फिलिप्पियो 3:15 - Halbi

¹⁵ आमचो ने जितरो सिद्ध आत, ऐई बिचार संगाआ, आउर अगर कोनी गोठ ने तुमचो आउर ची बिचार होओ तेबे माहापुरू हुनके बले तुमचो उपरे परकट करून देयेदे।

परमेस्वर को सच्चो वचन ख जाननू

¹⁵ हम म से जीतना सिध्द हैं, यू ही विचार रख, अर अदि कोई बात म तुमारो अर ही विचार होए ते परमेस्वर ओ ख भी तुम पर प्ररगट कर दे हे।

फिलिप्पियो 3:15 ပူးပေါင်းရင်းမြစ်များ

मत्ती 5:48

ऐईकाजे जरूरी आय कि तुमी सिद्ध बना, जसन तुमचो सरग चो बुआ सिद्ध आय।”

लूका 11:13

बल्ले जिदलदाय तुमी खराप होऊन भाती आपलो पिलामन के अच्छा तीजमन देऊक जानास, तेबे सरग चो बुआ आपलो मांगतो बितामन के पवितर आत्मा केंव नी देये।”

यूहन्ना 6:45

अगम गिआनीमन चो लेखमन ने ऐ लिकलोर आसे, ‘हुनमन सपाय माहापुरू चो बाटले सिकालोर हो दे।’ जोन कोनी बले बुआ ले सुनला आउर सिकला से, हुन मोचो लगे ऐऊ आय।

यूहन्ना 7:17

अगर कोनी हुनचो इच्छा थाने चलुक चाहाओ, तेबे हुन ऐ उपदेश चो बारे ने जाने दे कि ऐ माहापुरू चो बाटले आय नाहले मय आपलो बाटले बलें सें।

रोमियो 15:1

आउर आमी बलबीतामन के जरूरी आय कि कमजोरमन चो कमजोरीमन के सहु, ना कि आपन खुद के हरिक करू।

1 कुरिन्थियो 14:20

हे भाईमन, तुमी समज ने लेखा नी बना: खराबी ने तो लेका राहा, मान्तर समज ने सियान बना।

1 कुरिन्थियो 2:6

फेर बले सिद्ध लोगमन ने आमी गिआन सुनु आंव, मान्तर ऐ संवसार चो आउर ऐ संवसार चो नाश होतो बितामन हाकिममन चो गिआन नुआय;

गलातियो 5:10

मय परबु थाने तुमचो बारे ने भरसा संगाऊ आय कि तुमचो कोनी दुसर बिचार नी होये दे; मान्तर जोन तुमके घबराऊन देऊ आय, हुन कोनी केंव नी होओ डण्ड पाये दे।

इफिसीयो 1:17

कि आमचो परबु ईशु मसीह चो माहापुरू जोन महिमा चो बुआ आय, तुमके आपलो पयचान ने गिआन आउर उजर चो आत्मा देओ,

कुलुस्सियो 1:28

जेचो परचार करून आमी हरकोनी माने के जनाऊन देऊ आंव आउर पुईतराय गिआन ले हरकोनी माने के सिकाऊ आंव, कि आमी हरकोनी माने के मसीह ने सिद्ध करून हाजिर करूं।

कुलुस्सियो 4:12

इपफ्रास, जोन तुमचो ले आय आउर मसीह ईशु चो दास आय, तुमके जुहार बलेंसें आउर सदा तुमचो काजे पारथनामन ने कोशिश करू आय, बल्ले तुमी सिद्ध होऊन भाती पुरा बिश्वास चो संगे माहापुरू चो इच्छा थाने थीर राहा।

1 थिस्सलुनीकियो 4:9

मान्तर भाईचारा चो मया चो बारे ने ऐ जरूरी नुआय कि मय तुमचो लगे काई लिकेन्दे, कसनबल्लोने आपस ने मया संगातोर तुमनमन खुदे ची माहापुरू ले सिकलासास;

2 तीमुथियुस 3:17

बल्ले माहापुरू चो लोग सिद्ध बनोत, आउर हरकोनी अच्छा काम करतोर काजे पयले रओत।

इब्रानियो 5:14

मान्तर अरन सियानमन जो काजे आय, जेचो गिआन ईन्द्रिमन सुरता करता-करता अच्छा-खराप ने परक करतो ने निपुन होऊन गेलीसे।

1यूहन्ना 2:5

मान्तर जोन कोनी हुनचो बचन थाने चल दे, हुनचो ने सते माहापुरू चो मया सिद्ध होली से। ऐचीई ले आमी जानु आंव कि आमी हुन थाने आंसु।