प्रकाशितवाक्य 1:16 - Halbi

¹⁶ हुन आपलो उजा हाथ ने सात तारामन धरून भाती रये, आउर हुनचो थोमना ले तेज दुयधारी तलवार निकरते रये। हुनचो थोमना असन बरते रये, जसन बेर तेज घाम चो समया बरू आय।

परमेस्वर को सच्चो वचन ख जाननू

¹⁶ उ अपनो जेवनो हात म सात तारा लेका खड़ो हतो, अर ओको मुड़ो से झरझराट दो धार वाली तलवार निकलत रहा। ओको मुड़ो असो चमकत रहा जसो सूरज भर दोपहर म चमका हैं

प्रकाशितवाक्य 1:16 ပူးပေါင်းရင်းမြစ်များ

मत्ती 17:2

हुता हुनमन चो पुरे हुनचो रूप बदलली, आउर हुनचो थोमना बेर चो असन बरली आउर हुनचो फटीई ज्योति चो असन उजर होली।

प्रेरितो 26:13

तेबे हे राजा, बाट ने दुय पाहार चो समया मय बादरी ने बेर चो तेज ले बले बडुन भाती गोटक उजर, आपलो आउर आपलो संगे जातो बितामन चो भोंवरक बरतोर दकले।

इफिसीयो 6:17

आउर मुक्ति चो टोपी, आउर आत्मा चो तलवार, जोन माहापुरू चो बचन आय धरा।

इब्रानियो 4:12

कसनबल्लोने माहापुरू चो बचन जीव, आउर परबल, आउर हरकोनी दुयधारी तलवार ले बले खुबे तेज आय; आउर परान आउर आत्मा के, आउर गट-गट आउर गुदा-गुदा के अलग करून ऐ पाट-हुनपाट भेदु आय आउर मन चो खियाल मन के आउर बिचारमन के जांचु आय।

प्रकाशितवाक्य 1:20

बल्लोने हुन सात तारामन चो भेद जेके तुय मोचो उजा हाथ ने दकु रईस, आउर हुन सात सोना चो दियामन चो भेद: हुन सात तारा सातो कलीसियामन चो दूत आत, आउर हुन सात पटेरा सात कलीसियामन आत।

प्रकाशितवाक्य 10:1

फेर मय गोटक आउर शक्तिशाली सरगदूत के बादरी ओड़ी होऊन सरग ले उतरतोर दकले। हुनचो मुण्ड थाने मेंगधनु रये। हुनचो मुंह बेर चो असन आउर हुनचो पाँय आईग चो खुटा असन रये।

प्रकाशितवाक्य 12:1

फेर सरग ने गोटक बड़े चिना दका दिली, बल्लोने गोटक बायले लेकी जोन बेर ओढ़ी होऊन रली, आउर जोन हुनचो पाँय खाले रये, आउर हुनचो मुण्ड थाने बारा तारामन चो मुकुट रये।

प्रकाशितवाक्य 19:15

जाति-जाति के मारतो काजे हुनचो मुंह ले गोटक चोखा तलवार निकरू आय। हुन लुआ चो राज बड़गी धरून भाती हुनमन उपरे राज करे दे, आउर सर्वशक्तिमान माहापुरू चो भयंकर रिस चो जलजलाहट चो मन्द चो खोदरा ने दाख लगडे़ दे।

प्रकाशितवाक्य 19:21

बाकी लोग हुन घोड़ा चो चेगु चो तलवार ले, जोन हुनचो मुंह ले निकरते रली, मारून दिया गेला; आउर सपाय चड़ीई हुनमन चो मास ले संतुष्ट होऊन गेला।

प्रकाशितवाक्य 2:1

“इफिसुस चो कलीसिया चो दूत के ऐ लिक: ‘जोन सातो तारामन आपलो उजा हाथ ने धरून भाती आसे, आउर सोना चो सातो पटेरामन चो मंजी ने बुलु आय, हुन ऐ बलेसे’”

प्रकाशितवाक्य 2:12

“पिरगमुन चो कलीसिया चो दूत के ऐ लिक: जेचो लगे दुयधारी आउर तेज तलवार आसे, हुन ऐ बलेसे: कि”

प्रकाशितवाक्य 2:16

“आउर मन फिराव, नाहले मय तुचो लगे झटके ची ऐऊन भाती आपलो मुंह चो तलवार ले हुनमन चो संगे लड़ें दे।”

प्रकाशितवाक्य 3:1

“सरदीस चो कलीसिया चो दूत के ऐ लिक: जेचो लगे माहापुरू चो सात आत्मामन आउर सात तारामन आसे, हुन ऐ बलेसे कि मय तुचो काममन के जाने से, तुय जीवता तो बलाय सीस, मान्तर आसीत मरलोर।”