प्रकाशितवाक्य 21:8 - Halbi

⁸ “मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”

परमेस्वर को सच्चो वचन ख जाननू

⁸ पर डरनवाला, अर अविस्वासी हुन अर घिनोना हुन, अर हत्यारा हुन अर व्यभिचारी हुन, अर टोना, अर मूरती पूजा करन वाला, अर सब झुटा हुन को भाग वा झील म मिलेगो जो आग अर गन्धक से जलते रहवा हैं: या दुसरी माऊत आय।

प्रकाशितवाक्य 21:8 ပူးပေါင်းရင်းမြစ်များ

मत्ती 10:28

जोन देंह के घात करू आत, मान्तर आत्मा के घात नी करूक सकोत, हुनमन ले नी डरा; मान्तर हुनची ले डरा, जोन आत्मा आउर देंह दुनो के नरक ने नष्ट करूक सके।

मत्ती 25:25

ऐईकाजे मय डर ले आउर जाऊन भाती तुचो तोड़ा माटी ने लुकाऊन दिले। दक, ‘जोन तुचो आय, हुन ऐ आय।’

मत्ती 8:26

हुन हुनमन ले बल्लो, “हे अल्पबिश्वासीमन, केंव डरेसास?” तेबे हुन उठून भाती लेहरा धुका आउर पानी के खिजलो, आउर सपाय शान्त होऊन गेली।

मरकुस 9:44

जोन थाने हुनमन चो कीड़ा नी मरोत आउर आईग नी लिबे।

यूहन्ना 8:44

तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय।

2 थिस्सलुनीकियो 2:9

हुन अधरमी चो ऐतोर शयतान चो काम चो अनुसार सपाय परकार चो फंदी सामरत, आउर चिना, आउर भयंकर काम चो संगे,

1तीमुथियुस 4:2

ऐ हुन फंदी मानेमन चो कपट चो लागुन होये दे, जेचो बिबक माना जरतो बिती लुआ ले दागा गेलीसे,

तीतुस 1:16

हुनमन बोलु आत कि आमी माहापुरू के जानु, मान्तर आपलो काममन ले हुनचो इन्कार करू आत; कसनबल्लोने हुनमन घिन घिना आउर हुकुम नी मानु बिता आत, आउर कोनी अच्छा काम चो लायक नुआत।

इब्रानियो 12:24

आउर नवा बायदा चो मंजारे ईशु आउर छिंचलोर हुन लऊ चो लगे ईलासास, जोन हाबिल चो लऊ ले बड़ीया गोठमन बोलु आय।

इब्रानियो 13:4

बिआ सपाय ने ईजीत चो गोठ समजा जाओ, आउर बिहा ओचना निसकलंक रओ, कसनबल्लोने माहापुरू बेबीचारीमन, आउर दुसर चो बायले नेतो बितामन चो नियाय करेदे।

1यूहन्ना 2:22

फंदी कोन आय? मात्र हुन जोन ईशु के मसीह होतोर ले इन्कार करू आय; आउर मसीह चो बिरोधी हुनी आय, जोन बुआ चो आउर बेटा चो इन्कार करू आय।

1यूहन्ना 3:15

जोन कोनी आपलो भाई ले बईर संगाऊ आय, हुन हत्यारा आय; आउर तुमी जानेसास कि कोनी हत्यारा ने अमर जीवना नी रये।

1यूहन्ना 5:10

जोन माहापुरू चो बेटा उपरे बिश्वास करू आय हुन आपलो ची ने गोहई संगाऊ आय। जोन माहापुरू उपरे बिश्वास नी करलो हुन हुनके फंदी ठेबालो, कसनबल्लोने हुन-हुन गोहई थाने बिश्वास नी करलो जोन माहापुरू आपलो बेटा चो बारे ने दिलो से।

प्रकाशितवाक्य 14:10

हुन माहापुरू चो परकोप चो निरवा मन्द, जोन हुनचो रीस चो बोटका ने रकाय गेली से, पिये दे आउर पवितर सरग दूतमन चो पुरे आउर मेमना चो पुरे आईग आउर गन्धक चो दुखा ने पड़े दे।

प्रकाशितवाक्य 19:20

हुन पशु, आउर हुनचो संगे हुन फंदी अगम गिआनी धरा पड़लो जोन हुनचो पुरे असन चिना दकाऊ रलो जेचो दुवारा हुन हुनमन के भरमालो जोन थाने हुन पशु चो छाप रये आउर जोन हुनचो मुरती चो पुजा करते रवत। ऐ दुनो जीवता-जीवता हुन आईग चो झील ने, जोन गन्धक ले जरू आय डाला गेला।

प्रकाशितवाक्य 2:11

“जेचो कान आसे हुन सुना कि आत्मा कलीसियामन ले काय बलेसे। जोन जय पावला, हुनके दुसर मरना ले हानि नी पहुँचे।”

प्रकाशितवाक्य 2:2

“मय तुचो काम, आउर तुचो मसागत, आउर तुचो धीरज के जाने से; आउर ऐ बले कि तुय खराप लोगमन के दकुक नी सकीस; आउर जोन आपन खुद के पठालोबिता बोलु आत, आउर आत नाई, हुनमन के तुय परकुन भाती फंदी पावलीस।”

प्रकाशितवाक्य 21:27

मान्तर हुन थाने कोनी अशुद्ध तीज, नाहले घिन-घिना काम करतो बिता, नाहले फंद के बनातो बिता कोनी रीति ले नी ओले, मान्तर मात्र हुन लोग जोनमन चो नाव मेमना चो जीवना चो किताब ने लिकलोर आसे।

प्रकाशितवाक्य 22:15

मान्तर कुकूरमन, आउर पंगनाहामन, आउर बेबीचारी, आउर हत्यारा आउर मुरती पुजा करू, आउर हरकोनी फंद के चाहतो बिता आउर गड़तो बिता बाहरे रये दे।

प्रकाशितवाक्य 9:17

मोके ऐ दरशन ने घोड़ा आउर हुनमन चो असन चेगलो बितामन दका दिला जेचो झिलमन ने आईग आउर धूम्रकान्त आउर गन्धक चो असन रली, आउर हुन घोड़ामन चो मुण्ड डुरकामन चो मुण्डमन चो असन रये; आउर हुनमन चो मुंह ले आईग, कुमरा आउर गन्धक निकरते रये।

प्रकाशितवाक्य 9:21

आउर जोन लऊ आउर पंगनाहा, आउर बेबीचार, आउर चोरी हुनमन करून रवत, हुनमन ले मन नी फिराला।