प्रकाशितवाक्य 17:5 - Halbi

⁵ हुनचो कपार थाने ऐ नाव लिकलोर रये, “भेद बड़े बेबीलोन धरतनी चो बेश्यामन आउर घिन-घिना तीजमन चो आया।”

परमेस्वर को सच्चो वचन ख जाननू

⁵ ओको माथा पर एक राज को नाम लिखो हतो: मानो जानो बेबीलोन। अऊर जमीन पर ख सभी बुरी चिज हुन की माय।

प्रकाशितवाक्य 17:5 ပူးပေါင်းရင်းမြစ်များ

फिलिप्पियो 3:19

हुनमन चो आखरी बिनाश आय, हुनमन चो ईश्पर पेट आय, हुनमन आपलो लाज चो गोठमन थाने घमण्ड करू आत आउर धरतनी चो तीजमन थाने मन लगाऊ रऊ आत।

2 थिस्सलुनीकियो 2:7

कसनबल्लोने अधरम चो भेद ऐबे बले काम करते जाऊ आय, मान्तर ऐबे गोटक ठेबातो बिता आसे, आउर जिदलदाय ले हुन लापी नी होऊन जाए हुन ठेबाऊन रयदे।

प्रकाशितवाक्य 1:20

बल्लोने हुन सात तारामन चो भेद जेके तुय मोचो उजा हाथ ने दकु रईस, आउर हुन सात सोना चो दियामन चो भेद: हुन सात तारा सातो कलीसियामन चो दूत आत, आउर हुन सात पटेरा सात कलीसियामन आत।

प्रकाशितवाक्य 11:8

हुनमन चो लाश हुन बड़े नंगर चो जोड़ान ने पडु रयदे, जोन आत्मिक रीति ले सदोम आउर मिस्र बोला जाऊ आय, जोन थाने हुनमन चो परबु बले कुरूस थाने चेगाया जाऊ रलो।

प्रकाशितवाक्य 14:8

फेर ऐचो पाचे गोटक आउर, दुसर, सरगदूत ऐ बलते ईलो, “घसरलो, हुन बड़े बेबीलोन घसरलो, जोन आपलो बेबीचार चो कोपमय मन्द सपाय जातिमन के पिआलो से।”

प्रकाशितवाक्य 16:19

ऐचो ले हुन बड़े नंगर चो तीन गोंदा होऊन गेली, आउर जाति-जाति चो नंगर घसरुन पढ़ली; आउर बड़े बेबीलोन चो सुरता माहापुरू चो थाने होली कि हुन आपलो रीस चो चिड़चिड़ा चो मन्द हुनके पिआओ।

प्रकाशितवाक्य 17:1

जोन सात सरग दूतमन चो लगे हुन सात बटकामन रये, हुनमन थानले गोटक ऐऊन भाती मचो ले ऐ बल्लो, “ऐ बाटे आव, मय तुके हुन बड़े बेश्या चो डण्ड दकायें दें, जोन खुबे असन पानी थाने बसली से,”

प्रकाशितवाक्य 17:2

जेचो संगे धरतनी चो राजामन बेबीचार करला; आउर धरतनी चो रतो बितामन हुनचो बेबीचार चो मन्द ले मतभुल होऊन जाऊ रवत।

प्रकाशितवाक्य 17:7

तेबे हुन सरगदूत मोचो ले बल्लो, “तुय केंव चकित होलीस? मय ऐ बायले लेकी आउर हुन पशु चो, जेचो उपरे हुन चेगलो से आउर जेचो सात मुण्ड आउर दस सींग आसे, तुके भेद सांगे दे।”

प्रकाशितवाक्य 18:2

हुन बड़े जोर ले चिचयाऊन भाती बल्लो, “घसरलो बड़े बेबीलोन घसरलो से! हुन दुष्टआत्मामन चो निवास, आउर हरकोनी अशुद्ध आत्मा चो अड्डा, आउर हरकोनी अशुद्ध आउर घिन-घिना चड़ीई चो अड्डा होली।

प्रकाशितवाक्य 18:21

फेर गोटक बलवान सरगदूत बड़े जता चो पाट चो असन गोटक पकना उठालो, आउर ऐ बोलुन भाती समुन्द ने पकान दिलो, “बड़े नंगर बेबीलोन असने ची बड़े बल ले घसराया जाय दे, आउर फेर केबीई हुनचो पता नी चले दे।

प्रकाशितवाक्य 19:2

कसनबल्लोने हुनचो निरनय सत आउर ठीक आय। हुन-हुन बड़े बेश्या चो, जोन आपलो बेबीचार ले धरतनी के भ्रष्ट करते रली, नियाय करलो आउर हुनचो ले आपलो दासमन चो लऊ चो पलटा धरलो।”

प्रकाशितवाक्य 7:3

“जिदलदाय ले आमी आपलो माहापुरू चो दासमन चो कपार थाने मोहर नी लगाऊन देऊं, हुलदाय ले धरतनी आउर समुन्द आउर रूकमन के हानि नी पहुँचाहा।”