प्रकाशितवाक्य 22:18 - Halbi

¹⁸ मय हरकोनी के, जोन ऐ किताब चो अगम गोठ चो गोठमन सुन आय, गोहई देयें से: अगर कोनी माने ऐ गोठमन ने काई बड़ा दे तेबे माहापुरू हुन बिपत्तिमन के, जोन ऐ किताब ने लिकलोर आसे, हुनचो उपरे बड़ाये दे।

परमेस्वर को सच्चो वचन ख जाननू

¹⁸ मी हर एक ख, जो या किताब की भविस्वानी की बात हुन सुना हैं, गवाही देऊ हैं: अदि कोई अदमी असी बात हुन म से कुछ बढ़ाए ते परमेस्वर वी विपत्ति हुन ख, जो या किताब म लिखी हैं, ओपर बढ़ायगों।

प्रकाशितवाक्य 22:18 ပူးပေါင်းရင်းမြစ်များ

मत्ती 15:13

ईशु जबाप दिलो, “सपाय बुटा जोन मोचो सरग चो बुआ नी लगालो, उकना जाय दे।

इफिसीयो 4:17

ऐईकाजे मय बलेंसें आउर परबु ने बिनती करें से कि जसन दुसर जाति लोग आपलो मन चो खराप रीति थाने चलु आत, तुमी अदायं ले फेर असन नी चलासे।

1 थिस्सलुनीकियो 4:6

कि ऐ गोठ ने कोनी आपलो भाई के नी ठगो, आउर ना हुनचो उपरे दाँव चला ओ, कसनबल्लोने परबु ऐ सपाय गोठमन चो पलटा धरू बिता आय; जसन कि आमीमन पयले ची तुमचो ले बोलु आउर जनाऊन बले रलु।

प्रकाशितवाक्य 1:3

धन्य आय हुन जोन ऐ अगम गिआन चो बचन के पढु आय, आउर हुनमन जोन सुनु आत आउर ऐ थाने लिकलो बिती गोठमन के मानु आत; कसनबल्लोने समया लगे आसे।

प्रकाशितवाक्य 15:1

फेर मय सरग ने गोटक आउर बड़े आउर भयंकर चिना दकले, बल्लोने सात सरगदूत जेचो लगे सातो आखरी बिपत्तिमन रये, कसनबल्लोने हुनमन चो आखरी होऊन जातो के माहापुरू चो रीस चो आखरी होली।

प्रकाशितवाक्य 15:6

आउर हुनमन सातो सरगदूत जेचो लगे सातो बिपत्तिमन रये, मल-मल चो शुद्ध आउर चमकदार फटीई पिन्दुन आउर छाती थाने सोना चो पट्टामन बान्दुन भाती मंदिर ले निकरला।

प्रकाशितवाक्य 19:20

हुन पशु, आउर हुनचो संगे हुन फंदी अगम गिआनी धरा पड़लो जोन हुनचो पुरे असन चिना दकाऊ रलो जेचो दुवारा हुन हुनमन के भरमालो जोन थाने हुन पशु चो छाप रये आउर जोन हुनचो मुरती चो पुजा करते रवत। ऐ दुनो जीवता-जीवता हुन आईग चो झील ने, जोन गन्धक ले जरू आय डाला गेला।

प्रकाशितवाक्य 20:10

हुनमन चो भरमातो बिता शयतान आईग आउर गन्धक चो हुन झील ने, जोन थाने हुन पशु आउर फंदी अगम गिआनी बले होये दे, डालुन दिया जाय दे; आउर हुनमन रात दिन जुग-जुग दुखा ने तड़प ते रदे।

प्रकाशितवाक्य 20:15

आउर जोन कोनी चो नाव जीवना चो किताब ने लिकलोर नी मिरली, हुन आईग चो झील ने डाला गेला।

प्रकाशितवाक्य 22:10

फेर हुन मोचो ले बल्लो, “ऐ किताब चो अगम गोठ चो गोठमन के बन्द नी कर; कसनबल्लोने समया लगे आसे।

प्रकाशितवाक्य 22:16

“मय ईशु आपलो सरगदूत के ऐईकाजे पठाले कि तुमचो पुरे कलीसियामन चो बारे ने ऐ गोठमन चो गोहई देओ। मय दाऊद चो मूल आउर बंश, आउर बिहान चो बरतो बिती तारा आय।”

प्रकाशितवाक्य 22:7

“दक, मय झटके ऐतो बिता आय! धन्य आय हुन, जोन ऐ किताब चो अगम गोठ चो गोठमन मानु आय।”

प्रकाशितवाक्य 22:9

मान्तर हुन मोचो ले बल्लो, “दक, असन नी कर; कसनबल्लोने मय तुचो, आउर तुचो भाई अगम गिआनीमन, आउर ऐ किताब चो गोठमन के मानतो बितामन चो संगवारी दास आय। माहापुरू के ची पाँय पढ़।”

प्रकाशितवाक्य 3:14

“लौदीकिया चो कलीसिया चो दूत के ऐ लिक: जोन आमीन आउर बिश्वास लायक आउर सत गोहई आय, आउर माहापुरू चो बनालोर मुल कारन आय, हुन ऐ बलेसे: कि”