मरकुस 8:2 - Halbi

² “मोके ऐ भीड़ थाने जीव दुके से, कसनबल्लोने ऐ तीन दिन ले समान मोचो संगे आसोत, आउर हुनमन चो लगे काई बले खातो काजे निआय।

परमेस्वर को सच्चो वचन ख जाननू

² “मोखा या भीड़ पर तरस आवा हैं, काहेकि या मोरो संग म तीन दिन से हैं, अर उनको पास म कुछ भी खान ख नी हाय।

मरकुस 8:2 ပူးပေါင်းရင်းမြစ်များ

मत्ती 14:14

हुन निकरून भाती गोटक बड़े भीड़ दकलो आउर हुनमन उपरे जीव दुकालो, आउर हुनमन चो बेमारमन के चेंगा करलो।

मत्ती 20:34

ईशु जीव दुकाऊन भाती हुनमन चो आँईक के छिंवलो, आउर हुनमन तुरते दकुक मुरयाला; आउर हुनचो पाट-पाट गेला।

मत्ती 9:36

जिदलदाय हुन भीड़ के दकलो तेबे हुनके लोगमन उपरे जीव दुकली, कसनबल्लोने हुनमन हुन मेंडामन चो असन जेचो कोनी राका करू बिता नी रवत, बाय बिकाल आउर भुलकलो असन रवत।

मरकुस 1:41

हुन हुनचो उपरे जीव दुकान भाती हाथ बड़ालो, आउर हुनके छिंऊन भाती बल्लो, “मय चाहायें सें तुय शुद्ध होऊन जा।”

मरकुस 5:19

मान्तर हुन हुनके हुकुम नी दिलो, आउर हुनचो ले बल्लो, “आपलो घरे जाऊन भाती आपलो लोगमन के सांग कि तुचो थाने दया करून परबु तुचो काजे कसन बड़े काम करलो से।”

मरकुस 6:32

ऐईकाजे हुनमन ड़ोंगा थाने चेगुन भाती, चिमचाम जगा ने अलगे गेला।

मरकुस 6:34

हुन उतरून भाती बड़े भीड़ दकलो, आउर हुनमन उपरे जीव दुकालो, कसनबल्लोने हुनमन हुन मेंडामन चो असन रवत, जोनमन चो कोनी राका करू बिता नी रओ; आउर हुन हुनमन के खुबे असन गोठमन सिकाऊक मुरयालो।

मरकुस 8:3

अगर मय हुनमन के भूके घरे पटायें दें, तो बाट ने थाकुन भाती रऊन जादे; कसनबल्लोने ऐ मन थानले कोनी-कोनी लापी ले ईला सोत।”

मरकुस 9:22

हुन ऐके नाश करतो काजे केबे तो आईग आउर केबे पानी ने घसरालो; मान्तर अगर तुय काई करूक सकीस, तो आमचो उपरे जीव दुकान भाती आमचो उपकार कर।”

लूका 15:20

“तेबे हुन उठून भाती, आपलो बुआ चो लगे गेलो: हुन ऐबे लापी रलो कि हुनचो बुआ हुनके दकुन भाती जीव दुकालो, आउर पराऊन भाती हुनके पटारलो, आउर खुबे चुमलो।

लूका 7:13

हुनके दकुन भाती परबु के जीव दुकली, आउर हुनचो ले बल्लो, “नी गाग।”

इब्रानियो 2:17

ऐई कारन हुनके जरूरत रली, कि सपाय गोठमन ने आपलो भाईमन चो असन बनो; जेचो ले हुन-हुन गोठमन ने जोन माहापुरू ले सम्बंध संगाऊ आय, गोटक दयालु आउर बिश्वास लायक माहायाजक बनो बल्ले लोगमन चो पापमन चो काजे पश्ताओ।

इब्रानियो 4:15

कसनबल्लोने आमचो असन माहायाजक नुआय जोन आमचो कमजोरीमन ने आमचो संगे दुकी नी होऊक सको; मान्तर हुन सपाय गोठमन ने आमचो असन परका तो गेलो, तेबे बले पाप नी निकरली।

इब्रानियो 5:2

हुन अगिआनीमन आउर भुलक भटक बितामन चो संगे नरमी ले बेवहार करूक सके, ऐईकाजे कि हुन खुद बले कमजोरी ले घिरलो से।