फिलिप्पियो 1:26 - Halbi

²⁶ आउर जोन घमण्ड तुमी मोचो बारे ने करू आस, हुन मोचो फेर तुमचो लगे ईलो ने मसीह ईशु ने खुबे बडुन जाओ।

परमेस्वर को सच्चो वचन ख जाननू

²⁶ अर जे घमण्ड तुम मोरो बारा म करिये हैं, उ मोरो फिर तुमारो नजीक आवन से मसी यीसु म बेजा बढ़ जावह हैं।

फिलिप्पियो 1:26 ပူးပေါင်းရင်းမြစ်များ

यूहन्ना 16:22

हुनी परकार तुमके बले ऐबे तो दुक आसे, मान्तर मय तुमचो ले फेर मिलें दें आउर तुमचो मन हरिक ले भरून जाय दे; आउर तुमचो हरिक कोनी तुमचो ले झिकुन नी नेयेदे।

यूहन्ना 16:24

ऐबे तक तुमी मोचो नाव ले काई नी मांगलास; मांगा, तेबे पाहा से बल्ले तुमचो हरिक पुरा होऊन जाओ।

2 कुरिन्थियो 1:14

जसन तुमीमन ले कितलोमन मानला सोत आमी तुमचो घमण्ड चो कारन आंव, असने ची तुमी बले परबु ईशु चो दिने आमचो काजे घमण्ड चो कारन ठेबासे।

2 कुरिन्थियो 5:12

आमी फेर बले आपलो बड़ाई तुमचो पुरे नी करू, मान्तर आमी आपलो बारे ने तुमके घमण्ड करतोर मवका देऊं से कि तुमी हुनमन के जबाप देऊक सका, जोन मन थाने नाई मान्तर दकावटी गोठमन थाने घमण्ड करू आत।

2 कुरिन्थियो 7:14

कसनबल्लोने अगर मय हुनचो पुरे तुमचो बारे ने काई घमण्ड दकाले, तेबे लाज नी होले, मान्तर जसन आमी तुमचो ले सपाय गोठमन सत-सत बोलुन देऊ रलु, असने ची आमचो घमण्ड दकातोर तीतुस चो पुरे बले सत निकरली।

2 कुरिन्थियो 7:4

मय तुमके खुबे हिम्मत चो संगे बलेंसें, मोके तुमचो उपरे बड़े घमण्ड आसे; मय शान्ति ले भरून गेले से। आपलो पूईतराय कलेश ने मय हरिक ले खुबे भरपूर रऊं आय।

2 कुरिन्थियो 7:6

तेबले बले दिनमन के शान्ति देतो बिता माहापुरू तीतुस चो ईलो ले आमके शान्ति दिलो;

गलातियो 6:4

मान्तर हरकोनी आपली ची काम के जाचो, आउर तेबे दुसर चो बारे ने नाई मान्तर आपली ची बारे ने हुनके घमण्ड करतोर मवका होये दे।

फिलिप्पियो 3:1

ऐईकाजे हे मचो भाईमन, परबु ने हरिक राआ। हुनी ची गोठमन तुमके घन-घन लिकतोर ने मोके तो काई तकलीस नी होये, आउर ऐ थाने तुमचो उदुम आसे,

फिलिप्पियो 3:3

कसनबल्लोने खतना बितामन चो आमी ची आंव जोन माहापुरू चो आत्मा चो चलाये ले उपास करू आत, आउर मसीह ईशु उपरे घमण्ड करू आत, आउर देंह थाने भरसा नी संगाओत।

फिलिप्पियो 4:10

मय परबु ने खुबे हरिक आसे कि अदायं इतलो दिनमन चो पाचे तुमचो चिन्ता मचो बारे ने फेर जागरत होली से; पक्का तुमके मुर ने बले ऐचो कारन बिचार रली, मान्तर तुमके मवका नी मिरली।

फिलिप्पियो 4:4

परबु ने हरमेशा हरिक राआ; मय फेर बलेंसें, हरिक ने राआ।