मरकुस 7:25 - Halbi

²⁵ आउर तुरते गोटक बायले लेकी जेचो नानी बेटी ने अशुद्ध आत्मा रली, हुनचो चरचा सुनुन भाती ईली, आउर हुनचो पाँयमन थाने घसरली।

परमेस्वर को सच्चो वचन ख जाननू

²⁵ अर तुरत एक बाई जोकी छोटी पोरी (बेटी) म बुरी आत्मा हती, ओको बारे म खबर सुन ख अई, अर यीसु को कने गिड़ी।

मरकुस 7:25 ပူးပေါင်းရင်းမြစ်များ

मत्ती 15:22

हुन परदेश ले गोटक कनानी बायले लेकी निकरली, आउर चिचयाऊन भाती बोलुक मुरयाली, “हे परबु! दाऊद चो पिला, मोचो उपरे दया कर! मोचो बेटी के दुष्टआत्मा खुबे कन्दराय से।”

मरकुस 1:40

गोटक कोढ़ी हुनचो लगे ईलो, हुनचो ले गुहार लो, आउर हुनचो पुरे मांडी पाडून भाती हुनचो ले बल्लो, “अगर तुय चाह लो ने तो मोके शुद्ध करूक सकीस।”

मरकुस 5:33

तेबे हुन बायले लेकी ऐ जानुन भाती कि मोचो कसन भलाई होली से, डरते आउर थरथरते ईली, आउर हुनचो पाँयमन थाने घसरुन भाती हुनचो ले सपाय हाल सत-सत बोलुन दिली।

मरकुस 7:24

फेर ईशु हुता ले उठून भाती सूर आउर सयदा चो देशमन ने ईलो; आउर गोटक घर ने गेलो आउर चाहते रलो कि कोनी नी जानोत; मान्तर हुन लुकुक नी सकलो।

मरकुस 7:26

ऐ यूनानी आउर सुरूफिनीकी जात चो रली; आउर हुन ईशु ले गुहार करली कि मोचो बेटी थानले दुष्टआत्मा निकराऊन देस।

लूका 17:16

आउर ईशु चो पाँयमन थाने पाटा पडुन घसरुन भाती हुनचो धन्यबाद करूक मुरयालो; आउर हुन सामरी रये।