मरकुस 6:56 - Halbi

⁵⁶ आउर जाहां काहांय हुन गाँवमन, नंगरमन, नाहले बस्तीमन ने जाते रये, लोग बेमारीमन के हाटमन ने संगाऊन भाती हुनचो ले गुहारते रवत कि हुन हुनमन के आपलो फटीई चो आंचर ची के छिंऊक देओ: आउर जितरो हुनके छिंवते रवत, सपाय चेंगा होते रवत।

परमेस्वर को सच्चो वचन ख जाननू

⁵⁶ अर जो वी गाँव, नगर, बस्ती म यीसु फिरत रह अदमी बिमार हुन ख बाजार हुन म ले जाय ख ओसे विनती करत रह की यीसु उनका अपनो कपड़ा को छेड़ा ख ही छिन देहे: अर जित्ता ओखा छूवा रह, सबरा अच्छी हो जात रह।

मरकुस 6:56 ပူးပေါင်းရင်းမြစ်များ

मत्ती 14:36

आउर ईशु ले गुहार करूक मुरयाला कि हुन हुनमन के आपलो फटीई चो आंचर के ची छिंऊक देओ; आउर जितरो लोगमन हुनचो पिन्दलो फटीई के छिंवला, हुनमन चेंगा होला।

मत्ती 9:20

आउर दका, गोटक बायले लेकी जेके बारा बरक ले लऊ जातोर बेमार रये, पाटकुती ले ऐऊन भाती हुनचो फटीई चो आंचर के छिंवली।

मरकुस 3:10

कसनबल्लोने हुन खुबेमन के चेंगा करू रये, ऐईकाजे जितरो लोग रोग ने रवत, हुनके छिंवतो काजे हुनचो उपरे घसरते पड़ते रवत।

मरकुस 6:55

लगे-लगे चो सपाय देश ने पराला, आउर बेमारीमन के खटियामन थाने डालुन भाती, जाहां-जाहां खबर पावला कि हुन आसे, हुता-हुता धरून फिरला।

लूका 22:51

ऐ थाने ईशु बल्लो, “ऐबे रऊक दिआस।” आउर हुनचो कान छिंऊन भाती हुनके अच्छा करलो।

लूका 6:19

सपाय हुनके छिंवतोर मन करते रवत, कसनबल्लोने हुनचो ले सामरत निकरून भाती सपाय के चेंगा करते रली।

लूका 8:44

पाटकुती ले ऐऊन भाती हुनचो फटीई चो आंचर के छिंवली, आउर तुरते हुनचो लऊ जातोर बंद होली।

प्रेरितो 4:12

“कोनी दुसर चो बाटले मुक्ति निआय; कसनबल्लोने सरग चो खाले मानेमन ने आउर कोनी दुसर नाव नी दिया गेली, जेचो बाटले आमी मुक्ति पाऊक सकु।”

प्रेरितो 4:9

“हे लोगमन चो सरदारमन आउर पुरनिमन, ऐ दुर्बल माने चो संगे जोन भलाई करा गेली से, अगर आजी आमचो ले हुनचो बारे ने जाच पड़ताल करा जाये से, कि हुन कसन चेंगा होलो।”

प्रेरितो 5:15

ऐथा ले कि लोग बेमारमन के सड़क थाने आनुन-आनुन, खटियामन ने आउर तखतमन थाने सुआऊन देते रवत कि जिदलदाय पतरस ऐओ, तेबे हुनचो छांय ची हुनमन थानले काचीई उपरे पडुन जाओ।