फिलेमोन 1:6 - Halbi

⁶ मय पारथना करूं आंय कि बिश्वास ने तुचो सामिल होतोर, तुमचो सपाय भलाई चो पयचान ने, मसीह चो काजे असरदार होओ।

परमेस्वर को सच्चो वचन ख जाननू

⁶ मी बिनती करू हैं कि, भरोसा म तुमरो सहभागी होनो हर भली बात को ग्यान लाने प्रभाव कारी होय जो मसी म हमरो जोने हैं।

फिलेमोन 1:6 ပူးပေါင်းရင်းမြစ်များ

मत्ती 25:16

तेबे, जोन के पांच तोड़ा मिरू रये, हुन तुरते जाऊन भाती हुनमन ले लेन देन करलो, आउर पांच तोड़ा आउर कमालो।

मत्ती 5:16

हुनी परकार तुमचो उजर मानेमन चो पुरे चमको कि हुनमन तुमचो नुकु काममन के दकुन भाती तुमचो बुआ, चो जोन सरग ने आसे, बड़ाई करोत।

1 कुरिन्थियो 14:25

आउर हुनचो मन चो भेद उजागर होऊन जाये दे, आउर तेबे हुन पाटा पडुन घसरुन भाती माहापुरू के पाँय पड़े दे, आउर माने दे कि सत-सत माहापुरू तुमचो मंजी ने आसे।

1 कुरिन्थियो 16:9

कसनबल्लोने मोचो काजे हुता गोटक बड़े आउर उपयोगी बाट खुला आसे, आउर बिरूदी खुबे असन आसोत।

फिलिप्पियो 4:8

ऐईकाजे हे भाईमन, जोन-जोन गोठमन सत आय, आउर जोन-जोन गोठमन ईजीत चो लायक आय, आउर जोन-जोन गोठमन ठीक आय, आउर जोन-जोन गोठमन पवितर आय, आउर जोन-जोन गोठमन सुन्दर आय, आउर जोन-जोन गोठमन मन के भावतो लायक चो आय, बल्लोने जोन बले अच्छा गुन आउर हरिक चो गोठमन आय हुनमन थाने धिआन लगाया करा।

कुलुस्सियो 1:9

ऐईकाजे जोन दिन ले ऐ सुनलु से, आमी बले तुमचो काजे ऐ पारथना करतोर आउर बिनती करतोर नी छांडु कि तुमी पुईतराय आत्मिक गिआन आउर समज संगे माहापुरू चो इच्छा चो पयचान ने भरपूर होऊन जाहा,

कुलुस्सियो 3:10

आउर नवा माने के पींदलासास, जोन आपलो बनालो बिता चो रूपरंग चो अनुसार गिआन पावतो काजे नवा बनाते जाऊ आय।

तीतुस 3:14

आमचो लोग बले जरूरतमन के पुरा करतो काजे अच्छा काममन ने लगुन रतोर सिकोत कि बीना फल नी रओत।

इब्रानियो 6:10

कसनबल्लोने माहापुरू अनियायी नुआय कि तुमचो काम, आउर हुन मया के भुलकुन जाओ, जोन तुमनमन हुनचो नाव चो काजे ऐई रीति ले दकालास, कि पवितर लोगमन चो सेवा करलास आउर करेसास बले।

याकूब 2:14

ऐ मोचो भाईमन, अगर कोनी बलदे कि मोके बिश्वास आसे मान्तर हुन करम नी करो, तेबे ऐचो ले काय लाब? काय असन बिश्वास केबीई हुनचो मुक्ति करूक सके?

याकूब 2:17

हुसने ची बिश्वास बले, अगर करम संगे नी होओ तो आपलो आदत ने मरलो से।

1 पतरस 2:12

दुसर जातिमन ले तुमचो चाल-चलन अच्छा होओ; ऐईकाजे जोन-जोन गोठमन ने हुनमन तुमके कुकरमी जानुन भाती बदनाम करू आत, हुनमन तुमचो अच्छा काममन के दकुन भाती हुनीमन चो लागुन किरपादृष्टी चो दिने माहापुरू चो महिमा करोत।

1 पतरस 3:1

हे बायले लेकीमन, तुमी बले आपलो मुनुक चो अधीन राहा, ऐईकाजे कि अगर ऐ मन ले कोनी असन होओत जोन बचन के नी मानोत,

1 पतरस 3:16

आउर बिबक बले शुद्ध संगाहा, ऐईकाजे कि जोन गोठमन चो बारे ने तुमचो बदनामी होऊ आय हुनमन चो बारे ने हुनमन जोन मसीह ने तुमचो अच्छा चाल-चलन चो बेईजित करू आत, बेईजित होओत।

2 पतरस 1:8

कसनबल्लोने अगर ऐ गोठमन तुमनमन ने ऐबे रओ आउर बड़ते जाओ, तेबे तुमके आमचो परबु ईशु मसीह चो पयचान ने बेकार आउर नीसफल नी होऊक देये दे।