प्रकाशितवाक्य 2:13 - Halbi

¹³ “मय ऐ जाने कि तुय हुता रऊ आस जोन थाने शयतान चो सिंघासन आसे; तुय मोचो नाव थाने थीर रऊ आस, आउर मोचो उपरे बिश्वास करतो ले हुन दिनमन ने बले पाटकुती नी गुचलीस जोनमन ने मोचो बिश्वास लायक गोहई अन्तिपास, तुमचो मंजी हुन जगा थाने घात करा गेलो जोन थाने शयतान रऊ आय।”

परमेस्वर को सच्चो वचन ख जाननू

¹³ मी असो जानू हैं कि तू उते रहवा हैं जिते भूत (सैतान) को सिंहासन हैं; तू मोरो नाम पा रुक ख रहवा हैं, अर मोरो ऊपर भरोसा करनो से वी दिन म भी पीछु नी हटियो जेमा मोरो भरोसा लायक गवाह अन्तिपास, तुमरो बीच वा जगा पर ओखा मारो गयो जिते सैतान रहवा हैं।

प्रकाशितवाक्य 2:13 ပူးပေါင်းရင်းမြစ်များ

मत्ती 10:23

जिदलदाय हुनमन तुमके गोटक नंगर ने कन्दरादे, तेबे दुसर बाटे पराहा। मय तुमचो ले सते बलेंसे, तुमी इस्राएल परदेश चो सपाय नंगरमन ने नी फिरून चुकासे कि माने चो बेटा ऐयेदे।”

मत्ती 24:9

तेबे हुनमन कलेश देतो काजे तुमके धरा दे, आउर तुमके मारून पका दे, आउर मोचो नाव चो कारन सपाय जातिमन चो लोग तुमचो ले बईर संगा दे।

मत्ती 4:10

तेबे ईशु हुनचो ले बल्लो, “हे शयतान दूर होऊन जा, कसनबल्लोने लिकलोर आसे: ‘तुय परबु आपलो माहापुरू के पाँय पड़, आउर मात्र हुनचेई उपास कर।’”

लूका 21:17

मोचो नाव चो लागुन सपाय लोग तुमचो ले बईर कर दे।

प्रेरितो 22:20

जिदलदाय तुचो गोहई स्तिफनुस चो लऊ बोहड़ाया जाते रली तेबे मय बले हुता उबा रयें आउर ऐ गोठ ने राजी रयें, आउर हुनचो हत्यारामन चो फटीई चो राका करते रयें।

प्रेरितो 9:14

आउर ऐथा बले ऐके परधान याजकमन चो बाटले अधिकार मिरली से कि जोन लोग तुचो नाव धरू आत, हुन सपाय के बान्दोत।

1 थिस्सलुनीकियो 5:21

सपाय गोठमन के परका; जोन अच्छा आय हुनके धरून रहा।

1तीमुथियुस 5:8

मान्तर अगर कोनी आपनमन चो आउर निज करून आपलो घरलोगमन चो चिन्ता नी करे, तो हुन बिश्वास ले मुकरून गेलो से आउर अन्दबिश्वासी ले बले खराप बनुन गेलो से।

2 तीमुथियुस 1:13

जोन खर गोठमन तुय मोचो ले सुनली सीस हुनके हुन बिश्वास आउर मया चो संगे, जोन मसीह ईशु ने आसे, आपलो नमूना बनान भाती संगाव।

2 तीमुथियुस 2:12

अगर आमी धीरज ले सहते रवां तो हुनचो संगे राज बले करवां; अगर आमी हुनचो इन्कार करवां, तो हुन बले आमचो इन्कार करेदे;

इब्रानियो 10:23

ईआ आमी आपलो आशा चो अंगीकार के हिम्मत ले थामुन रऊ, कसनबल्लोने जोन बायदा करलो से, हुन बिश्वास लायक आय;

इब्रानियो 3:6

मान्तर मसीह बेटा चो असन माहापुरू चो घर चो अधिकारी आय; आउर हुनचो घर आमी आव, अगर आमी साहास थाने आउर आपलो आशा चो घमण्ड थाने आखरी ले मजबूत ले थीर रवां।

याकूब 2:7

काय हुनमन हुन बड़ीया नाव चो निन्दा नी करोत जेचो तुमी बलाय जाऊ आस?

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,

प्रकाशितवाक्य 11:3

मय आपलो दुय गोहईमन के ऐ अधिकार देयेंदे कि टाट ओड़ी होऊन एक हजार दुय सव साठ दिन ले अगम गोठ करोत।

प्रकाशितवाक्य 12:11

“हुनमन मेमना चो लऊ चो लागुन आउर आपलो गोहई चो बचन चो लागुन हुनचो उपरे जयवन्त होला, आउर हुनमन आपलो जीवमन के लाड़ नी जानला, ऐथाले कि मरना बले सहला।”

प्रकाशितवाक्य 13:2

जोन पशु मय दकले हुन डुरकी चो समान रये; आउर हुनचो पाँय भालु चो असन, आउर मुंह डुरका चो असन रये। हुन बोड़ासाप आपलो सामरत आउर आपलो सिंघासन आउर बड़े अधिकार हुनके देउन दिलो।

प्रकाशितवाक्य 14:12

पवितर लोगमन चो धीरज ऐई थाने आसे, जोन माहापुरू चो हुकुममन के मानु आत आउर ईशु उपरे बिश्वास संगाऊ आत।

प्रकाशितवाक्य 17:14

“हुनमन मेमना संगे लड़ दे, आउर मेमना हुनमन उपरे जय पाये दे, कसनबल्लोने हुन परबुमन चो परबु आउर राजामन चो राजा आय, आउर जोन हाग दिलोर आउर चुनलो आउर बिश्वासी आत हुनमन हुनचो संगे आसोत; हुनमन बले जय पावदे।”

प्रकाशितवाक्य 17:6

मय हुन बायले लेकी के पवितर लोगमन चो लऊ आउर ईशु चो गोहईमन चो लऊ पिवलोर मातलोर दकले; हुनके दकुन भाती मय चकित होऊन गेले।

प्रकाशितवाक्य 2:2

“मय तुचो काम, आउर तुचो मसागत, आउर तुचो धीरज के जाने से; आउर ऐ बले कि तुय खराप लोगमन के दकुक नी सकीस; आउर जोन आपन खुद के पठालोबिता बोलु आत, आउर आत नाई, हुनमन के तुय परकुन भाती फंदी पावलीस।”

प्रकाशितवाक्य 3:11

“मय झटके ऐतो बिता आंय; जोन काई तुचो लगे आसे हुनके थामुन रा कि कोनी तुचो मुकुट झिकुन नी धरो।”

प्रकाशितवाक्य 3:3

“ऐईकाजे सुरता कर कि तुय कसन सिक्या पावलीस आउर सुनु रईस, आउर हुन थाने बनु रा आउर मन फिराव। अगर तुय जागरत नी रसे तेबे मय चोर चो असन ऐयेंदे, आउर तुय केबीई नी जानुक सकसे कि मय कोन घड़ी तुचो थाने ऐऊन पडे़दें।”