फिलिप्पियो 1:27 - Halbi

²⁷ मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

परमेस्वर को सच्चो वचन ख जाननू

²⁷ अकेलो इतनो कर कि तुमारो चाल-चलन मसी को सुसमाचार ख लायक हो कि चाहे मी आ ख तुम ख देखू चाहे नी भी आऊ, तुमारो बारा मी यू सुनु हैं कि तुम एक ही आत्मा म मजबूत हो, अर एक मन हो ख सुसमाचार को विस्वास ख लाने महेन्त करिये रवह हो,

फिलिप्पियो 1:27 ပူးပေါင်းရင်းမြစ်များ

मत्ती 12:25

हुन हुनमन चो मन चो गोठ जानुन भाती हुनमन ले बल्लो, “जोन कोनी राज ने फुट होऊ आय, हुन उजरुन जाऊ आय; आउर कोनी नंगर नाहले घरमन जोन थाने फुट होऊ आय, बनु नी रये।

प्रेरितो 2:46

हुनमन रोजे दिना गोटक मन होऊन भाती मंदिर ने रूंड़ा होते रवत, आउर घरे-घरे रोटी टुटाते-टुटाते हरिक आउर मन चो सोज ले भात खाते रवत,

प्रेरितो 24:24

खिन्डिक दिनमन चो पाचे फेलिक्स आपलो बायले द्रुसिल्ला के, जोन यहूदीनी रली, संगे धरून ईलो आउर पौलुस के हाग देऊन भाती हुन बिश्वास चो बारे ने जोन मसीह ईशु उपरे आसे, हुनचो ले सुनला।

प्रेरितो 4:32

बिश्वास करतो बितामन चो मण्डली गोटक बिचार आउर गोटक मन चो रली, ऐथा ले कि कोनी बले आपलो धनमाल आपलो नी बोलते रला, मान्तर सपाय काई मांदी ने रली।

रोमियो 1:16

कसनबल्लोने मय नगतखबर ले नी लाज होयें, ऐईकाजे कि हुन हरकोनी बिश्वास करतो बिता चो काजे, पयले तो यहूदी फेर यूनानीमन चो काजे, मुक्ति चो काजे माहापुरू चो सामरत आसे।

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

रोमियो 1:9

माहापुरू जेचो सेवा मय आपलो आत्मा ले हुनचो बेटा चो नगतखबर चो बारे ने करेंसे, हुनी मोचो गोहई आय कि मय तुमके कसन परकार सरलगा सुरता करते रऊ आंय,

रोमियो 10:8

मान्तर हुन काय बले से? ऐ कि “बचन तुचो लगे आसे, तुचो मुंह ने आउर तुचो मन ने आसे,” ऐ हुनी बिश्वास चो बचन आय, जोन आमी परचार करू आंव,

रोमियो 15:16

कि मय दुसर जातिमन चो काजे मसीह ईशु चो सेवक होऊन भाती माहापुरू चो नगतखबर चो सेवक याजक चो समान करे, जेचो ले दुसर जातिमन चो माना चेगाया जातोर, पवितर आत्मा ले पवितर बनुन भाती गरहन कराय जाओ।

रोमियो 15:29

आउर मय जाने से कि जिदलदाय मय तुमचो लगे ऐयेंदें, तो मसीह चो पुरा आशीष चो संगे ऐयेंदें।

1 कुरिन्थियो 1:10

हे भाईमन, मय तुमचो ले आमचो परबु ईशु मसीह चो नाव ले बिनती करें से कि तुमी सपाय गोटक ची गोठ बोला, आउर तुमचो ने फूट नी होओ, मान्तर गोटक ची मन आउर गोटक ची मति होऊन भाती मिलुन राआ।

1 कुरिन्थियो 15:58

ऐईकाजे हे मोचो लाड़रा भाईमन, जमखम आउर अटल राआ, आउर परबु चो काम ने हरमेशा बड़ते जाहा, कसनबल्लोने ऐ जानास कि तुमचो मसागत परबु ने फकाहा नुआय।

2 कुरिन्थियो 13:11

आउर हे भाईमन, हरिक राआ; सिद्ध बनते जाआ; हिम्मत संगाआ; गोटक ची मन संगाआ; मिलुन राआ। आउर मया आउर शान्ति चो देतो बिता माहापुरू तुमचो संगे रये दे।

2 कुरिन्थियो 4:4

आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।

2 कुरिन्थियो 9:13

कसनबल्लोने ऐ सेवा के सबुत मानुन हुनमन माहापुरू चो महिमा परकट करू आत कि तुमी मसीह चो नगतखबर के मानुन भाती हुनचो अधीन रऊ आहास, आउर हुनमन चो बाटे सपाय चो सायता करतो ने उदारता परकट करते रऊ आहास।

गलातियो 1:7

मान्तर हुन दुसर नगतखबर आसे ची नाई मान्तर गोठ ऐ आय, कि कितलो असन आत, जोन तुमके घबराऊन देऊ आत, आउर मसीह चो नगतखबर के नशाऊक चाहाऊं आत।

इफिसीयो 1:13

आउर हुनी थाने तुमचो थाने बले, जिदलदाय तुमी सत चो बचन सुनलास जोन तुमचो मुक्ति चो नगतखबर आय आउर जोन थाने तुमी बिश्वास करलास, बायदा करलो बिती पवितर आत्मा चो छापा लगली।

इफिसीयो 1:15

ऐई लागुन, मय बले हुन बिश्वास चो खबर सुनुन भाती जोन तुमी लोगमन ने परबु ईशु थाने आसे आउर सपाय पवितर लोगमन उपरे मया चो खबर सुनुन भाती,

