प्रकाशितवाक्य 11:15 - Halbi

¹⁵ जिदलदाय सातवां दूत तुरी फुकलो, तेबे सरग ने ऐ बारे चो बड़े-बड़े शब्द होऊक मुरयाली: “जगत चो राज आमचो परबु चो आउर हुनचो मसीह चो होऊन गेली, आउर हुन जुग-जुग राज करेदे।”

परमेस्वर को सच्चो वचन ख जाननू

¹⁵ जब सातवो स्वर्ग दूत न तुरही बजई। येपर स्वर्ग म सब्द हुन सुनाई पड़िया, जो बड़ी जोर से कहत रहा: “यू संसार को राज्य हमरो प्रभु अर ओको मसी को राज्य बन गयो हैं। अर उ युगयुग लक राज्य करेगों।”

प्रकाशितवाक्य 11:15 ပူးပေါင်းရင်းမြစ်များ

मत्ती 24:31

हुन तुरी चो बड़े शब्द चो संगे आपलो दूतमन के पटाये दे, आउर हुनमन बादरी चो ऐ पाट ले हुनपाट तक, भोंवरक ले हुनचो चुनलो बितामन के रून्डाये दे।”

मत्ती 6:13

‘आउर आमके परीक्षा ने नी आन, मान्तर खराप ले बचाव; (कसनबल्लोने राज आउर पराकरम आउर महिमा हरमेशा तुची ची आय।’” आमीन।)

लूका 1:33

आउर हुन याकूब चो घरमन थाने हरमेशा राज करेंदे; आउर हुनचो राज चो आखरी नी होयेदे।”

लूका 15:10

मय तुमचो ले बलें सें कि ऐई रीति ले गोटक मन फिरातो बिता पापी चो बारे ने माहापुरू चो सरग दूतमन चो पुरे हरिक होऊ आय।”

लूका 15:6

आउर घर ने ऐऊन भाती मीतमन आउर पड़ोसी मन के रुंडा करून भाती बोलु आय, ‘मोचो संगे हरिक करा, कसनबल्लोने मोचो हाजलो बिती मेंडा मिरली से।’

प्रेरितो 4:26

परबु आउर मसीह अभिषिक्त चो बिरूद ने धरतनी चो राजा उबा होला, आउर हाकिम गोटक संगे रूंड़ा होऊन गेला।’”

इब्रानियो 1:8

मान्तर बेटा चो बारे ने बले से, “हे माहापुरू, तुचो सिंघासन जुग-जुग रयदे, तुचो राज चो राजदण्ड नियाय चो राजदण्ड आय।

प्रकाशितवाक्य 10:7

मान्तर सातवां सरगदूत चो तुरी फुकलो ने होतो बिती सब्त चो दिनमन ने माहापुरू चो गुपत इच्छा पुरा होऊन जायदे हुन नगतखबर चो अनुसार जोन हुन आपलो दास अगम गिआनीमन के दिलो, पुरा होयेदे।

प्रकाशितवाक्य 12:10

फेर मय सरग ले ऐ बड़े शब्द ऐतोर सुनले, “अदायं आमचो माहापुरू चो मुक्ति आउर सामरत आउर राज आउर हुनचो मसीह चो अधिकार परकट होलीसे, कसनबल्लोने आमचो भाईमन उपरे दोष लगातो बिता, जोन रात दिन आमचो माहापुरू चो पुरे हुनमन उपरे दोष लगाया करते रलो, घसराऊन दिया गेलोसे।

प्रकाशितवाक्य 15:4

“हे परबु, कोन तुचो ले नी डरे दे आउर तुचो नाव चो महिमा नी कर दे? कसनबल्लोने मात्र तुय ची पवितर आस। पुईतराय जातिमन ऐऊन भाती तुचो पुरे पाँय पड़दे, कसनबल्लोने तुचो नियाय चो काम परकट होऊन गेली से।”

प्रकाशितवाक्य 16:17

सातवां सरगदूत आपलो बटका लेहरा थाने रिकाऊन दिलो, आउर मंदिर चो सिंघासन ले ऐ बड़े शब्द होली, “होऊन चुकली!”

प्रकाशितवाक्य 17:14

“हुनमन मेमना संगे लड़ दे, आउर मेमना हुनमन उपरे जय पाये दे, कसनबल्लोने हुन परबुमन चो परबु आउर राजामन चो राजा आय, आउर जोन हाग दिलोर आउर चुनलो आउर बिश्वासी आत हुनमन हुनचो संगे आसोत; हुनमन बले जय पावदे।”

प्रकाशितवाक्य 19:1

ऐचो पाचे मय सरग ने माना बड़े भीड़ के बड़े जोर ले ऐ बोलते सुनले, “हाल्लेलुय्याह! मुक्ति आउर महिमा आउर सामरत आमचो माहापुरू चो ची आय।

प्रकाशितवाक्य 19:6

फेर मय बड़े भीड़ चो असन आउर खुबे पानी चो असन शब्द, आउर गरजन चो असन बड़े शब्द सुनले “हाल्लेलुय्याह! कसनबल्लोने परबु आमचो माहापुरू सर्वशक्तिमान राज करे से।

प्रकाशितवाक्य 20:4

फेर मय सिंघासन दकले, आउर हुन थाने लोग बसुन गेला, आउर हुनमन के नियाय करतोर अधिकार दिया गेली। मय हुनमन चो आत्मामन के बले दकले, जोनमन मुण्ड ईशु चो गोहई देतोर आउर माहापुरू चो बचन चो लागुन काटा जाऊ रवत, आउर जोनमन ना हुन पशु चो, आउर ना हुनचो मुरती चो पुजा करू रला, आउर हुनचो छाप आपलो कपार आउर हाथमन थाने धरून रवत। हुनमन जीव पडुन भाती मसीह चो संगे हजार बरक ले राज करते रवत।

प्रकाशितवाक्य 8:12

चवथा सरगदूत तुरी फुक लो, आउर बेर चो गोटक भाग, आउर जोन चो गोटक भाग आउर तारामन चो गोटक भाग थाने बिपत्ति ईली, ऐथाले कि हुनमन चो गोटक भाग अंग अंधार होऊन गेली आउर दिन चो गोटक भाग ने उजर नी रली, आउर असने ची राती ने बले।

प्रकाशितवाक्य 9:1

जिदलदाय पांचवां सरगदूत तुरी फुकलो, तेबे मय सरग ले धरतनी थाने गोटक तारा घसरतोर दकले, आउर हुनके अन्दकुप खोदरा चो कुची दिया गेली।

प्रकाशितवाक्य 9:13

जिदलदाय छठवां सरगदूत तुरी फुकलो तेबे सोना चो बेदी जोन माहापुरू चो पुरे आसे हुनचो सींगमन थानले मय असन शब्द सुनले,