन बल्ले सते चो आत्मा ऐये दे, तेबे तुमके सपाय सते चो बाट सांगे दे, कसनबल्लोने हुन आपलो बाटले नी बले दे मान्तर जोन काई सुने दे हुनी बले दे, आउर ऐतो बिती गोठमन के तुमके सांगे दे।

प्रेरितो 10:11

आउर हुन दकलो, कि बादरी उगाढ़ी होली; आउर गोटक बरतन बड़े चदर चो असन, चारो कोना ले लटकालोर, धरतनी बाटे उतरे से।

प्रेरितो 7:56

बल्लो, “दका, मय सरग के उगाढ़ा होलोर, आउर माने चो बेटा के माहापुरू चो उजा बाटे उबा होलोर दकें सें।”

प्रकाशितवाक्य 1:10

मय परबु चो दिने आत्मा ने ईले, आउर आपलो पाटे तुरी चो असन बड़े राग ऐ बोलते सुनले,

प्रकाशितवाक्य 1:12

तेबे मय हुनके, जोन मोके बोलते रये, दकतो काजे आपलो मुंह फेर लो, आउर पाटकुती उलटुन भाती मय सोना चो सात ठान पटेरामन दकले,

प्रकाशितवाक्य 1:19

ऐईकाजे जोन गोठमन तुय दकली सीस आउर जोन गोठमन होये से आउर जोन गोठमन ऐचो पाचे होतो बिती आय, हुन सपाय के लिक।

प्रकाशितवाक्य 11:12

तेबे हुनमन के सरग ले गोटक बड़े शब्द सुना दिली, “ऐथा उपरे ईआ!” ऐ सुनुन हुनमन बादरी थाने चेगुन होऊन भाती आपलो बयरीमन चो दकते-दकते सरग थाने चेगुन गेला।

प्रकाशितवाक्य 11:19

तेबे माहापुरू चो जोन मंदिर सरग ने आसे हुन उगाढ़ा गेली, आउर हुनचो मंदिर ने हुनचो बायदा चो सन्दूक दका दिली; आउर बिजलीमन आउर शब्द आउर गरजन आउर भुकम होली आउर बड़े गोला पड़ली।

प्रकाशितवाक्य 16:17

सातवां सरगदूत आपलो बटका लेहरा थाने रिकाऊन दिलो, आउर मंदिर चो सिंघासन ले ऐ बड़े शब्द होली, “होऊन चुकली!”

प्रकाशितवाक्य 19:11

फेर मय सरग के उगाड़ी होलोर दकले, आउर दकें से कि गोटक पंडरा घोड़ा आसे; आउर हुन थाने गोटक चेगलो से, जोन बिश्वास लायक आउर सत बलाय जाऊ आय; आउर हुन धरम चो संगे नियाय आउर जुद करू आय।

प्रकाशितवाक्य 22:6

फेर हुन मोचो ले बल्लो, “ऐ गोठमन बिश्वास चो लायक आउर सत आय। परबु, जोन अगम गिआनीमन चो आत्मामन चो माहापुरू आय, आपलो सरगदूत के ऐईकाजे पठालो कि आपलो दासमन के हुन गोठमन, जेचो झटके पुरा होतोर जरूर आय, दकाओ।”