फिलिप्पियो 3:19 - Halbi

¹⁹ हुनमन चो आखरी बिनाश आय, हुनमन चो ईश्पर पेट आय, हुनमन आपलो लाज चो गोठमन थाने घमण्ड करू आत आउर धरतनी चो तीजमन थाने मन लगाऊ रऊ आत।

परमेस्वर को सच्चो वचन ख जाननू

¹⁹ उन ख आखरी (अन्त) नास हैं, उन ख ईस्वर पेट हैं, वी अपनी लज्जा कि बात हुन घमण्ड करिये हैं अर पृथ्वी कि चीज हुन पर मन लगायो रहते हैं।

फिलिप्पियो 3:19 ပူးပေါင်းရင်းမြစ်များ

मत्ती 16:23

हुन उलटुन भाती पतरस ले बल्लो, “हे शयतान, मोचो पुरे ले दूर हो! तुय मोचो काजे ठोकर चो कारन आस; कसनबल्लोने तुय माहापुरू चो गोठमन थाने नाई, मान्तर मानेमन चो गोठमन थाने मन लगाऊ आस।”

मत्ती 25:41

“तेबे हुन डेबरी बाट चो बितामन ले बलेदे, ‘हे सराप पड़लो लोगमन, मोचो पुरे ले हुन नी सरतो आईग ने जाते जाआ, जोन शयतान आउर हुनचो दूतमन चो काजे तिआर करा गेली से।

लूका 12:19

आउर आपलो जीव ले बलेंदें, कि जीव, तुचो लगे खुबे बरकमन चो काजे खुबे धन-माल संगालोर आसे; आराम कर, खा, पिव, असतीर ने रा।’

लूका 16:19

“गोटक सवकार माने रलो जोन बयंजनी फटीई आउर मलमल फिन्दते आउर रोजे दिना सुक बिलास आउर धुम-धाम चो संगे रते रलो।

लूका 18:4

खिन्डिक समया ले तो हुन नी मानलो मान्तर आखरी ने मन ने बिचार करून बल्लो, ‘अगर मय ना माहापुरू ले डरते, आउर ना मानेमन चो काई फिकर करू आंय;

रोमियो 16:18

कसनबल्लोने असन लोग आमचो परबु मसीह चो नुआत, मान्तर आपलो पेट चो सेवा करू आत; आउर खुदचारी गोठमन ले सीदा-सादा मन चो लोगमन के फुसयान देऊ आत।

रोमियो 6:21

आउर जोन गोठमन ले अदायं तुमी लाजे होऊ आहास, हुनमन ले हुन समया तुमी काय फल पावते राआस? कसनबल्लोने हुनमन चो आखरी तो मरना आय।

1 कुरिन्थियो 3:3

कसनबल्लोने ऐबले शारीरिक आस। ऐईकाजे कि जसन तुमचो थाने डाह आउर झगड़ा आसे, तो काय तुमी शारीरिक नुआस? आउर काय देंह चो रीति थाने नी चलास?

1 कुरिन्थियो 5:2

आउर तुमी दुक तो नी करास, जेचो ले असन काम करतो बिता तुमचो मंजी थानले निकराया जातो, मान्तर घमण्ड करू आहास।

1 कुरिन्थियो 5:6

तुमचो घमण्ड करतोर अच्छा नुआय; काय तुमी नी जानास कि खिन्डिक असन खमीर पुईतराय चटकलो बिती आंटा के खमीर करून देऊ आय।

2 कुरिन्थियो 11:12

मान्तर जोन मय करू आंय, हुनी करते रयें दे कि जोन लोग दाँव डगराऊ आत हुनमन के मय दाँव पाऊक नी देयें, बल्ले जोन गोठ ने हुनमन घमण्ड करू आत, हुन थाने हुनमन आमचो ची असन ठेबोत।

2 कुरिन्थियो 11:15

ऐ काई अगर हुनचो सेवक बले धरम चो सेवकमन चो असन भेष धरो, तो काई बड़े गोठ नुआय, मान्तर हुनमन चो आखरी हुनमन चो काममन चो अनुसार होये दे।

गलातियो 6:13

कसनबल्लोने खतना करतो बितामन खुद तो नियम थाने नी चलोत, मान्तर तुमचो खतना ऐईकाजे कराऊक चाहाय सोत कि तुमचो देंह चो दसा थाने घमण्ड करोत।

फिलिप्पियो 2:21

कसनबल्लोने सपाय आपलो मतलब चो डगर ने रऊ आत, ना कि ईशु मसीह चो।

कुलुस्सियो 3:2

धरतनी थानो चो नाई मान्तर सरग चो तीजमन ने धिआन लगाहा,

2 थिस्सलुनीकियो 1:9

हुनमन परबु चो पुरे ले आउर हुनचो शक्ति चो तेज ले लापी होऊन भाती अमर बिनाश चो डण्ड पावदे।

