मरकुस 5:7 - Halbi

⁷ आउर जोर ले चिचयाऊन भाती बल्लो, “हे ईशु, परमपरधान माहापुरू चो बेटा, मोके तुचो ले काय काम? मय तुके माहापुरू चो किरिया देयें सें कि मोके दुक नी देस।”

परमेस्वर को सच्चो वचन ख जाननू

⁷ अर बड़ी जोर से चिल्ला ख कय्हो, “अरे यीसु, परमप्रधान परमेस्वर को पोरिया, मोखा तोसे का काम? मी तोखा परमेस्वर कि कसम देऊ हैं कि मोखा दुख मत देवा।”

मरकुस 5:7 ပူးပေါင်းရင်းမြစ်များ

मत्ती 16:16

शिमोन पतरस जबाप दिलो, “तुय जीवता माहापुरू चो बेटा मसीह आस।”

मत्ती 26:63

मान्तर ईशु ओगाय रलो। तेबे माहायाजक हुनचो ले बल्लो, “मय तुके जीवता माहापुरू चो किरिया देयें सें कि अगर तुय माहापुरू चो बेटा मसीह आस, तो आमके बोलुन देस।”

मत्ती 4:3

तेबे परकतो बिता शयतान लगे ऐऊन भाती ईशु ले बल्लो, “अगर तुय माहापुरू चो बेटा आस, तो बोलुन देस, कि ऐ पकना रोटीमन बनुन जाओ।”

मत्ती 8:29

हुनमन चिचयाऊन भाती बल्ला, “हे माहापुरू चो बेटा, आमचो तुचो ले काय काम? काय तुय समया ले पयले आमके दुक देऊक लाय ऐथा ईली सीस?”

मरकुस 1:24

हुन चिचयाऊन भाती बल्लो, “हे ईशु नासरी, आमके तुचो ले काय काम? काय तुय आमके नष्ट करूक ईली सीस? मय तुके जाने, तुय कोन आस? माहापुरू चो पवितर जन!”

मरकुस 14:61

मान्तर हुन ओगाय होऊन रलो, आउर काई जबाप नी दिलो। माहायाजक हुनचो ले फेर पचारलो, “काय तुय हुन परमधन्य चो बेटा मसीह आस?”

मरकुस 3:11

अशुद्ध आत्मामन बले, जिदलदाय हुनके दकते रवत, तेबे हुनचो पुरे घसरते पड़ते रवत, आउर चिचयाऊन भाती बोलते रवत कि तुय माहापुरू चो बेटा आस;

मरकुस 5:6

हुन ईशु के लापी ले ची दकुन भाती परालो, हुनके पाँय पढ़लो,

मरकुस 5:8

कसनबल्लोने हुन हुनचो ले बोलु रलो, “हे अशुद्ध आत्मा, ऐ माने थानले निकरून आव!”

लूका 1:32

हुन माहान होयेदे आउर परमपरधान चो बेटा बलाय जायेदे; आउर परबु माहापुरू हुनचो बुआ दाऊद चो सिंघासन हुनके देयेंदे,

लूका 4:34

“हे ईशु नासरी, आमके तुचो ले काय काम? काय तुय आमके नष्ट करतो काजे ईली सीस? मय तुके जाने तुय कोन आस? तुय माहापुरू चो पवितर जन आस!”

