प्रकाशितवाक्य 13:12 - Halbi

¹² हुन-हुन पयला पशु चो पुईतराय अधिकार हुनचो पुरे काम ने आनते रलो; आउर धरतनी आउर हुनचो रतो बितामन ले हुन पयला पशु चो, जेचो परान घातक घाव अच्छा होऊन जाऊ रये, पुजा कराते रये।

परमेस्वर को सच्चो वचन ख जाननू

¹² यू उ पहले जानवर को पुरो हक ओको जोने काम म लात रहा हतो; अर जमीन अर ओखा रहन वाला से उ पहले जानवर की, जेको जान लेन वालो खत्ता चोक्खो हो गयो रहा, पूजा करत रहा।

प्रकाशितवाक्य 13:12 ပူးပေါင်းရင်းမြစ်များ

2 थिस्सलुनीकियो 2:4

जोन बिरूद करू आय, आउर हरकोनी ले जोन ईश्पर नाहले पुजय बलाया जाऊ आय, आपन खुद के बड़े ठेबाऊ आय, ऐथा ले कि हुन माहापुरू चो मंदिर ने बसुन भाती आपन खुद के ईश्पर ठेबाऊ आय।

प्रकाशितवाक्य 13:2

जोन पशु मय दकले हुन डुरकी चो समान रये; आउर हुनचो पाँय भालु चो असन, आउर मुंह डुरका चो असन रये। हुन बोड़ासाप आपलो सामरत आउर आपलो सिंघासन आउर बड़े अधिकार हुनके देउन दिलो।

प्रकाशितवाक्य 13:8

धरतनी चो हुन सपाय रतो बितामन, जोनमन चो नाव हुन मेमना चो जीवना चो किताब ने लिका नी गेली जोन जगत चो उपजास चो समया ले घात होलो से हुन पशु चो पुजा कर दे।

प्रकाशितवाक्य 14:11

“हुनमन चो दुखा चो कुमरा जुग-जुग उठते रये दे, आउर जोन हुन पशु आउर हुनचो मुरती चो पुजा करू आत, आउर जोन हुनचो नाव चो छाप धरू आत, हुनमन के रात दिन असतीर नी मिरे दे।”

प्रकाशितवाक्य 14:9

फेर ऐचो पाचे गोटक आउर, तीसर, सरगदूत बड़े जोर ले ऐ बोलते-बोलते ईलो, “जोन कोनी हुन पशु आउर हुनचो मुरती चो पुजा कर दे, आउर आपलो कपार नाहले आपलो हाथ थाने हुनचो छाप धरो”

प्रकाशितवाक्य 16:2

आउर पयला सरगदूत जाऊन भाती आपलो बटका धरतनी थाने रिकाऊन दिलो। तेबे हुन मानेमन चो, जोनमन थाने पशु चो छाप रये आउर जोन हुनचो मुरती चो पुजा करते रवत, गोटक परकार चो खराप आउर दुक देतो बिती पोका निकरली।

प्रकाशितवाक्य 17:8

जोन पशु तुय दकली सीस हुन पयले तो रये मान्तर अदायं निआय, आउर अन्दकुप खोदरा ले निकरून भाती बिनाश ने पढ़े दे; आउर धरतनी चो रतो बितामन जेचो नाव जगत चो उपजास चो समया ले जीवन चो किताब ने लिका नी गेली, ऐ पशु चो ऐ दसा दकुन भाती कि पयले रये आउर अदायं निआय आउर फेर ऐये दे, घबरादे।

प्रकाशितवाक्य 19:20

हुन पशु, आउर हुनचो संगे हुन फंदी अगम गिआनी धरा पड़लो जोन हुनचो पुरे असन चिना दकाऊ रलो जेचो दुवारा हुन हुनमन के भरमालो जोन थाने हुन पशु चो छाप रये आउर जोन हुनचो मुरती चो पुजा करते रवत। ऐ दुनो जीवता-जीवता हुन आईग चो झील ने, जोन गन्धक ले जरू आय डाला गेला।

प्रकाशितवाक्य 20:4

फेर मय सिंघासन दकले, आउर हुन थाने लोग बसुन गेला, आउर हुनमन के नियाय करतोर अधिकार दिया गेली। मय हुनमन चो आत्मामन के बले दकले, जोनमन मुण्ड ईशु चो गोहई देतोर आउर माहापुरू चो बचन चो लागुन काटा जाऊ रवत, आउर जोनमन ना हुन पशु चो, आउर ना हुनचो मुरती चो पुजा करू रला, आउर हुनचो छाप आपलो कपार आउर हाथमन थाने धरून रवत। हुनमन जीव पडुन भाती मसीह चो संगे हजार बरक ले राज करते रवत।