2 थिस्सलुनीकियो 2:12

तेबे जितरो लोग सत चो बिश्वास नी करोत, मान्तर अधरम ले हरिक होऊ आत, हुनमन सपाय डण्ड पाओत।

2 थिस्सलुनीकियो 2:8

तेबे हुन अधरमी परकट होयेदे, जोन के परबु ईशु आपलो टोंड चो फुक ले मारून पकाये दे, आउर आपलो ऐतो दाय चो तेज ले भसम करेदे।

1तीमुथियुस 6:5

आउर हुन मानेमन ने फकाहा झगड़ा-डण्ड उपजास होऊ आय जोनमन चो बुद्धि नसुन गेली से, आउर हुनमन सत ले अलग होऊन गेला से, जोन समजे सोत कि भक्ति कमाई चो बाट आय।

2 तीमुथियुस 3:4

बिश्वासघाती, टेकाहा, घमण्डी, आउर माहापुरू चो नाई मान्तर सुक बिलास ची चो चाहतो बिता हो दे।

याकूब 4:16

मान्तर अदायं तुमी आपलो ढ़ोंग मारतो थाने घमण्ड करू आस; असन सपाय घमण्ड खराप होऊ आय।

2 पतरस 2:1

जोन परकार हुन लोगमन ने फंदी अगम गिआनी रवत, हुनी परकार तुमचो थाने बले फंदी उपदेशक हो दे, जोन नाश करतो बिता पाखंडी चो उदघाटन लुकुन-लुकुन भाती कर दे, आउर हुन मालिक चो जोन हुनमन के घेनलो से इन्कार कर दे, आउर आपन खुद के झटके बिनाश ने डाल दे।

2 पतरस 2:13

दुसर चो अधरम करतोर पलटा हुनीमन चो खराप होये दे। हुनमन के दिन दुय पाहार खातो-पिवतोर अच्छा लागु आय। ऐ कलंक आउर दोष आय; जिदलदाय हुनमन तुमचो संगे खाऊ पिऊ आत, तेबे आपलो बाटले पेरम भोज करून खाऊ आत पीऊ आत।

2 पतरस 2:3

हुनमन लोग चो काजे गोठमन गडुन भाती तुमके आपलो लाब चो कारन बना दे, आउर जोन डण्ड चो हुकुम हुनमन उपरे पयले ले होऊन चुकली से हुनचो ऐतोर ने काई बले बेर निआय, आउर हुनमन चो बिनाश झुमु नुआय।

यहूदा 1:10

मान्तर ऐ लोग जोन गोठमन के नी जानोत हुनमन के अच्छा खराप बोलु आत, आउर जोन गोठमन के अचेत पशुमन चो असन आदत ची ले जानु आत, हुनमन ने आपन खुद के नष्ट करू आत।

यहूदा 1:16

ऐमन तो असंतुष्ट, गुरमुरतो बितामन, आउर आपलो मनमानी चो अनुसार चलु बितामन आत, आउर आपलो मुंह ले घमण्ड चो गोठमन बोलु आत, आउर हुनमन लाब चो काजे मुंह दका बड़ाई करू आत।

यहूदा 1:4

कसनबल्लोने कितलो असन माने खुसराय आमचो ने ऐऊन मिसला से, जोनमन ले ऐ डण्ड चो चरचा जुना समया ने पयले ची ले लिका जाऊ रये: ऐ भक्तिहीन आत, आउर आमचो माहापुरू चो अनुग्रह के ढीला-ढाला ने पलटून देऊ आत, आउर आमचो गोटक मात्र मालिक आउर परबु ईशु मसीह चो इन्कार करू आत।

प्रकाशितवाक्य 18:7

जितरो हुन आपलो बड़ाई करलो आउर सुक भोगलो हुतलीई हुनके दुका आउर दुक दिआस; कसनबल्लोने हुन आपलो मन ने बोलु आय, ‘मय रानी होऊन बस ले से रान्डी नाई; आउर दुक ने केबीई नी पडे़दें।’

प्रकाशितवाक्य 19:20

हुन पशु, आउर हुनचो संगे हुन फंदी अगम गिआनी धरा पड़लो जोन हुनचो पुरे असन चिना दकाऊ रलो जेचो दुवारा हुन हुनमन के भरमालो जोन थाने हुन पशु चो छाप रये आउर जोन हुनचो मुरती चो पुजा करते रवत। ऐ दुनो जीवता-जीवता हुन आईग चो झील ने, जोन गन्धक ले जरू आय डाला गेला।

प्रकाशितवाक्य 21:8

“मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”

प्रकाशितवाक्य 22:15

मान्तर कुकूरमन, आउर पंगनाहामन, आउर बेबीचारी, आउर हत्यारा आउर मुरती पुजा करू, आउर हरकोनी फंद के चाहतो बिता आउर गड़तो बिता बाहरे रये दे।