मरकुस 8:34 - Halbi

³⁴ हुन भीड़ के आपलो चेलामन चो संगे लगे हाग देऊन भाती हुनमन ले बल्लो, “जोन कोनी मोचो पाट-पाट ऐऊक चाहा ये से, हुन आपन खुद ले इन्कार करो आउर आपलो कुरूस के उठाऊन भाती, मोचो पाट-पाट ऐओ।

परमेस्वर को सच्चो वचन ख जाननू

³⁴ यीसु न भीड़ ख अपना चेला हुन को समेत नजीक बुला ख उनका कय्हो, “जे भी कोई मारो पिछु आन ख होए, उ अपनो खुद को इंकार करे अर अपनो सूली उठा ख उ मोरा पिछु चले।

मरकुस 8:34 ပူးပေါင်းရင်းမြစ်များ

मत्ती 10:38

आउर जोन आपलो कुरूस धरून भाती मोचो पाट-पाट नी चले हुन मोचो लायक नुआय।

मत्ती 16:24

तेबे ईशु आपलो चेलामन ले बल्लो, “अगर कोनी मोचो पाट-पाट ऐऊक चाहा ओ, तेबे आपन खुद चो इन्कार करो आउर आपलो कुरूस उठाओ, आउर मोचो पाट-पाट ऐओ।

मत्ती 27:32

बाहरे जाते-जाते हुनमन के शिमोन नाव चो गोटक कुरेनी माने मिरलो। हुनमन हुनके फकाहा ने धरला कि हुनचो कुरूस उठाऊन धरून जाओ।

मरकुस 10:21

ईशु हुनचो उपरे नंजराऊन भाती हुनचो ले मया करलो, आउर हुनचो ले बल्लो, “तुचो ने गोटक गोठ चो कमी आसे। जा, जोन काई तुचो आय हुनके बिकुन भाती कंगालमन के देऊन देस, आउर तुके सरग ने धन मिरेदे, आउर ऐऊन भाती मोचो पाट-पाट हो।”

मरकुस 7:14

तेबे हुन लोगमन के आपलो लगे हाग देऊन भाती हुनमन ले बल्लो, “तुमी सपाय मोचो सुना, आउर समजा।

लूका 13:24

“साकुड़ बाट ले ओलतोर कोशिश करा, कसनबल्लोने मय तुमचो ले बलें सें कि खुबे असन ओलतोर मन कर दे, आउर नी करूक सक दे।

लूका 14:33

असने रीति ले तुमनमन थानले जोन कोनी आपलो सपाय काई छांडुन नी देये, हुन मोचो चेला नी होऊक सके।

लूका 18:22

ऐ सुनुन भाती ईशु हुनचो ले बल्लो, “तुचो थाने ऐबे बले गोटक गोठ चो कमी आसे, आपलो सपाय काई बिकुन भाती कंगालमन के बाटुन देस; आउर तुके सरग ने धन मिरे दे, आउर ऐऊन भारी मोचो पाट-पाट हो।”

लूका 20:45

जिदलदाय सपाय लोग सुनते रवत, तेबे हुन आपलो चेलामन ले बल्लो,

लूका 9:23

हुन सपाय ले बल्लो, “अगर कोनी मोचो पाट-पाट ऐतोर चाह ले, तेबे आपन खुद ले इन्कार करो आउर रोजे दिना आपलो कुरूस उठाऊन भाती मोचो पाट-पाट ऐओ।

यूहन्ना 10:27

मोचो मेंडामन मोचो शब्द सुनु आत; मय हुनमन के जाने, आउर हुन मोचो पाट-पाट रेंगु आत;

यूहन्ना 19:17

“तेबे हुनमन ईशु के धरून नीला, आउर हुन आपलो कुरूस के उठाऊन भाती हुन जगा लगले बाहरे गेलो, जोन ‘खोपड़ी चो जगा’ बलाया जाऊ आय आउर इब्रानी ने ‘गुलगुता’।”

प्रेरितो 14:22

आउर चेलामन चो मन के थीर करते रला आउर ऐ उपदेश देते रला कि बिश्वास ने बनु राहा; आउर ऐ बोलते रवत, “आमके बड़े कलेश उठाऊन भाती माहापुरू चो राज ने ओलतोर होये दे।”

रोमियो 6:6

आमी जानुन से कि आमचो जुना मानेरूप हुनचो संगे कुरूस थाने चेगाया गेली बल्ले पाप चो देंह फकाहा होऊन जाओ, आउर आमी पयले ले पाप चो दास रऊँ।

