मरकुस 5:13 - Halbi

¹³ आउर हुन हुनमन के हुकुम दिलो आउर अशुद्ध आत्मा निकरून भाती बराहांमन चो भीतरे भिड़ला आउर गोअड़ी, जोन कोनी दुय हजार चो रये, डोंगरी ऊपर ले झंझाड़ी होऊन भाती झील ने जाऊन पड़ला आउर बुडून मरला।

परमेस्वर को सच्चो वचन ख जाननू

¹³ ओको बाद यीसु न कय्हो अर बुरी आत्मा न ओकी बात मान लियो अर निकल ख डुक्कर हुन को भीतर समा गई अर झुण्ड, जे कोई दो हजार को हतो रह, कड़ाडे म से दऊड ख झील म गिडियो अर ड़ुब मरियो।

मरकुस 5:13 ပူးပေါင်းရင်းမြစ်များ

मत्ती 7:6

“पवितर तीज कुकूरमन के नी दिआस, आउर आपलो मोती बराहांमन चो पुरे नी पकाहा; असन नी होओ कि हुनमन हुनके पाँयमन खाले रोमदोत आउर पलटून भाती तुमके चिरून देयदे।”

मत्ती 8:32

हुन हुनमन ले बल्लो, “जाहा!” आउर हुनमन निकरून भाती बराहांमन ने भिड़ला आउर दका, सपाय गोअड़ी डोंगरी ऊपर ले झंझाड़ी होऊन भाती पानी ने जाऊन पड़ला, आउर बुडून मरला।

मरकुस 5:12

आउर दुष्टआत्मामन ईशु के गुहारुन भाती बल्ला, “आमके हुन बराहांमन ने पटाऊन देस कि आमी हुनमन चो भीतरे जाऊँ दे।”

मरकुस 5:14

हुनमन चो चरातो बितामन पराऊन भाती नंगर आउर गाँवमन ने खबर सुनाला, आउर जोन होऊ रये, लोग हुनके दकुक ईला।

यूहन्ना 8:44

तुमी आपलो बुआ शयतान ले आहास आउर आपलो बुआ चो लालचमन के पुरा करूक चाहाऊ आस। हुन तो मुर ले हत्यारा आय आउर सते थाने थीर नी रलो, कसनबल्लोने सत हुनचो थाने आसे ची नाई। जिदलदाय हुन झूठ बोलु आय, तेबे आपलो सवभाव ची ले बोलु आय; कसनबल्लोने हुन झूठा आय मान्तर झूठ चो बुआ आय।

1 पतरस 3:22

हुन सरग थाने जाऊन भाती माहापुरू चो उजा बाटे बसलो, आउर सरगदूत आउर अधिकारी आउर सामरती हुनचो हक करा गेला से।

प्रकाशितवाक्य 20:7

जिदलदाय हजार बरक पुरा होऊन जाय दे तेबे शयतान कयद ले छांडुन दिया जाय दे।

प्रकाशितवाक्य 9:11

अन्दकुप खोदरा चो दूत हुनमन थाने राजा रलो; हुनचो नाव इब्रानी ने अबदोन, आउर यूनानी ने अपुल्लयोन आय।