प्रकाशितवाक्य 13:5 - Halbi

⁵ बड़े गोठ बोलतोर आउर निन्दा करतोर काजे हुनके गोटक मुंह दिया गेली, आउर हुनके बियालीस मयना ले काम करतोर अधिकार दिया गेली।

परमेस्वर को सच्चो वचन ख जाननू

⁵ बड़ो बोल बोलनो अर बुराई करन को लाने ओखा एक मुड़ो दियो गयो, अर ओखा बियालीस महा लक काम करन को हक दियो गयो।

प्रकाशितवाक्य 13:5 ပူးပေါင်းရင်းမြစ်များ

2 थिस्सलुनीकियो 2:3

कोनी रीति ले काचीई धोका ने नी ईआ, कसनबल्लोने हुन दिन नी ऐये जिदलदाय ले धरम चो तियाग नी होये, आउर हुन अधरमी चो माने बल्ले बिनाश चो पिला परकट नी होओ।

2 थिस्सलुनीकियो 2:4

जोन बिरूद करू आय, आउर हरकोनी ले जोन ईश्पर नाहले पुजय बलाया जाऊ आय, आपन खुद के बड़े ठेबाऊ आय, ऐथा ले कि हुन माहापुरू चो मंदिर ने बसुन भाती आपन खुद के ईश्पर ठेबाऊ आय।

2 थिस्सलुनीकियो 2:8

तेबे हुन अधरमी परकट होयेदे, जोन के परबु ईशु आपलो टोंड चो फुक ले मारून पकाये दे, आउर आपलो ऐतो दाय चो तेज ले भसम करेदे।

प्रकाशितवाक्य 11:7

जिदलदाय हुनमन आपलो गोहई देउन चुकदे, तेबे हुन पशु जोन अन्दकुप खोदरा थानले निकरेदे, हुनमन ले लडुन भाती हुनमन के जीतेदे आउर हुनमन के मारून देयेदे।

प्रकाशितवाक्य 12:14

मान्तर हुन बायले लेकी के बड़े उकाब चो दुय पाकटी दिया गेली कि सांप चो पुरे ले उडुन भाती रान ने हुन जगा पोंहचुन जाओ, जोन थाने हुन गोटक समया आउर समयामन, आउर आधा समया ले पोसा जाओ।

प्रकाशितवाक्य 12:6

आउर हुन बायले लेकी हुन रान ने पराली जोन थाने माहापुरू चो बाटले हुनचो काजे गोटक जगा तिआर करा जाऊ रली कि हुता हुन एक हजार दुय सव साठ दिन ले पोसा जाओ।

प्रकाशितवाक्य 13:7

हुनके ऐ बले अधिकार दिया गेली कि पवितर लोगमन ले लड़ो आउर हुनमन उपरे जय पाओ, आउर हुनके हरकोनी कुल आउर लोग आउर भाषा आउर जाति थाने अधिकार दिआ गेली।