फिलिप्पियो 3:2 - Halbi

² कुकूरमन ले चलाक राआ, हुन घिन-घिना काम करतो बितामन ले चलाक राआ, हुन काट कोट करतो बिता ले बाचुन राहा।

परमेस्वर को सच्चो वचन ख जाननू

² कुत्ता हुन से हुसयार रहा, उन बुरो काम करन वाला से हुसयार रहो, उन काट पटी करन वाला हुन से हुसयार रहो।

फिलिप्पियो 3:2 ပူးပေါင်းရင်းမြစ်များ

मत्ती 24:10

तेबे खुबे असन ठोकरना खादे, आउर गोटक दुसर के धरा दे, आउर गोटक दुसर ले बईर संगा दे।

मत्ती 7:15

“फंदी अगम गिआनीमन ले खबड़दार राआ, जोन मेंडामन चो भेष ने तुमचो लगे ऐऊ आत, मान्तर भीतर ने हुनमन चिरतो बिता बिगवामन आत।

मत्ती 7:6

“पवितर तीज कुकूरमन के नी दिआस, आउर आपलो मोती बराहांमन चो पुरे नी पकाहा; असन नी होओ कि हुनमन हुनके पाँयमन खाले रोमदोत आउर पलटून भाती तुमके चिरून देयदे।”

रोमियो 2:28

कसनबल्लोने यहूदी हुन नुआय जोन उजागर ने यहूदी आय; आउर ना हुन खतना आय जोन उजागर ने आसे आउर देंह ने आसे।

2 कुरिन्थियो 11:13

कसनबल्लोने असन लोग फंदी पठालोबिता, आउर छंद ले काम करतो बितामन, आउर मसीह चो पठालोबितामन चो भेष धरतो बितामन आत।

गलातियो 5:13

हे भाईमन, तुमी छुटछाड़ाया होतो काजे हाग दिया गेलासास; मान्तर असन नी होओ कि ये छुटछाड़ा देंह चो काममन काजे मवका बनो, मान्तर मया ले गोटक दुसर चो दास बना।

गलातियो 5:15

मान्तर अगर तुमी गोटक दुसर के दात ले कतरते आउर चिरून खाऊ आस, तो चलाक राहा कि गोटक दुसर चो सत्यानाश नी करून दिआस।

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

फिलिप्पियो 3:19

हुनमन चो आखरी बिनाश आय, हुनमन चो ईश्पर पेट आय, हुनमन आपलो लाज चो गोठमन थाने घमण्ड करू आत आउर धरतनी चो तीजमन थाने मन लगाऊ रऊ आत।

फिलिप्पियो 3:3

कसनबल्लोने खतना बितामन चो आमी ची आंव जोन माहापुरू चो आत्मा चो चलाये ले उपास करू आत, आउर मसीह ईशु उपरे घमण्ड करू आत, आउर देंह थाने भरसा नी संगाओत।

1तीमुथियुस 1:19

आउर बिश्वास आउर हुन अच्छा बिबक के थामुन रा, जेके दूर करतोर लागुन कितलोमन चो बिश्वास रूपी जाहाज बुडून गेली।

तीतुस 1:16

हुनमन बोलु आत कि आमी माहापुरू के जानु, मान्तर आपलो काममन ले हुनचो इन्कार करू आत; कसनबल्लोने हुनमन घिन घिना आउर हुकुम नी मानु बिता आत, आउर कोनी अच्छा काम चो लायक नुआत।

2 पतरस 2:22

हुनमन उपरे ऐ कहका ठीक बसु आय, कि कुकूर आपलो छाट चो बाटे आउर नाहान दिलो बिती बराहां चीकल ने घोंडरतो काजे फेर जाते जाऊ आय।

यहूदा 1:4

कसनबल्लोने कितलो असन माने खुसराय आमचो ने ऐऊन मिसला से, जोनमन ले ऐ डण्ड चो चरचा जुना समया ने पयले ची ले लिका जाऊ रये: ऐ भक्तिहीन आत, आउर आमचो माहापुरू चो अनुग्रह के ढीला-ढाला ने पलटून देऊ आत, आउर आमचो गोटक मात्र मालिक आउर परबु ईशु मसीह चो इन्कार करू आत।

प्रकाशितवाक्य 2:9

“मय तुचो कलेश आउर दरिदरता के जाने (मान्तर तुय सवकार आस), आउर जोन लोग आपन खुद के यहूदी बोलु आत आउर आत नाई, मान्तर शयतान चो सभा आत, हुनमन चो निन्दा के बले जाने।”

प्रकाशितवाक्य 21:8

“मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”

प्रकाशितवाक्य 22:15

मान्तर कुकूरमन, आउर पंगनाहामन, आउर बेबीचारी, आउर हत्यारा आउर मुरती पुजा करू, आउर हरकोनी फंद के चाहतो बिता आउर गड़तो बिता बाहरे रये दे।

प्रकाशितवाक्य 3:9

“दक, मय शयतान चो हुन सभा बितामन के तुचो वश ने करून देयेंदे जोन यहूदी बनुन बसलासे, मान्तर आत नाई मान्तर फंद बोलु आत दक, मय असन करेंदे कि हुनमन ऐऊन भाती तुचो पाँयमन थाने घसरदे, आउर ऐ जानदे कि मय तुचो ले मया संगालेसे।”