मरकुस 9:42 - Halbi

⁴² “जोन कोनी ऐ नानीमन थानले जोन मोचो उपरे बिश्वास कर सोत, कोकीई ठोकर खुआ ये दे तेबे हुनचो काजे अच्छा ऐ आय कि गोटक बड़े जता चो पाट हुनचो टोडरा ने लटकाया जाओ आउर हुन समुन्द ने डालुन दिआय जाओ।

परमेस्वर को सच्चो वचन ख जाननू

⁴² जे भी कोई यी छोटा म से जो मो पर भरोसा करा हैं। कोई ख ठोकर करे ते, ओखा लाने या भलाई कि बात हैं एक बड़ी घट्टी को पाट ओको गरदन म टांगो जाय अर ओखा समुंदर म फेक दियो जाय।

मरकुस 9:42 ပူးပေါင်းရင်းမြစ်များ

मत्ती 17:27

तेबले बले ऐईकाजे कि आमी हुनमन के ठोकरना नी खुआऊं, तुय झील चो रेटे जाऊन भाती गरी लाट पकाव, आउर जोन मछरी पयले निकरेदे, हुनके धर; हुनचो मुंह खोललो ने तुके गोटक सिक्का मिरेदे, हुनी के धरून भाती मोचो आउर आपलो पलटा हुनमन के देऊन देस।”

मत्ती 18:10

“दका, तुमी ऐ नानीमन थानले कोनी के तुच्छ नी जाना; कसनबल्लोने मय तुमचो ले बलेंसें कि सरग ने हुनमन चो दूत मोचो सरग चो बुआ चो थोमना हरमेशा दकु आत।

मत्ती 18:6

“मान्तर जोन कोनी ऐ नानीमन थानले जोन मोचो उपरे बिश्वास कर सोत गोटक के ठोकरना खुआ ओत, हुनचो काजे अच्छा होती कि बड़े जता चो पाट हुनचो टोडरा ने ओराया जाति, आउर हुन गड़ीयां समुन्द ने बुड़ाया जातो।

प्रेरितो 9:4

आउर हुन भूईं ने घसरलो आउर ऐ शब्द सुनलो, “हे शाऊल, हे शाऊल, तुय मोके केंव कन्दराय सीस?”

रोमियो 14:13

आउर पयले ले आमी गोटक दुसर थाने दोष नी लगाऊं, मान्तर तुमी ऐ ठानुन राआ कि कोनी आपलो भाई चो पुरे ठेच नाहले ठोकरना खातोर कारन नी संगाहा।

रोमियो 15:21

मान्तर जसन लिकलोर आसे असने ची होओ, “जोनमन के हुनचो नगतखबर नी पहुँचली, हुनमन ची दकेदे आउर जोनमन नी सुनला हुनमन ची समज दे।”

रोमियो 16:17

अदायं हे भाईमन, मय तुमचो ले बिनती करे से, कि जोन लोग हुन सिक्या चो उलटा, जोन तुमी पावलासास, फुट डालतोर आउर ठोकरना खुआतोर कारन होऊ आत, हुनमन के टारून दिआस आउर हुनमन ले दूर राहा।

2 कुरिन्थियो 6:3

आमी कोनी गोठ ने ठोकरना खातोर कोनी बले मवका नी देऊं बल्ले आमचो सेवा थाने कोनी दोष नी ऐओ।

फिलिप्पियो 1:10

ऐथा ले कि तुमी अच्छा ले अच्छा गोठमन के लाडरा जाना, आउर मसीह चो दिन तक सत बनुन राआ, आउर ठोकर नी खाआ;

1तीमुथियुस 5:14

ऐईकाजे मय ऐ चाहाऊं आय कि जुआन रान्डीमन बिहा करोत, आउर पिला जनमा ओत आउर घर दुआर संभालोत, आउर कोनी बिरूदी के बदनाम करतोर मवका नी दे ओत।

2 पतरस 2:2

खुबे असन हुनमन चो असन ढीलाढाला कर दे, जेचो लागुन सत चो बाट चो निन्दा करा जाय दे।