फिलिप्पियो 2:15 - Halbi

¹⁵ बल्ले तुमी बेकसूर आउर सीदा होऊन भाती टेड़ा आउर ऐड़जा लोगमन चो मंजी माहापुरू चो निसकलंक पिला बनुन राआ, जोनमन चो मंजी ने तुमी जीवना चो बचन धरून भाती जगत ने जरतो दियामन चो असन दका देऊ आहास

परमेस्वर को सच्चो वचन ख जाननू

¹⁵ काहे कि तुम बेकसूर अर सीधो हो ख टेढे अर जिद्दी अदमी हुन ख बीच परमेस्वर ख निस्कलक वारिस बने रय्हो, जेका बीच म तुम जीवन को वचन लाने भयो दुनिया म जलते दिया हुन का जसो दिखाई देव हैं

फिलिप्पियो 2:15 ပူးပေါင်းရင်းမြစ်များ

मत्ती 10:16

“दका, मय तुमके मेंडामन चो असन बिगवामन चो मंजी ने पटायें से, ऐईकाजे सांपमन चो असन अकल बिता आउर परेयांमन चो असन सोज बना।

मत्ती 17:17

ईशु जबाप दिलो, “हे अन्दबिश्वासी आउर टेनाहा लोगमन, मय केब ले तुमचो संगे रयेंदें? केबे तक तुमचो सहेंदें? हुनके ऐथा मोचो लगे आना।”

मत्ती 5:45

जेचो ले तुमी आपलो सरग चो बुआ चो पिलामन ठेबा से कसनबल्लोने हुन अच्छा आउर खराप दुनो थाने आपलो बेर उदाऊ आय, आउर धरमी आउर अधरमी दुनो उपरे बरसा घसराऊ आय।

मत्ती 5:48

ऐईकाजे जरूरी आय कि तुमी सिद्ध बना, जसन तुमचो सरग चो बुआ सिद्ध आय।”

लूका 1:6

हुनमन दुनो झान माहापुरू चो पुरे धरमी रवत, आउर परबु चो सपाय हुकुममन आउर बिदीमन थाने दोष नाहलो चलतो बिता रवत।

लूका 6:35

मान्तर आपलो शतरूमन ले मया संगावा, आउर भलाई करा, आउर फेर पावतोर आशा नी संगाऊन भाती उदार दिआस; आउर तुमचो काजे बड़े फल होये दे, आउर तुमी परमपरधान चो पिलामन ठेबा से, कसनबल्लोने हुन हुनमन उपरे जोन धन्यबाद नी करोत आउर खरापमन उपरे बले किरपालु आसोत।

यूहन्ना 5:35

हुन तो जरतो आउर बरतो बिती दीया रये, आउर तुमके खिन्डिक बेरा तक हुनचो उजर ने मतभुल होतोर अच्छा लागली।

प्रेरितो 2:40

हुन खुबे आउर गोठमन ले बले गोहई देऊन भाती समजालो कि आपन खुद के ऐ टेड़गा जाति ले बाचावां।

प्रेरितो 20:30

तुमचो ची मंजी ले बले असन-असन माने उठ दे, जोन चेलामन के आपलो पाटकुती झिकुन धरतो काजे टेड़ा मेड़ा गोठमन बलदे।

रोमियो 16:19

तुमचो हुकुम मानतोर चरचा सपाय लोगमन ने फयलुन गेली से, ऐईकाजे मय तुमचो बारे ने हरिक करें से, मान्तर मय ऐ चाहायें से कि तुमी भलाई चो काजे अकल बितामन मान्तर खराप चो काजे नुकु बनुन राहा।

1 कुरिन्थियो 1:8

हुन तुमके आखरी तक जमखम बले करें दें कि तुमी आमचो परबु ईशु मसीह चो दिन ने बेकसूर ठेबा।

2 कुरिन्थियो 6:17

ऐईकाजे परबु बलेंसें, “हुनमन चो मन्जारे ले निकरा आउर अलगे राआ; आउर अशुद्ध तीज के नी छिंया, तेबे मय तुमके गरहन करेंदे;

इफिसीयो 5:27

आउर हुनके गोटक असन तेज बिती कलीसिया बनाऊन भाती आपलो लगे उबा करो, जोन थाने ना कलंक, ना झुरा ना कोनी आउर असन तीज होओ मान्तर पवितर आउर बेकसूर होओ।

