प्रकाशितवाक्य 3:1 - Halbi

¹ “सरदीस चो कलीसिया चो दूत के ऐ लिक: जेचो लगे माहापुरू चो सात आत्मामन आउर सात तारामन आसे, हुन ऐ बलेसे कि मय तुचो काममन के जाने से, तुय जीवता तो बलाय सीस, मान्तर आसीत मरलोर।”

परमेस्वर को सच्चो वचन ख जाननू

¹ सरदीस की कलेसिया को दूत ख असो लिख: “जेको जोने परमेस्वर कि सात आत्मा हुन अर सात तारा हैं।” उ असो कहाँ हैं कि मी तोरो सुभाव ख जानू हैं: तू जिन्दो तो हैं पर हैं मरिया।

प्रकाशितवाक्य 3:1 ပူးပေါင်းရင်းမြစ်များ

लूका 15:24

कसनबल्लोने मोचो ऐ बेटा मरून जाऊ रलो, फेर जीवलो: हाजुन जाऊ रलो, अदायं मिरलो से।’ आउर हुनमन हरिक करूक मुरयाला।

लूका 15:32

मान्तर अदायं हरिक करतोर आउर उदम होतोर आसे कसनबल्लोने ऐ तुचो भाई मरून जाऊ रलो, फेर जीवलो से; हाजुन जाऊ रलो, अदायं मिरलो से’।”

यूहन्ना 1:16

कसनबल्लोने हुनचो समपूरनता ले आमी सपाय पावलु बल्लोने अनुग्रह थाने अनुग्रह।

यूहन्ना 1:33

मय तो हुनके चिता ते नी रले, मान्तर जोन मोके पानी ले डूबन देतो काजे पठालो, हुनी मोचो ले बल्लो, ‘जेचो उपरे तुय आत्मा के उतर ते आउर ठेबते दक से, हुनी पवितर आत्मा ले डूबन देतो बिता आय।’

यूहन्ना 20:22

ऐ बोलुन भाती हुन हुनमन चो उपरे फुक लो आउर हुनमन ले बल्लो, “पवितर आत्मा धरा।

यूहन्ना 3:34

कसनबल्लोने जोन के माहापुरू पठालो से, हुन माहापुरू चो गोठमन बोलु आय; कसनबल्लोने हुन आत्मा नापुन-नापुन भाती नी देये।

प्रेरितो 2:33

असने परकार माहापुरू चो उजा हाथ ले सपाय ले बड़े पद पाऊन भाती, आउर बुआ ले हुन पवितर आत्मा पाऊन भाती जेचो बायदा करा जाऊ रली, हुन ऐ रिकाऊन दिलो से जोन के तुमी दकेसास आउर सुनेसास।

इफिसीयो 2:1

हुन तुमके बले जिआ लो, जोन आपलो अपराधमन आउर पापमन चो लागुन मरून रवत

इफिसीयो 2:5

जिदलदाय आमी अपराधमन चो लागुन मरून रलु तेबे आमके मसीह चो संगे जिआ लो (अनुग्रह ची ले तुमचो मुक्ति होली से),

कुलुस्सियो 2:13

हुन तुमके बले, जोन आपलो अपराधमन के आउर आपलो देंह चो बिन खतना हाल ने मुरदा रवत, हुनचो संगे जिआ लो, आउर आमचो सपाय अपराधमन के छमा करलो,

1तीमुथियुस 5:6

मान्तर जोन भोग बिलास ने पडुन गेला, हुन जीवता-जीवता मरून गेला से।

याकूब 2:26

आउर जसन देंह आत्मा बिना मरलीसे, असने ची बिश्वास बले करम बिना मरलीसे।

1 पतरस 1:11

हुनमन ऐ गोठ चो खोज करला कि मसीह चो आत्मा जोन हुनमन थाने रये, आउर पयले ले ची मसीह चो दुकमन चो बाटे हुनचो पाचे होतो बिती महिमा चो गोहई देते रये, हुन कोन ले आउर कसन समया चो बाटे ईसारा करते रलो।

यहूदा 1:12

ऐ तुमचो मया चो सभामन ने तुमचो संगे खाते-पिवते, समुन्द ने लुकलो बिती पकना असन आत, आउर बेधड़क आपलो ची पेट भरतो बिता जगवार आत; हुनमन पानी नी रलो बादरी आत, जेके लेहरा उड़ाऊन धरून जाऊ आय; पानी गरमी चो नी फरतो रूक आत, जोन दुयहार मरला से, आउर चेर संगे उकनी होलासे;

