प्रकाशितवाक्य 18:23 - Halbi

²³ आउर दीया चो उजर फेर केबीई तुचो थाने नी बरे दे, आउर दुला आउर दुली चो शब्द फेर केबीई तुचो थाने सुना नी देये दे; कसनबल्लोने तुचो बेबारी धरतनी चो सियान रवत, आउर तुचो पांगनमन ने सपाय जातिमन भरमाया जाऊ रवत।

परमेस्वर को सच्चो वचन ख जाननू

²³ अर दिया को उजेरा फिर कभी तोरो म नी चमकन को, अर दूला अर दुलन को सब्द फिर कभी तुरो म सुनाई नी देन को; काहेकि तोरा बैपारी जमीन ख राजा हता, अर तोरो टोना से सब जाती हुन भरमाई गई हती।

प्रकाशितवाक्य 18:23 ပူးပေါင်းရင်းမြစ်များ

प्रेरितो 8:11

हुन खुबे दिनमन ले हुनमन के आपलो जादु चो काममन ले भकवा करून संगाऊन रलो, ऐईकाजे हुनमन हुनके खुबे मानते रवत।

प्रकाशितवाक्य 12:9

तेबे हुन बड़े बोड़ासाप, बल्लोने हुनी जुना सांप जोन इबलीस आउर शयतान बोला जाऊ आय आउर पुईतराय संवसार चो भरमातो बिता आय, धरतनी थाने घसराऊन दिया गेलो, आउर हुनचो दूत हुनचो संगे घसराऊन दिया गेला।

प्रकाशितवाक्य 17:2

जेचो संगे धरतनी चो राजामन बेबीचार करला; आउर धरतनी चो रतो बितामन हुनचो बेबीचार चो मन्द ले मतभुल होऊन जाऊ रवत।

प्रकाशितवाक्य 17:5

हुनचो कपार थाने ऐ नाव लिकलोर रये, “भेद बड़े बेबीलोन धरतनी चो बेश्यामन आउर घिन-घिना तीजमन चो आया।”

प्रकाशितवाक्य 18:22

बीणा बजातो बितामन आउर गीतगाऊमन आउर बांवसी बजातो बितामन, आउर तुरी फुकतो बितामन चो शब्द फेर केबीई तुचो थाने सुना नी देये दे; आउर कोनी उदम चो कोनी कारीगर बले फेर केबीई तुचो थाने नी मिर दे; आउर जता चो चलतोर शब्द फेर केबीई तुचो थाने सुना नी देये दे;

प्रकाशितवाक्य 18:3

कसनबल्लोने हुनचो बेबीचार चो भयंकर मन्द चो लागुन सपाय जातिमन घसरला से, आउर धरतनी चो राजामन हुनचो संगे बेबीचार करला से, आउर धरतनी चो बेबारी हुनचो सुक-सुबिदा चो खुबे आगर चो लागुन सवकार होला से।”

प्रकाशितवाक्य 18:9

“धरतनी चो राजा जोनमन हुनचो संगे बेबीचार आउर सुक भोगला, जिदलदाय हुनचो जरतोर कुमरा दक दे, तेबे हुनचो काजे गागदे आउर छाती पेटदे।”

प्रकाशितवाक्य 21:8

“मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”

प्रकाशितवाक्य 22:15

मान्तर कुकूरमन, आउर पंगनाहामन, आउर बेबीचारी, आउर हत्यारा आउर मुरती पुजा करू, आउर हरकोनी फंद के चाहतो बिता आउर गड़तो बिता बाहरे रये दे।

प्रकाशितवाक्य 22:5

फेर रात नी होये दे, आउर हुनमन के दीया आउर बेर चो उजर चो जरूरत नी होये दे, कसनबल्लोने परबु माहापुरू हुनमन के उजर देये दे, आउर हुनमन जुग-जुग राज करे दे।

प्रकाशितवाक्य 6:15

तेबे धरतनी चो राजा, आउर सियान, आउर सरदार, आउर सवकार आउर सामरती लोग, आउर हरकोनी दास आउर हरकोनी छुटछाड़ा डोंगरीमन चो करपन ने आउर बड़े-बड़े पोकना मन ने जाऊन लुकला,

प्रकाशितवाक्य 9:21

आउर जोन लऊ आउर पंगनाहा, आउर बेबीचार, आउर चोरी हुनमन करून रवत, हुनमन ले मन नी फिराला।