लूका 6:35

मान्तर आपलो शतरूमन ले मया संगावा, आउर भलाई करा, आउर फेर पावतोर आशा नी संगाऊन भाती उदार दिआस; आउर तुमचो काजे बड़े फल होये दे, आउर तुमी परमपरधान चो पिलामन ठेबा से, कसनबल्लोने हुन हुनमन उपरे जोन धन्यबाद नी करोत आउर खरापमन उपरे बले किरपालु आसोत।

लूका 8:28

हुन ईशु के दकुन भाती चिचयालो आउर हुनचो पुरे घसरुन भाती जोर ले बल्लो, “हे परमपरधान माहापुरू चो बेटा ईशु! मोके तुचो ले काय काम? मय तुचो ले गुहार करें से, मोके दुक नी देस।”

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

प्रेरितो 16:17

हुन पौलुस चो आउर आमचो पाटकुती ऐऊन भाती चिचयाऊक मुरयाली, “ये माने परमपरधान माहापुरू चो दास आत, जोन आमके मुक्ति चो बाट चो कथा सुनाऊ आत।”

प्रेरितो 19:13

मान्तर कितलो यहूदी जोन झाड़ा फुका करते फिरते रवत, ऐ करूक मुरयाला कि जोन मन ने दुष्टआत्मा रओ हुनमन उपरे परबु ईशु चो नाव ऐ बोलुन भाती फुकला, “जोन ईशु चो परचार पौलुस करू आय, मय तुमके हुनचेई किरिया देयें से।”

प्रेरितो 8:36

बाट ने हिन्ड़ते-हिन्ड़ते हुनमन कोनी पानी चो जगा ने अमरला। तेबे खोजा बल्लो, “दक ऐथा पानी आसे, अदायं मोके डूबन धरतो ने काय अड़चन आसे।”

रोमियो 16:20

शान्ति चो माहापुरू शयतान के तुमचो पाँयमन ले झटके रमदुन देये दे। आमचो परबु ईशु मसीह चो अनुग्रह तुमचो उपरे होते रओ।

इब्रानियो 2:14

ऐईकाजे जसन कि लेकामन मास आउर लऊ चो भागी आत, तेबे हुन खुद बले हुनमन चो असन हुनमन चो शामिल होऊन गेलो, बल्ले मरना चो दुवारा हुनके जेके मरना उपरे शक्ति मिरून रये, बल्लोने शयतान के ठग करून देओ;

इब्रानियो 7:1

ऐ मलिकिसिदक शालेम चो राजा, आउर परमपरधान माहापुरू चो याजक, हरमेशा याजक बनुन रऊ आय। जिदलदाय अब्राहाम राजामन के मारून भाती फिरून जाते रये, तेबे ऐई हुनके भेट करून हुनके आशीष दिलो।

याकूब 2:19

तुके बिश्वास आसे कि गोटक ची माहापुरू आय, तुय अच्छा करू आस। दुष्टआत्मा बले बिश्वास संगाऊ आत, आउर थरथरु आत।

2 पतरस 2:4

कसनबल्लोने जिदलदाय माहापुरू हुन सरग दूतमन के जोनमन पाप करला नी छांडलो, मान्तर नरक ने पटाऊन भाती अन्धार कुण्डमन ने डालुन दिलो बल्ले नियाय चो दिन तक बन्दी रवत;

1यूहन्ना 3:8

जोन कोनी पाप करू आय हुन शयतान चो बाटले आय, कसनबल्लोने शयतान मुर ले ची पाप करते ईलो से। माहापुरू चो बेटा ऐईकाजे परकट होलो कि शयतान चो काममन के नाश करो।

यहूदा 1:6

फेर जोन सरग दूतमन आपलो पन के गोटक जगा ने थीर नी संगाला मान्तर आपलो खुद चो जगा के छांडुन दिला, हुन हुनमन के बले हुन भयंकर दिन चो नियाय चो काजे अंधार ने, जोन जुग-जुग चो काजे आय, बान्दनमन ने संगालो से।

प्रकाशितवाक्य 12:12

“ऐई लागुन हे सरगमन आउर हुन थाने रतो बितामन, उदुम हुआ; हे धरतनी, आउर समुन्द, तुमचो उपरे हाय! कसनबल्लोने शयतान बड़े रिस चो संगे तुमचो लगे उतरून ईलोसे, कसनबल्लोने जाने कि हुनचो खिन्डिक ची समया आउर बाकी आसे।”