प्रकाशितवाक्य 1:11

“जोन काई तुय दक सीस हुनके किताब ने लिकुन भाती सातो कलीसियामन चो लगे पटाऊन देस, बल्लोने इफिसुस, आउर स्मुरना, आउर पिरगमुन, आउर थुआथीरा, आउर सरदीस, आउर फिलदिलफिया, आउर लौदीकिया के।”

प्रकाशितवाक्य 1:16

हुन आपलो उजा हाथ ने सात तारामन धरून भाती रये, आउर हुनचो थोमना ले तेज दुयधारी तलवार निकरते रये। हुनचो थोमना असन बरते रये, जसन बेर तेज घाम चो समया बरू आय।

प्रकाशितवाक्य 1:20

बल्लोने हुन सात तारामन चो भेद जेके तुय मोचो उजा हाथ ने दकु रईस, आउर हुन सात सोना चो दियामन चो भेद: हुन सात तारा सातो कलीसियामन चो दूत आत, आउर हुन सात पटेरा सात कलीसियामन आत।

प्रकाशितवाक्य 1:4

यूहन्ना चो बाटले आसिया चो सात कलीसियामन चो नाव: हुनचो बाटले जोन आसे, आउर जोन रये, आउर जोन ऐतो बिती आय; आउर हुन सात आत्मामन चो बाटले, जोन हुनचो सिंघासन चो पुरे आसे,

प्रकाशितवाक्य 2:13

“मय ऐ जाने कि तुय हुता रऊ आस जोन थाने शयतान चो सिंघासन आसे; तुय मोचो नाव थाने थीर रऊ आस, आउर मोचो उपरे बिश्वास करतो ले हुन दिनमन ने बले पाटकुती नी गुचलीस जोनमन ने मोचो बिश्वास लायक गोहई अन्तिपास, तुमचो मंजी हुन जगा थाने घात करा गेलो जोन थाने शयतान रऊ आय।”

प्रकाशितवाक्य 2:19

“मय तुचो काममन, तुचो मया आउर बिश्वास आउर सेवा आउर धीरज, के जाने से आउर ऐ बले कि तुचो पाचे चो काम पयलामन ले बडुन भाती आय।”

प्रकाशितवाक्य 2:2

“मय तुचो काम, आउर तुचो मसागत, आउर तुचो धीरज के जाने से; आउर ऐ बले कि तुय खराप लोगमन के दकुक नी सकीस; आउर जोन आपन खुद के पठालोबिता बोलु आत, आउर आत नाई, हुनमन के तुय परकुन भाती फंदी पावलीस।”

प्रकाशितवाक्य 2:9

“मय तुचो कलेश आउर दरिदरता के जाने (मान्तर तुय सवकार आस), आउर जोन लोग आपन खुद के यहूदी बोलु आत आउर आत नाई, मान्तर शयतान चो सभा आत, हुनमन चो निन्दा के बले जाने।”

प्रकाशितवाक्य 3:15

“मय तुचो काममन के जाने से कि तुय ना तो करा आस आउर ना तपलो; अच्छा होती कि तुय करा नाहले तपलो होतीस।”

प्रकाशितवाक्य 3:2

“जागरत हुआ, आउर हुन तीजमन के जोन बाकी बाचली से आउर जोन मेटतो ने आसे, हुनमन के मजबूत कर; कसनबल्लोने मय तुचो कोनी काम के आपलो माहापुरू चो लगे पुरा नी पावले।”

प्रकाशितवाक्य 3:8

“मय तुचो काममन के जानेंसे; दक, मय तुचो पुरे गोटक कपाट उगाढुन संगाले से, जेके कोनी बन्द नी करूक सके; तुचो सामरत खिन्डिक असन तो आय, फेर बले तुय मोचो बचन चो पालन करली सीस आउर मोचो नाव चो इन्कार नी करलीस।”

प्रकाशितवाक्य 4:5

हुन सिंघासन थानले बिजलीमन आउर गरजन निकरेसे आउर सिंघासन चो पुरे आईग चो सात दियामन जरेसे, हुनमन माहापुरू चो सात आत्मामन आत,

प्रकाशितवाक्य 5:6

तेबे मय हुन सिंघासन आउर चारो परानीमन आउर हुन सियानमन चो मंजी ने, माना गोटक पुजा करलो बिती मेमना उबलोर दकले। हुनचो सात सींग आउर सात आँईकमन रली, ऐ माहापुरू चो सातो आत्मामन आत जोन पुईतराय धरतनी थाने पटाया गेलीसे।