फिलिप्पियो 2:9 - Halbi

⁹ ऐई कारन माहापुरू हुनके खुबे बड़पन बले करलो, आउर हुनके हुन नाव दिलो जोन सपाय नावमन ने बड़ीया आय,

परमेस्वर को सच्चो वचन ख जाननू

⁹ यू लाने परमेस्वर न ओ ख बेजा महान भी करियो अर ओ ख उ नाम दियो जो सब नामो म चोक्खो हैं,

फिलिप्पियो 2:9 ပူးပေါင်းရင်းမြစ်များ

मत्ती 11:27

“मोचो बुआ मोके सब कुछ सोपलो से; आउर कोनी बेटा के नी जानोत, मात्र बुआ; आउर कोनी बुआ के नी जानोत, मात्र बेटा; आउर हुन जेचो उपरे बेटा हुनके उजागर करूक चाहाओ।

मत्ती 28:18

ईशु हुनमन चो लगे ऐऊन भाती बल्लो, “सरग आउर धरतनी चो सपाय अधिकार मोके दिआ गेली से।

लूका 10:22

मोचो बुआ मोके सब कुछ सोपुन दिलो से; आउर कोनी नी जानोत कि बेटा कोन आय मात्र बुआ, आउर बुआ कोन आय ऐ बले कोनी नी जानोत मात्र बेटा चो आउर हुन जेचो उपरे बेटा हुनके उजागर करूक चाहाओ।”

यूहन्ना 13:3

ईशु, ऐ जानुन भाती कि बुआ सपाय काई मोचो हाथ ने करून दिलो से आउर मय माहापुरू चो लगे ले ईले से आउर माहापुरू चो लगे जायें दें,

यूहन्ना 17:11

मय अदायं जगत ने नी रयें दे, मान्तर ऐ मन जगत ने रदे, आउर मय तुचो लगे ऐयें से। हे पवितर बुआ, आपलो हुन नाव ले जोन तुय मोके दिली सीस, हुनचो राका कर कि हुनमन आमचो असन गोटक होवत।

यूहन्ना 17:12

जिदलदाय मय हुनमन चो संगे रये, तेबे मय तुचो हुन नाव ले, जोन तुय मोके दिली सीस हुनचो राका करले। मय हुनचो राका जागा करले, आउर बिनाश चो बेटा के छांडुन हुनमन थानले कोनी नष्ट नी होला, ऐईकाजे कि पवितर शास्त्र ने जोन बोला गेली हुन पुरा होओ।

यूहन्ना 17:5

अदायं हे बुआ, तुय आपलो संगे मोचो महिमा हुन महिमा ले कर जोन जगत चो रचलोर ले पयले, मोचो तुचो संगे रये।

प्रेरितो 5:31

हुनी के माहापुरू परबु आउर मुक्तिकरू थेबाऊन भाती, आपलो उजा हाथ थाने डेंग करून दिलो, कि हुन इस्राएलीमन के मन फिराव चो शक्ति आउर पापमन चो छमा देओ।

इफिसीयो 1:10

कि समयामन चो पुरा होतोर असन जुगाड़ होओ कि जोन काई सरग ने आसे आउर जोन काई धरतनी थाने आसे, सपाय काई हुन मसीह ने रूंडा करो।

कुलुस्सियो 1:18

हुनी देंह, बल्लोने कलीसिया चो मुण्ड आय; हुनी मुर आय, आउर मरलो बितामन थानले जीव उठातो बितामन ने पयलवात चो सपाय गोठमन ने हुनी परधान ठेबो।

2 थिस्सलुनीकियो 1:12

बल्ले आमचो माहापुरू आउर परबु ईशु मसीह चो अनुग्रह चो अनुसार आमचो परबु ईशु चो नाव तुमचो ने महिमा पाओ, आउर तुमी हुनचो ने।

इब्रानियो 1:4

आउर सरग दूतमन ले हुतली ची बड़ीया ठेबलो, जितरो हुन हुनमन ले बड़े पद चो हकदार होऊन भाती बड़ीया नाव पावलो।

इब्रानियो 1:9

तुय धरम ले मया आउर अधरम ले बईर संगालीस; ऐई लागुन माहापुरू, तुचो माहापुरू, तुचो संगवारीमन ले बडुन भाती हरिक रूपी तेल ले तुचो अभिषेक करलो।”

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 2:9

मान्तर आमी ईशु के जोन सरग दूतमन ले खिन्डिक ची कम करा जाऊ रलो, मरना चो दुख उठातोर लागुन महिमा आउर ईजीत चो मुकुट पिन्दलोर दकुं से, बल्ले माहापुरू चो अनुग्रह ले हुन हरकोनी माने चो काजे मरना चो सुआद चाको।

1 पतरस 3:22

हुन सरग थाने जाऊन भाती माहापुरू चो उजा बाटे बसलो, आउर सरगदूत आउर अधिकारी आउर सामरती हुनचो हक करा गेला से।

2 पतरस 1:17

कसनबल्लोने जिदलदाय हुन माहापुरू बुआ ले ईजीत आउर महिमा पावलो आउर हुन परतापमय महिमा थानले ऐ आवाज ईली, “ऐ मोचो लाड़रा बेटा आय, जेचो ले मय हरिक आंसे।”

3 यूहन्ना 1:7

कसनबल्लोने हुनमन हुन नाव चो काजे निकरला सोत, आउर दुसर जातिमन ले काई नी धरोत।

प्रकाशितवाक्य 1:5

आउर ईशु मसीह चो बाटले जोन बिश्वास लायक गोहई आउर मरलो बितामन थानले जीव उठतो बितामन ने पयलवात आउर धरतनी चो राजामन चो हाकिम आय, तुमके अनुग्रह आउर शान्ति मिरते रओ। हुन आमचो ले मया संगाऊ आय, आउर हुन आपलो लऊ चो दुवारा आमके पापमन ले छंडालो से,

प्रकाशितवाक्य 11:15

जिदलदाय सातवां दूत तुरी फुकलो, तेबे सरग ने ऐ बारे चो बड़े-बड़े शब्द होऊक मुरयाली: “जगत चो राज आमचो परबु चो आउर हुनचो मसीह चो होऊन गेली, आउर हुन जुग-जुग राज करेदे।”

प्रकाशितवाक्य 19:16

हुनचो फटीई आउर जांघ थाने ऐ नाव लिकलोर आसे: “राजामन चो राजा आउर परबुमन चो परबु।”

प्रकाशितवाक्य 3:21

“जोन जय पावला मय हुनके आपलो संगे आपलो सिंघासन थाने बसायेंदे, जसन मय बले जय पाऊन भाती आपलो बुआ चो संगे हुनचो सिंघासन थाने बसले।”

प्रकाशितवाक्य 5:12

आउर हुनमन जोर ले बोलते रवत, “पुजा करलो बिती मेमना ची सामरत आउर धन आउर गिआन आउर शक्ति आउर ईजीत आउर महिमा आउर धन्यबाद चो लायक आय!”