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

1 कुरिन्थियो 15:31

हे भाईमन, मोके हुन घमण्ड चो किरिया जोन आमचो मसीह ईशु ने मय तुमचो बारे ने करूं आंय कि मय रोजे दिना मरू आय।

1 कुरिन्थियो 8:13

ऐ लागुन ऐई भात मोचो भाईमन के ठोकरना खुआ ओ, तेबे मय केबीई कोनी रीति ले मास नी खाये, नी होओ कि मय आपलो भाई चो काजे ठोकरना चो कारन बनेंदें।

1 कुरिन्थियो 9:19

कसनबल्लोने सपाय ले छुटछाड़ा होतोर ले बले मय आपन खुद के सपाय चो दास बनान दिले से कि खुबे लोगमन के झिकुन आने।

गलातियो 2:20

मय मसीह चो संगे कुरूस उपरे चेगाया गेले से, अदायं मय जीव नी रले, मान्तर मसीह मोचो ने जीव आसे; आउर मय देंह ने अदायं जोन जीव आंसे तो मात्र हुन बिश्वास ले जीव आंसे जोन माहापुरू चो बेटा उपरे आसे, जोन मोके मया करलो आउर मोचो काजे आपन खुद के देउन दिलो।

गलातियो 5:24

आउर जोन मसीह ईशु चो आत, हुनमन देंह के हुनचो लालचमन आउर मनमानीमन चो संगे कुरूस उपरे चेगाऊन दिला सोत।

गलातियो 6:14

मान्तर असन नी होओ कि मय दुसर कोनी गोठ चो घमण्ड करें दे, मात्र आमचो परबु ईशु मसीह चो कुरूस चो, जेचो बाटले संवसार मोचो नजर ने आउर मय संवसार चो नजर ने कुरूस थाने चेगाया गेले से।

फिलिप्पियो 3:10

बल्ले मय हुनमन के आउर हुनचो मरून जीव उठतोर जय चो सामरत के, आउर हुनचो संगे दुकमन ने शामिल होतोर भेद के जाने, आउर हुनचो मरना चो बराबरी के पाऊक सकें

फिलिप्पियो 3:7

मान्तर जोन-जोन गोठमन मोचो फायदा चो रली, हुनीमन के मय मसीह चो कारन घाटा समज ले से।

कुलुस्सियो 1:24

अदायं मय हुन दुखमन चो लागुन हरिक करें से, जोन तुमचो काजे उठाऊँ आंय आउर मसीह चो कलेशमन चो ऊना हुनचो देंह चो काजे, बल्ले कलीसिया चो काजे, आपलो देंह ने पुरा करू आंय;

कुलुस्सियो 3:5

ऐईकाजे आपलो हुन धड़मन के मारून दिआस जोन धरतनी थाने आसे, बल्लोने बेबीचार, अशुद्धता, खराप बिचारमन खराप लालच आउर लोभ के जोन मुरती पुजा चो बराबर आय।

2 थिस्सलुनीकियो 3:11

आमी सुनु आंव कि कितलो लोग तुमचो मंजी ने ठग चाल चलु आत, आउर काई काम नी करोत मान्तर दुसरमन चो काम ने हाथ लगाया करू आत।

तीतुस 2:12

आउर आमके जनाऊन देऊ आय कि आमी अभक्ति आउर संवसार चो मनमानीमन ले मन फिराऊन भाती ऐ जुग ने सहन करू आउर धरम आउर भक्ति ले जीवना बिताऊ;

इब्रानियो 13:13

ऐईकाजे ईआ, हुनचो निन्दा आपलो उपरे धरून भाती, छांवनी चो बाहरे हुनचो लगे निकरून जो।

1 पतरस 4:1

ऐईकाजे जसन कि मसीह देंह ने होऊन भाती दुख उठालो तेबे तुमी बले हुनी मनसा के हत्यार चो असन धारन करा, कसनबल्लोने जोन देंह ने दुख उठालो हुन पाप ले छुटुन गेलो,

1 पतरस 4:13

मान्तर जसन-जसन मसीह चो दुखमन ने शामिल होऊ आस, हरिक करा, जेचो ले हुनचो महिमा चो परकट होतो समया बले तुमी हरिक आउर उदुम हुआ।

2 पतरस 1:14

कसनबल्लोने ऐ जाने से कि मोचो डेरा के घसराया जातोर समया झटके ऐतो बिती आय, जसन कि आमचो परबु ईशु मसीह मोचो उपरे परकट करलो से।

1यूहन्ना 3:16

आमी तो मया ऐचीई ले जानलु कि हुन आमचो काजे आपलो जीव दिलो; आउर आमके बले भाईमन चो काजे परान देतोर आसे।

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”