प्रकाशितवाक्य 3:4 - Halbi

⁴ “मान्तर हव, सरदीस ने तुचो थाने कितलो असन लोग आसोत जोनमन आपलो-आपलो फटीई अशुद्ध नी करला, हुनमन पंडरी फटीई पिन्दुन भाती मोचो संगे बुलदे, कसनबल्लोने हुनमन ऐ लायक आत।”

परमेस्वर को सच्चो वचन ख जाननू

⁴ पर हाँ, सरदीस सहर म तोरो इते कुछ अदमी हुन असा भी हैं जिनना अपना कपड़ा खराब नी करीया, वी सुपेत कपड़ा पहिना मोरो संग फिरेगो, काहेकि वी यू लायक हैं।

प्रकाशितवाक्य 3:4 ပူးပေါင်းရင်းမြစ်များ

मत्ती 10:11

“जोन कोनी नंगर नाहले गाँव ने जाहा, तेबे पता लगाहा कि हुता कोन लायक आय। आउर जिदलदाय ले हुन थानले नी निकरा, हुनची थाने राहा।

मरकुस 16:5

कबर चो भीतरे जाऊन भाती हुनमन गोटक जुआन के पोंडरा फटीई पिंदलोर उजा घाई बसलोर दकला, आउर खुबे भक्याला।

लूका 20:35

मान्तर जोन लोग ऐ लायक ठेबदे कि हुन जुग के आउर मरलो बितामन थानले जीव उठतोर के पाओत, हुनमन ना बिहा कर दे आउर ना बिहा ने दिया जादे।

लूका 21:36

ऐईकाजे चेत ने राहा आउर हर समया पारथना करते राआ कि तुमी ऐ सपाय ऐतो बिती घटनामन ले बाचतोर आउर माने चो बेटा चो पुरे उबा होतोर लायक बना।”

प्रेरितो 1:15

हुन दिनमन ने पतरस भाईमन चो मंजी ने जोन छय कोड़ी लोग चो अमरा अमरी रवत, उबा होऊन भाती बोलुक मुरयालो,

2 थिस्सलुनीकियो 1:5

ऐ माहापुरू चो सत नियाय चो छुकछुका सबुत आय कि तुमी माहापुरू चो राज चो लायक ठेबा, जेचो काजे तुमी दुख बले उठाऊ आहास।

यहूदा 1:23

आउर खुबे के आईग थानले झिकुन भाती निकराहा; आउर खुबेमन उपरे भय चो संगे दया करा, मान्तर हुन कुड़ता ले बले घिन्याहा जोन देंह चो दुवारा कलंकीत होऊन गेली से।

प्रकाशितवाक्य 1:11

“जोन काई तुय दक सीस हुनके किताब ने लिकुन भाती सातो कलीसियामन चो लगे पटाऊन देस, बल्लोने इफिसुस, आउर स्मुरना, आउर पिरगमुन, आउर थुआथीरा, आउर सरदीस, आउर फिलदिलफिया, आउर लौदीकिया के।”

प्रकाशितवाक्य 11:13

फेर हुनी घड़ी गोटक बड़े भूकम होली, आउर नंगर चो दसवां भाग घसरुन पड़ली; आउर हुन भूकम ले सात हजार माने मरून गेला, आउर आदो डरून गेला आउर सरग चो माहापुरू चो महिमा करला।

प्रकाशितवाक्य 14:4

ऐ हुनमन आत जोन बायले लेकीमन चो संगे अशुद्ध नी होला, मान्तर कुंआरा आसोत; ऐ हुनीमन आत कि जोन कोनी थाने मेमना जाऊ आय, हुनमन हुनचो पाटे होऊ आत; ऐ तो माहापुरू चो लागुन पयला फल होतो काजे मानेमन थानले घेना गेला से।

प्रकाशितवाक्य 19:14

सरग चो पलटन पंडरा घोड़ामन थाने चेगुन आउर पंडरा आउर शुद्ध मलमल पिन्दुन भाती हुनचो पाट-पाट आसोत।

प्रकाशितवाक्य 19:8

हुनके शुद्ध आउर चमकदार पातर मलमल पिन्दतोर अधिकार दिया गेली” कसनबल्लोने हुन पातर मलमल चो मतलब पवितर लोगमन चो धरम चो काम आय।

प्रकाशितवाक्य 3:18

“ऐईकाजे मय तुके सहमती देयेंसे कि आईग ने तपालो बिती सोना मोचो ले घेन कि तुय धनी होऊन जा, आउर पंडरी फटीई धर कि पिन्दुन भाती तुके आपलो ढुमढापन चो लाज नी होओ, आउर आपलो आँईकमन ने लगातो काजे सुरमा धर कि तुय दकुक सक।”

प्रकाशितवाक्य 3:5

“जोन जय पावला हुनके असने परकार पंडरा फटीई पिंदादे, आउर मय हुनचो नाव जीवना चो किताब थानले कोनी रीति ले नी काटेंदे; मान्तर हुनचो नाव आपलो बुआ आउर हुनचो सरग दूतमन चो पुरे मानेंदे।”

प्रकाशितवाक्य 4:4

हुन सिंघासन चो चारो बाटे चोबिस सिंघासन आसे; आउर ऐ सिंघासनमन उपरे चोबिस सियानमन पंडरी फटीई पिन्दुन भाती बसला से, आउर हुनमन चो मुण्डमन थाने सोना चो मुकुट आसे।

प्रकाशितवाक्य 6:11

हुनमन थानले हरकोनी के पंडरा फटीई दिया गेली, आउर हुनमन के बोला गेली कि आउर डण्डिक आराम करा, जिदलदाय ले कि तुमचो संगवारी दास आउर भाई जोन तुमचो असन पुजाय होतो बिता आत हुनमन चो बले गेनती पुरा नी होओ।

प्रकाशितवाक्य 7:9

ऐचो पाचे मय नंजराले, आउर दका, हरकोनी जाति आउर कुल आउर लोग आउर भाषा थानले गोटक असन बड़े भीड़, जेके कोनी गनुक नी सकते रवत, पंडरा फटीई पिन्दुन आउर आपलो हाथमन ने खजुर चो खेंदामन धरून भाती सिंघासन चो पुरे आउर मेमना चो पुरे उबा आसोत,