मरकुस 8:38 - Halbi

³⁸ जोन कोनी ऐ बेबीचारी आउर पापी जाति चो मंजी मोचो ले आउर मोचो गोठमन ले लाज होये दे, माने चो बेटा बले जिदलदाय हुन पवितर सरग दूतमन चो संगे आपलो बुआ चो महिमा संगे ऐये दे, तेबे हुनचो ले बले लाज होये दे।”

परमेस्वर को सच्चो वचन ख जाननू

³⁸ जे भी कोई या छिनाला अर पापी जात को बीच मोसे अर मोरी सिक्छा से अर मोसे लजाहे; इंसान को पोरिया भी जब उ सुध्द स्वर्ग दूत हुन को संग अपनो बाप कि सक्ति सहित आहेगो; तब ओसे भी लजाहे।”

मरकुस 8:38 ပူးပေါင်းရင်းမြစ်များ

मत्ती 12:39

हुन हुनमन के जबाप दिलो, “ऐ जुग चो खराप आउर बेबीचारी लोग चिना डगराऊ आत, मान्तर योना अगम गिआनी चो चिना के छांडुन काई आउर चिना हुनमन के नी दिया जाये।

मत्ती 13:41

माने चो बेटा आपलो सरग दूतमन के पटाये दे, आउर हुनमन हुनचो राजमन थानले सपाय ठोकरना चो कारनमन के आउर कुकरम काम करतो बितामन के रूंड़ा करदे,

मत्ती 16:27

माने चो बेटा आपलो सरग दूतमन चो संगे आपलो बुआ चो महिमा ने ऐये दे, आउर हुन समया ‘हुन हरकोनी के हुनचो काम चो पुरती करलो फल देयेदे।’

मत्ती 16:28

मय तुमचो ले सते बलेंसें कि जोन ऐथा उबा आसोत, हुनमन थानले खिन्डिक असन आसोत कि हुनमन जिदलदाय ले माने चो बेटा के हुनचो राज ने ऐतोर नी दकेदे, हुलदाय ले मरना चो सुआद केबीई नी चाक दे।”

मत्ती 16:4

ऐ जुग चो खराप आउर बेबीचारी लोग चिना डगराऊ आत, मान्तर योना चो चिना के छांडुन हुनमन के आउर कोनी चिना नी दिया जाये।” आउर हुन हुनमन के छांडुन भाती गेलो।

मत्ती 24:30

तेबे माने चो बेटा चो चिना बादरी ने दका देये दे, आउर तेबे धरतनी चो सपाय कुलमन चो लोग छाती पेटदे; आउर माने चो बेटा के बड़े सामरत आउर सुन्दर चो संगे बादरी चो कुमरामन उपरे ऐतोर दक दे।

मत्ती 25:31

“जिदलदाय माने चो बेटा आपलो महिमा ने ऐये दे आउर सपाय सरगदूत हुनचो संगे ऐ दे, तेबे हुन आपलो महिमा चो सिंघासन थाने बिराजमान होये दे।

मत्ती 26:64

ईशु हुनचो ले बल्लो, “तुय खुद बललीस; मान्तर मय तुमचो ले ऐ बले बलें सें कि अदायं ले तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन उपरे ऐतोर दका से।”

मत्ती 8:20

ईशु हुनचो ले बल्लो, “लोकड़लीमन चो भील आउर बादरी चो चड़ीईमन चो डेरामन होऊ आय; मान्तर माने चो बेटा चो काजे मुण्ड संगातोर बले जगा निआय।”

मरकुस 13:26

तेबे लोग माने चो बेटा के बड़े सामरत आउर महिमा चो संगे बादरी ने ऐतोर दक दे।

मरकुस 14:62

ईशु बल्लो, “मय आंय: आउर तुमी माने चो बेटा के सर्वशक्तिमान चो उजा बाटे बसलोर, आउर बादरी चो कुमरामन चो संगे ऐतोर दका से।”

मरकुस 8:37

माने आपलो जीव चो पलटा ने काय देये दे?

लूका 19:26

‘मय तुमचो ले बलें सें कि जेचो लगे आसे हुनके दिया जाये दे; आउर जेचो लगे निआय, हुनचो ले हुन बले जोन हुनचो लगे आसे धरा जाये दे।

लूका 9:26

जोन कोनी मोचो ले आउर मोचो गोठमन ले लाज होये दे, माने चो बेटा बले, जिदलदाय आपलो आउर आपलो बुआ चो आउर पवितर सरग दूतमन चो महिमा संगे ऐये दे, तेबे हुनचो ले लाज होये दे।

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

यूहन्ना 1:51

फेर हुनचो ले बल्लो, “मय तुमनमन ले सत-सत बलें सें कि तुमी सरग के उगाढ़ी होलोर, आउर माहापुरू चो सरग दूतमन के माने चो बेटा चो उपरे उतरते आउर उपरे जातोर दका से।”

यूहन्ना 12:34

ऐ थाने लोगमन हुनचो ले बल्ला, “आमी नियम चो ऐ गोठ सुनलु से कि मसीह हरमेशा रये दे, फेर तुय केंव बोली सीस कि माने चो बेटा के डेंग थाने चेगाया जातोर जरूरी आय? ऐ माने चो बेटा कोन आय?”