इफिसीयो 4:1

ऐईकाजे मय जोन परबु ने बन्दी आसे तुमचो ले बिनती करें से कि जोन बुलाहट ले तुमी हाग दिया जाऊ राआस, हुनचो लायक चाल चला,

फिलिप्पियो 1:5

ऐईकाजे कि तुमी पयला दिन ले धरून भाती आजी ले नगतखबर के फयलातो ने मोचो शामिल रलासास।

फिलिप्पियो 2:12

ऐईकाजे हे मोचो लाडरामन, जोन परकार तुमी सदा ले हुकुम मानते ईलासास, असने ची ऐबे बले ना मात्र मोचो संगे रते-रते मान्तर खास करून अदायं मोचो लापी रलो थानले बले डरते आउर थर-थरते आपलो-आपलो मुक्ति चो काम पुरा करते जाआ;

फिलिप्पियो 2:24

आउर मोके परबु ने भरसा आसे कि मय खुद बले झटके ऐयेंदें।

फिलिप्पियो 3:18

कसनबल्लोने खुबे ची असने चाल-चलु आत, जेचो गोठ बात मय तुमचो ले घन-घन करले से, आउर ऐबे बले गागुन-गागुन भाती बलेंसें कि हुनमन आपलो चाल चलन ले मसीह चो कुरूस चो बयरी आत।

फिलिप्पियो 3:20

मान्तर आमचो खुद चो देश सरग उपरे आसे; आउर आमी गोटक मुक्ति करता परबु ईशु मसीह चो हुता ले ऐतोर बाट टाकलु से।

फिलिप्पियो 4:1

ऐईकाजे हे मचो लाडरा भाईमन, जोनमन थाने मचो जीव लगु रऊ आय, जोन मचो हरिक आउर मुकुट होओ, हे लाडरा भाईमन, परबु ने ऐई परकार थीर राआ।

कुलुस्सियो 1:10

बल्ले तुमचो चाल-चलन परबु चो लायक होओ, आउर हुन सपाय परकार ले हरिक होओ, आउर तुमचो ने हर परकार चो बड़ीया काममन चो फर धरो, आउर तुमी माहापुरू चो पयचान ने बाड़ते जाहा,

कुलुस्सियो 1:4

कसनबल्लोने आमीमन सुनलु से कि मसीह ईशु उपरे तुमचो बिश्वास आसे, आउर सपाय पवितर लोगमन ले तुमी मया संगाऊ आहास;

1 थिस्सलुनीकियो 3:6

मान्तर ऐबे तीमुथियुस, जोन तुमचो लगले आमचो थाने ऐऊ रलो, तुमचो बिश्वास आउर मया चो नगतखबर सुनालो आउर ऐ गोठ के बले सुनालो कि तुमी सदा मया चो संगे आमके सुरता संगाऊ आस, आउर आमके दकतोर आशा संगाऊ आस, जसन आमी बले तुमके दकुं आंव।

1 थिस्सलुनीकियो 4:1

ऐईकाजे हे भाईमन, आमी तुमके गुहार करूं से आउर तुमके परबु ईशु ने समजाऊँ से कि जसन तुमी आमचो ले लायक चाल चलतोर आउर माहापुरू के हरिक करतोर सिकलासास, आउर जसन तुमी चलेसास बले, असने ची आउर बले बड़ते जाहा।

1तीमुथियुस 1:11

ऐई परमधन्य माहापुरू चो महिमा चो हुन नगतखबर चो अनुसार आय जोन मोके सोपाय गेलीसे।

1तीमुथियुस 1:19

आउर बिश्वास आउर हुन अच्छा बिबक के थामुन रा, जेके दूर करतोर लागुन कितलोमन चो बिश्वास रूपी जाहाज बुडून गेली।

2 तीमुथियुस 4:7

मय अच्छा कुसती लडुन चुकले से, मय आपलो दौड़ पुरा करले से, मय बिश्वास चो राका करले से।

तीतुस 2:10

चोरी चलाकी नी करोत, मान्तर सपाय परकार ले पुरा बिश्वासी निकरोत कि हुनमन सपाय गोठमन ने आमचो मुक्तिकरू माहापुरू चो उपदेश चो शोभा बड़ा ओत।

फिलेमोन 1:5

कसनबल्लोने मय तुचो हुन मया आउर बिश्वास चो गोठ सुनु आंय, जोन सपाय पवितर लोगमन चो संगे आउर परबु ईशु उपरे आसे।

याकूब 3:18

मिलाप करातो बितामन चो काजे धारमिकता चो फल शान्ति चो संगे बुना जाऊ आय।

2 पतरस 3:11

जसन कि ऐ सपाय तीजमन ऐ रीति ले पिघल तो बिती आय, तेबे तुमके पवितर चाल-चलन आउर भक्ति ने कसन माने होतोर आसे,

2 पतरस 3:14

ऐईकाजे, हे लाड़रामन, जसन कि तुमी ऐ गोठमन चो आस दकेसास, तेबे कोशिश करा कि तुमी शान्ति ले हुनचो पुरे निसकलंक आउर निर्दोष ठेबा,

यहूदा 1:3

हे लाडरामन, जिदलदाय मय तुमके हुन मुक्ति चो बारे ने लिकतो ने खुबे मसागत ले तिआर करते रले जोन थाने आमी सपाय शामिल आंसु, तेबे मय तुमके ऐ समजातोर जरूरी जानले कि हुन बिश्वास चो काजे पुरा तिआर करा जोन पवितर लोगमन के गोटक ची हार सोपा जाऊ रली।