फिलिप्पियो 1:10

ऐथा ले कि तुमी अच्छा ले अच्छा गोठमन के लाडरा जाना, आउर मसीह चो दिन तक सत बनुन राआ, आउर ठोकर नी खाआ;

फिलिप्पियो 3:6

हरिक चो बारे ने अगर बोला तो कलीसिया चो कन्दरातो बिता; आउर नियम चो धारमिकता चो बारे ने अगर बोला तो बेकसूर रलो।

1 थिस्सलुनीकियो 5:23

शान्ति चो माहापुरू खुदे ची तुमके पुरा रीति ले पवितर करो; आउर तुमचो आत्मा आउर जीव आउर देंह आमचो परबु ईशु मसीह चो ऐतो दाय ले पुरा आउर बेकसूर सुरक्षित रओत।

1तीमुथियुस 3:10

आउर ऐ बले पयले परका जाओ, तेबे अगर बेकसूर निकरो तो सेवक चो काम करो।

1तीमुथियुस 3:2

ऐ जरूरी आय कि अध्यक्ष बेकसूर, आउर गोटकी ची बायले चो मुनुक, सहन करू, सोज, समजदार, सगामान करू बिता, आउर सिकातो ने निपुन होओ।

1तीमुथियुस 5:14

ऐईकाजे मय ऐ चाहाऊं आय कि जुआन रान्डीमन बिहा करोत, आउर पिला जनमा ओत आउर घर दुआर संभालोत, आउर कोनी बिरूदी के बदनाम करतोर मवका नी दे ओत।

1तीमुथियुस 5:20

पाप करतो बितामन के सपाय चो पुरे समजाऊन देस, बल्ले आउर लोग बले डरोत।

1तीमुथियुस 5:7

ऐ गोठमन चो बले हुकुम दिया कर बल्ले हुनमन बेकसूर रओत।

तीतुस 1:6

जोन बेकसूर आउर गोटक ची बायले चो मुनुक होओ, जेचो पिलामन बिश्वासी होओत, आउर जोनमन थाने ठग आउर काई दोष नी रओ।

तीतुस 2:10

चोरी चलाकी नी करोत, मान्तर सपाय परकार ले पुरा बिश्वासी निकरोत कि हुनमन सपाय गोठमन ने आमचो मुक्तिकरू माहापुरू चो उपदेश चो शोभा बड़ा ओत।

तीतुस 2:15

पुरा अधिकार चो संगे ऐ गोठमन बोल, आउर समजाव आउर सिकाते रा। कोनी तुके तुच्छ जानुक नी सकोत।

इब्रानियो 7:26

आउर असने ची माहायाजक आमचो लायक रलो जोन पवितर, आउर निष्कपट, आउर निंगल, आउर पापीमन ले अलग, आउर सरग ले बल्ले ऊँचा करलो बिती होओ।

1 पतरस 2:12

दुसर जातिमन ले तुमचो चाल-चलन अच्छा होओ; ऐईकाजे जोन-जोन गोठमन ने हुनमन तुमके कुकरमी जानुन भाती बदनाम करू आत, हुनमन तुमचो अच्छा काममन के दकुन भाती हुनीमन चो लागुन किरपादृष्टी चो दिने माहापुरू चो महिमा करोत।

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।

2 पतरस 3:14

ऐईकाजे, हे लाड़रामन, जसन कि तुमी ऐ गोठमन चो आस दकेसास, तेबे कोशिश करा कि तुमी शान्ति ले हुनचो पुरे निसकलंक आउर निर्दोष ठेबा,

प्रकाशितवाक्य 2:5

“ऐईकाजे सुरता कर कि तुय काहां ले घसरली सीस, आउर मन फिराव आउर पयले चो असन काम कर; अगर तुय मन नी फिरासे, तो मय तुचो लगे ऐऊन भाती तुचो पटेरा के हुनचो जगा ले गुचाऊन देयेंदे।”

प्रकाशितवाक्य 3:9

“दक, मय शयतान चो हुन सभा बितामन के तुचो वश ने करून देयेंदे जोन यहूदी बनुन बसलासे, मान्तर आत नाई मान्तर फंद बोलु आत दक, मय असन करेंदे कि हुनमन ऐऊन भाती तुचो पाँयमन थाने घसरदे, आउर ऐ जानदे कि मय तुचो ले मया संगालेसे।”