प्रकाशितवाक्य 1:7 - Halbi

⁷ दका, हुन बादरी चो संगे ऐतो बिता आय, आउर हरकोनी आँईक हुनके दकेदे, मान्तर जोनमन हुनके भेदु रवत हुनमन बले हुनके दकदे, आउर धरतनी चो पुईतराय कुल हुनचो कारन छाती पेटदे। हव। आमीन।

परमेस्वर को सच्चो वचन ख जाननू

⁷ देखनु, उइच बददल हुन म आन वालो हैं, सब झन उनका देखेगो जिन्ना ओखा भेदो वी भी ओखा देखेगो, अर दुनिया का पुरा गोत ओको कारन छाती पीटेगो। यू हकीगत हैं हाँ आमीन!

प्रकाशितवाक्य 1:7 ပူးပေါင်းရင်းမြစ်များ

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

मत्ती 16:28

मय तुमचो ले सते बलेंसें कि जोन ऐथा उबा आसोत, हुनमन थानले खिन्डिक असन आसोत कि हुनमन जिदलदाय ले माने चो बेटा के हुनचो राज ने ऐतोर नी दकेदे, हुलदाय ले मरना चो सुआद केबीई नी चाक दे।”

मत्ती 24:30

तेबे माने चो बेटा चो चिना बादरी ने दका देये दे, आउर तेबे धरतनी चो सपाय कुलमन चो लोग छाती पेटदे; आउर माने चो बेटा के बड़े सामरत आउर सुन्दर चो संगे बादरी चो कुमरामन उपरे ऐतोर दक दे।

मत्ती 25:31

“जिदलदाय माने चो बेटा आपलो महिमा ने ऐये दे आउर सपाय सरगदूत हुनचो संगे ऐ दे, तेबे हुन आपलो महिमा चो सिंघासन थाने बिराजमान होये दे।

मत्ती 26:64

ईशु हुनचो ले बल्लो, “तुय खुद बललीस; मान्तर मय तुमचो ले ऐ बले बलें सें कि अदायं ले तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन उपरे ऐतोर दका से।”

मरकुस 13:26

तेबे लोग माने चो बेटा के बड़े सामरत आउर महिमा चो संगे बादरी ने ऐतोर दक दे।

मरकुस 14:62

ईशु बल्लो, “मय आंय: आउर तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन चो संगे ऐतोर दका से।”

लूका 21:27

तेबे हुनमन माने चो बेटा के सामरत आउर बड़े महिमा चो संगे बादरी उपरे ऐतोर दक दे।

यूहन्ना 19:34

मान्तर पलटनमन थानले गोटक बरछा ले हुनचो पांजरा के छेदलो, आउर हुन थानले तुरते लऊ आउर पानी निकरली।

यूहन्ना 19:37

फेर गोटक दुसर जगा ने ऐ लिकलोर आसे, “जोन के हुनमन भेदला सोत, हुनचो उपरे हुनमन नंजरा दे।”

1 थिस्सलुनीकियो 1:10

आउर हुनचो बेटा चो सरग थानले ऐतोर बाट टाकते राहा जोन के हुन मरलो बितामन थानले जिआ लो, बल्लोने ईशु चो, जोन आमके ऐतो बिती घोर रिस ले बचाऊ आय।

1 थिस्सलुनीकियो 4:17

तेबे आमी जोन जीव आउर बाचुन रउन्दे हुनमन चो संगे बादरी उपरे उठाऊन निया जाऊँ दे कि लेहरा ने परबु ले मिलूं; आउर ऐई रीति ले आमी सदा परबु चो संगे रउन्दे।

इब्रानियो 10:29

तेबे बिचारा कि हुन कितलो आउर बले भारी डण्ड चो लायक ठेबे दे, जोन माहापुरू चो बेटा के पाँयमन ले लगड़ लो आउर बायदा चो लऊ के, जेचो दुवारा हुन पवितर ठेबाया जाऊ रये, अपवितर जानला सोत, आउर अनुग्रह चो आत्मा चो बेईजित करला।

इब्रानियो 6:6

अगर हुनमन भटकुन जादे तो हुनमन के मन फिरातो काजे फेर नवा बनातोर नी होये; कसनबल्लोने हुनमन माहापुरू चो बेटा के आपलो काजे फेर कुरूस उपरे चेगाऊ आत आउर परकट ने हुनचो उपरे कलंक लगाऊ आत।

1यूहन्ना 3:2

हे लाड़रामन अदायं आमी माहापुरू चो पिला आंव, आउर ऐबे तक ऐ परकट नी होली कि आमी काय-काय होंआ! इतलो जानु से कि जिदलदाय हुन परकट होये दे तेबे आमी हुनचो असन होवां, कसनबल्लोने हुनके असने ची दक दे जसन हुन आसे।

यहूदा 1:14

हनोक बले जोन आदम ले सातवां पीढ़ी ने रये, ऐमन चो बारे ने ऐ अगम गोठ करलो, दका, परबु आपलो लाखो पवितरमन चो संगे ईलो

प्रकाशितवाक्य 22:20

जोन ऐ गोठमन चो गोहई देऊ आय हुन ऐ बोलु आय, “हव, मय झटके ऐतो बिता आय।” आमीन। हे परबु ईशु आव!

प्रकाशितवाक्य 22:4

हुनमन हुनचो मुंह दक दे, आउर हुनचो नाव हुनमन चो कपारमन थाने लिकलोर होये दे।