प्रकाशितवाक्य 11:3 - Halbi

³ मय आपलो दुय गोहईमन के ऐ अधिकार देयेंदे कि टाट ओड़ी होऊन एक हजार दुय सव साठ दिन ले अगम गोठ करोत।

परमेस्वर को सच्चो वचन ख जाननू

³ मी अपना दो गवाह हुन ख यू कह देऊगो कि पट्टा ओढ़ ख एक हजार दो सव साठ दिन लक भविस्यवानी करेगों।

प्रकाशितवाक्य 11:3 ပူးပေါင်းရင်းမြစ်များ

मत्ती 11:21

“हाय, खुराजीन! हाय, बैतसैदा! जोन सामरत चो काम तुमचो थाने करा गेली, अगर हुनमन सूर आउर सयदा ने करा जाति, तेबे टाट ओडून भाती, आउर लाकड़ी ने बोसुन भाती हुनमन केबे मन फिराऊ रता।

मत्ती 18:16

अगर हुन नी सुने दे, तेबे गोटक नाहले दुय झान के आपलो संगे आउर धरून जा, कि ‘हर कोनी गोठ दुय नाहले तीन गोहईमन चो मुंह ले तय करा जाओ।’

लूका 10:13

“हाय खुराजीन! हाय बैतसैदा! जोन सामरत चो काममन तुमचो थाने करा गेली, अगर हुनमन सूर आउर सयदा ने करा जाति तेबे टाट ओडून भाती आउर लाकड़ी ने बोसुन भाती हुनमन केबे मन फिराता।

लूका 24:48

तुमी ऐ सपाय गोठमन चो गोहई आहास।

यूहन्ना 15:27

आउर तुमी बले मोचो गोहई आहास कसनबल्लोने तुमी मुर ले मोचो संगे रलासास।

यूहन्ना 3:27

यूहन्ना जबाप दिलो, “जिदलदाय ले माने के सरग ले नी दिया जाये, तेबे तक हुन काई नी पाऊक सके।

प्रेरितो 1:8

“मान्तर जिदलदाय पवितर आत्मा तुमचो उपरे ऐये दे तेबे तुमी सामरत पाआ से; आउर यरूशलेम आउर सपाय यहूदिया आउर सामरिया ने, आउर धरतनी चो कोना-कोना ले मोचो गोहई हुआ से।”

प्रेरितो 13:31

आउर हुन हुनमन के जोन हुनचो संगे गलील ले यरूशलेम ऐऊ रवत, खुबे दिन ले दका देते रलो; लोगमन चो पुरे अदायं हुनमन ची हुनचो गोहई आत।

प्रेरितो 2:32

ऐई ईशु के माहापुरू जिआ लो, जेचो आमी सपाय गोहई आंसु।

प्रेरितो 3:15

आउर तुमीमन जीवना चो करता के मारून दीलास, जेके माहापुरू मरलो बितामन थानले जिआ लो; आउर ऐ गोठ ने आमी गोहई आंसु।

1 कुरिन्थियो 12:28

आउर माहापुरू कलीसिया ने अलग-अलग माने तिआर करलो से; पयला पठालोबिता, दुसर अगम गिआनी, तीसर गुरजी, फेर सामरत चो काम करतो बितामन, फेर चेंगा करतो बितामन, आउर उपकार करतो बितामन, आउर जुगाड़ करतो बितामन, आउर नाना परकार चो भाषा बोलतो बितामन।

2 कुरिन्थियो 13:1

अदायं तीसर हार मय तुमचो लगे ऐयें सें: दुय नाहले तीन गोहईमन चो मुंह ले हरकोनी गोठ ठेबाया जाय दे।

इफिसीयो 4:11

हुन कितलो के पठालोबिता नियुक्त करून, आउर कितलो के अगम गिआनी नियुक्त करून, आउर कितलो के नगतखबर सुनातो बिता नियुक्त करून, आउर कितलो के राका करूमन आउर उपदेशक नियुक्त करून देऊन दिलो,

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,

प्रकाशितवाक्य 11:2

मान्तर मंदिर चो बाहरे चो दुआर छांडुन देस, हुनके नी नाप कसनबल्लोने हुन दुसर जातिमन के दिया गेलीसे, आउर हुनमन पवितर नंगर के बियालीस मयना ले रोमन्द दे।

प्रकाशितवाक्य 11:6

हुनमन के अधिकार आसे कि बादरी के बंद करोत, कि हुनमन चो अगम गोठ चो दिनमन ने पानी नी घसरो; आउर हुनमन के सपाय पानी थाने अधिकार आसे कि हुनके लऊ बना ओत, आउर जेबे-जेबे चाहले तेबे-तेबे धरतनी थाने हर परकार चो बिपत्ति आनोत।

प्रकाशितवाक्य 12:6

आउर हुन बायले लेकी हुन रान ने पराली जोन थाने माहापुरू चो बाटले हुनचो काजे गोटक जगा तिआर करा जाऊ रली कि हुता हुन एक हजार दुय सव साठ दिन ले पोसा जाओ।

प्रकाशितवाक्य 13:5

बड़े गोठ बोलतोर आउर निन्दा करतोर काजे हुनके गोटक मुंह दिया गेली, आउर हुनके बियालीस मयना ले काम करतोर अधिकार दिया गेली।

प्रकाशितवाक्य 19:10

तेबे मय हुनके पाँय पढ़तो काजे हुनचो पाँयमन थाने घसरुन पड़ले। हुन मोचो ले बल्लो, “दक, असन नी कर, मय तुचो आउर तुचो भाईमन चो संगवारी दास आय जोन ईशु चो गोहई देतो थाने थीर आसे। माहापुरू के ची पाँय पड़।” कसनबल्लोने ईशु चो गोहई अगम गोठ चो आत्मा आय।

प्रकाशितवाक्य 20:4

फेर मय सिंघासन दकले, आउर हुन थाने लोग बसुन गेला, आउर हुनमन के नियाय करतोर अधिकार दिया गेली। मय हुनमन चो आत्मामन के बले दकले, जोनमन मुण्ड ईशु चो गोहई देतोर आउर माहापुरू चो बचन चो लागुन काटा जाऊ रवत, आउर जोनमन ना हुन पशु चो, आउर ना हुनचो मुरती चो पुजा करू रला, आउर हुनचो छाप आपलो कपार आउर हाथमन थाने धरून रवत। हुनमन जीव पडुन भाती मसीह चो संगे हजार बरक ले राज करते रवत।