यूहन्ना 5:27

मान्तर हुनके नियाय करतोर चो बले अधिकार दिलो से, ऐईकाजे कि हुन माने चो बेटा आय।

प्रेरितो 10:22

हुनमन बल्ला, “कुरनेलियुस सुबेदार जोन धरमी आउर माहापुरू ले डरतो बिता आउर पुईतराय यहूदी जाति ने सुनाम माने आय, हुन गोटक पवितर सरगदूत ले ऐ निर्देश पावला से कि तुके आपलो घरे हाग देउन भाती तुचो ले बचन सुनोत।”

प्रेरितो 5:41

हुनमन ऐ गोठ ले हरिक होऊन भाती माहासभा चो पुरे ले जाते गेला, कि आमी हुनचो नाव चो काजे बेईजित होतो लायक तो ठेबलु।

रोमियो 1:16

कसनबल्लोने मय नगतखबर ले नी लाज होयें, ऐईकाजे कि हुन हरकोनी बिश्वास करतो बिता चो काजे, पयले तो यहूदी फेर यूनानीमन चो काजे, मुक्ति चो काजे माहापुरू चो सामरत आसे।

गलातियो 6:14

मान्तर असन नी होओ कि मय दुसर कोनी गोठ चो घमण्ड करें दे, मात्र आमचो परबु ईशु मसीह चो कुरूस चो, जेचो बाटले संवसार मोचो नजर ने आउर मय संवसार चो नजर ने कुरूस थाने चेगाया गेले से।

1 थिस्सलुनीकियो 2:19

अच्छा आमचो आशा नाहले हरिक नाहले बड़ाई चो मुकुट काय आय? काय आमचो परबु ईशु चो पुरे हुनचो ऐतोर समया तुमी ची नी हुआस?

1 थिस्सलुनीकियो 3:13

बल्ले हुन तुमचो मन-मन के असन थीर करो कि जिदलदाय आमचो परबु ईशु आपलो सपाय पवितर लोगमन चो संगे ऐओ, तेबे हुनमन आमचो माहापुरू आउर बुआ चो पुरे पवितरता ने बेकसूर ठेबोत।

2 तीमुथियुस 1:12

ऐई लागुन मय ऐ दुखमन के बले उठायें सें, मान्तर लाज नी होयें, कसनबल्लोने मय हुनके जेचो उपरे मय बिश्वास करले से जाने; आउर मोके तय आसे कि हुन मचो अमानत चो हुन दिन ले राका करूक सके।

2 तीमुथियुस 1:16

उनेसिफुरूस चो घरलोगमन उपरे परबु दया करो, कसनबल्लोने हुन खुबे हार मोचो जीव के सितर करलो आउर मोचो सिकरामन ले लाज नी होलो।

2 तीमुथियुस 1:8

ऐईकाजे आमचो परबु चो गोहई ले, आउर मोचो ले जोन हुनचो कयदी आंय, लाजे नी हो, मान्तर हुन माहापुरू चो सामरत चो असन नगतखबर चो काजे मोचो संगे दुख उठाव

इब्रानियो 11:16

मान्तर हुनमन गोटक बड़ीया बल्लोने सरगर देश चो इच्छुक आत; ऐईकाजे माहापुरू हुनमन चो माहापुरू बलाय जातो ने हुनमन ले नी लाज होये, कसनबल्लोने हुन हुनमन चो काजे गोटक नंगर तिआर करलो से।

इब्रानियो 11:26

हुन मसीह चो लागुन निन्दा होतो काजे मिस्र चो भण्डार ले बड़े धन समजलो, कसनबल्लोने हुनचो आँईक फल पावतोर बाटे लागुन रये।

इब्रानियो 13:13

ऐईकाजे ईआ, हुनचो निन्दा आपलो उपरे धरून भाती, छांवनी चो बाहरे हुनचो लगे निकरून जो।

याकूब 4:4

हे बेबीचारीनमन, काय तुमी नी जानास कि संवसार ले मीत करतोर माहापुरू ले बईर करतोर आय? ऐईकाजे जोन कोनी संवसार चो मीत होऊक चाहायें से, हुन आपन खुद के माहापुरू चो बयरी बनाऊ आय।

1यूहन्ना 2:23

जोन कोनी बेटा चो इन्कार करू आय हुनचो लगे बुआ बले निआय: जोन बेटा के मानु आय, हुनचो लगे बुआ बले आसे।

1यूहन्ना 2:28

आउर हे लेकामन, हुनचो थाने बनुन राहा कि जिदलदाय हुन परकट होओ तो आमके साआस होओ, आउर आमी हुनचो ईलो ने हुनचो पुरे लाज नी होऊ।

प्रकाशितवाक्य 14:10

हुन माहापुरू चो परकोप चो निरवा मन्द, जोन हुनचो रीस चो बोटका ने रकाय गेली से, पिये दे आउर पवितर सरग दूतमन चो पुरे आउर मेमना चो पुरे आईग आउर गन्धक चो दुखा ने पड़े दे।