प्रकाशितवाक्य 13:16 - Halbi

¹⁶ हुन नानी बड़े, धनी कंगाल, छुटछाड़ा दास सपाय चो उजा हाथ नाहले हुनमन चो कपार थाने गोटक-गोटक छाप कराऊन दिलो,

परमेस्वर को सच्चो वचन ख जाननू

¹⁶ ओ ना सब‌ छोटा-बड़ा, धनी-गरीब स्वतरत-नउकर सब को जेवनो हात या उनको माथा पर एक-एक छाप करा दी,

प्रकाशितवाक्य 13:16 ပူးပေါင်းရင်းမြစ်များ

प्रेरितो 26:22

मान्तर माहापुरू चो सायता ले मय आजी ले बनले से, आउर नानी बड़े सपाय चो पुरे गोहई देये से, आउर हुन गोठमन के छांडुन काई नी बले जोन अगम गिआनीमन आउर मूसा बले बल्लो कि होतो बिती आय,

1 कुरिन्थियो 12:13

कसनबल्लोने आमी सपाय काय यहूदी होओत काय यूनानी, काय दास होओ काय छुटछाड़ा, गोटक ची आत्मा चो बाटले गोटक देंह होतो काजे डूबन धरलु, आउर आमी सपाय के गोटक ची आत्मा पिआया गेली।

गलातियो 3:28

अदायं ना कोनी यहूदी रला आउर ना यूनानी, ना कोनी दास ना छुटछाड़ा, ना कोनी नर ना नारी, कसनबल्लोने तुमी सपाय मसीह ईशु ने गोटक आहास।

गलातियो 6:17

पयले ले कोनी मोके दुख नी दिआस, कसनबल्लोने मय ईशु चो दागमन के आपलो देंह ने धरून फिरें से।

इफिसीयो 6:8

कसनबल्लोने तुमी जानेसास कि जोन कोनी जसन अच्छा काम करेदे, भले दास होओ भले छुटछाड़ा, परबु ले असने ची पायेदे।

कुलुस्सियो 3:11

हुन थाने ना यूनानी रलो ना यहूदी, ना खतना, ना बिन खतना, ना रान चो, ना स्कूती, ना दास आउर ना छुटछाड़ा मात्र मसीह सपाय काई आउर सपाय ने आसे।

2 तीमुथियुस 3:8

जसन यन्नेस आउर यम्ब्रेस मूसा चो बिरूद करून रवत, असने ची ऐ मन बले सत चो बिरूद करू आत; ऐ असन मानेमन आत, जेचो अकल खराप होऊन गेली से आउर हुनमन बिश्वास चो बारे ने बिनकाम चो आत।

प्रकाशितवाक्य 11:18

जातिमन रीस करला, मान्तर तुचो परकोप ऐऊन पड़ली, आउर हुन समया ऐऊन पहुँचली से कि मरलो बितामन चो नियाय करा जाओ, आउर तुचो दास अगम गिआनीमन आउर पवितर लोगमन के आउर हुन नानी-बड़ेमन के जोन तुचो नाव ले डरू आत पलटा दिया जाओ, आउर धरतनी चो नशातो बितामन नाश करा जाओत।”

प्रकाशितवाक्य 15:2

तेबे मय आईग मिललो बिती कांच चो असन गोटक समुन्द दकले; आउर जोन लोग हुन पशु थाने आउर हुनचो मुरती थाने आउर हुनचो नाव चो नम्बर थाने जयवन्त होऊ रवत, हुनमन के हुन कांच चो समुन्द चो लगे माहापुरू चो बीणामन के धरून भाती उबा दकले।

प्रकाशितवाक्य 19:18

“जेचो ले तुमी राजामन चो मास, आउर सरदारमन चो मास, आउर शक्तिमान मानेमन चो मास, आउर घोड़ामन चो आउर हुनचो चेगलो बितामन चो मास, आउर काय छुटछाड़ा काय दास, काय नानी काय बड़े, सपाय लोगमन चो मास खाआ।”

प्रकाशितवाक्य 19:20

हुन पशु, आउर हुनचो संगे हुन फंदी अगम गिआनी धरा पड़लो जोन हुनचो पुरे असन चिना दकाऊ रलो जेचो दुवारा हुन हुनमन के भरमालो जोन थाने हुन पशु चो छाप रये आउर जोन हुनचो मुरती चो पुजा करते रवत। ऐ दुनो जीवता-जीवता हुन आईग चो झील ने, जोन गन्धक ले जरू आय डाला गेला।

प्रकाशितवाक्य 19:5

तेबे सिंघासन थानले गोटक शब्द निकरली, “हे आमचो माहापुरू ले सपाय डरतो बिता दासमन, काय नानी काय बड़े; तुमी सपाय हुनचो स्तुति करा।”

प्रकाशितवाक्य 20:12

फेर मय नानी बड़े सपाय मरलो बितामन के सिंघासन चो पुरे उबा होलोर दकले, आउर किताबमन खोला गेली; आउर फेर गोटक किताब खोला गेली, बल्लोने जीवना चो किताब; आउर जसन हुन किताबमन ने लिकलोर रली, असने ची हुनमन चो काममन चो अनुसार मरलो बितामन चो नियाय करा गेली।

प्रकाशितवाक्य 20:4

फेर मय सिंघासन दकले, आउर हुन थाने लोग बसुन गेला, आउर हुनमन के नियाय करतोर अधिकार दिया गेली। मय हुनमन चो आत्मामन के बले दकले, जोनमन मुण्ड ईशु चो गोहई देतोर आउर माहापुरू चो बचन चो लागुन काटा जाऊ रवत, आउर जोनमन ना हुन पशु चो, आउर ना हुनचो मुरती चो पुजा करू रला, आउर हुनचो छाप आपलो कपार आउर हाथमन थाने धरून रवत। हुनमन जीव पडुन भाती मसीह चो संगे हजार बरक ले राज करते रवत।

प्रकाशितवाक्य 6:15

तेबे धरतनी चो राजा, आउर सियान, आउर सरदार, आउर सवकार आउर सामरती लोग, आउर हरकोनी दास आउर हरकोनी छुटछाड़ा डोंगरीमन चो करपन ने आउर बड़े-बड़े पोकना मन ने जाऊन लुकला,

प्रकाशितवाक्य 7:3

“जिदलदाय ले आमी आपलो माहापुरू चो दासमन चो कपार थाने मोहर नी लगाऊन देऊं, हुलदाय ले धरतनी आउर समुन्द आउर रूकमन के हानि नी पहुँचाहा।”