मरकुस 2:12 - Halbi

¹² हुन उठलो आउर तुरते खटिया उठाऊन भाती सपाय चो पुरे ले निकरून भाती जाते गेलो; ऐ थाने सपाय भक्याला, आउर माहापुरू चो बड़ाई करून बोलुक मुरयाला, “आमी असन केबीई नी दकलु।”

परमेस्वर को सच्चो वचन ख जाननू

¹² उ तुरत उठियो अर खटिया उठा ख सबको सामे से निकल ख चल दियो; यु देख ख सब दंग रह गया, अर परमेस्वर कि बड़ाई कर ख कहन लग गया, “हम न असो कभी नी देखो।”

मरकुस 2:12 ပူးပေါင်းရင်းမြစ်များ

मत्ती 12:23

ऐ थाने सपाय लोग भकवा होऊन भाती बोलुक मुरयाला, “ऐ काय दाऊद चो पिला आय!”

मत्ती 15:31

जिदलदाय लोगमन दकला कि कोंदा बोल सोत, आउर ठुठा चेंगा होय सोत, आउर खोड़ीया हिन्डे सोत, आउर काना दक सोत तेबे अकचकित होऊन इस्राएल चो माहापुरू चो बड़ाई करला।

मत्ती 9:33

आउर जिदलदाय दुष्टआत्मा निकराऊन दिलो, तेबे कोंदा बोलुक मुरयालो। ऐ थाने भीड़ अकचकित होऊन बल्ला, “इस्राएल ने असन केबीई नी दकलु।”

मत्ती 9:8

लोग ऐ दकुन भाती भक्याला आउर माहापुरू चो महिमा करूक मुरयाला जोन मानेमन के असन अधिकार दिलोसे।

मरकुस 1:27

ऐ थाने सपाय लोग अकचकित होऊन भाती आपन ने बहस करूक मुरयाला, “ऐ काय गोठ आय? ऐ तो कोनी नवा उपदेश आय! हुन हक चो संगे अशुद्ध आत्मामन के बले हुकुम देऊ आय, आउर हुनमन हुनचो हुकुम मानु आत।”

मरकुस 2:11

“मय तुचो ले बलें सें, उठ, आपलो खटिया उठाऊन भाती आपलो घरे जा।”

लूका 13:13

तेबे हुन हुनचो उपरे हाथ संगालो, आउर हुन तुरते सीदा होऊन गेली आउर माहापुरू चो बड़ाई करूक मुरयाली।

लूका 17:15

तेबे हुनमन थानले गोटक ऐ दकुन भाती कि मय चेंगा होऊन गेले से, जोर ले माहापुरू चो बड़ाई करते फिरलो;

लूका 5:26

तेबे सपाय भक्याला आउर माहापुरू चो बड़ाई करूक मुरयाला आउर खुबे डरून भाती बोलुक मुरयाला, “आजी आमी भयंकर गोठमन दकलु से!”

लूका 7:16

ऐचो ले सपाय के डर चेपाली, आउर हुनमन माहापुरू चो बड़ाई करून बोलुक मुरयाला, “आमचो मंजी ने गोटक बड़े अगम गिआनी उठलो से, आउर माहापुरू आपलो लोगमन उपरे दयाधरम करलो से।”

यूहन्ना 7:31

फेर बले भीड़ थानले खुबे असन लोगमन हुनचो उपरे बिश्वास करला, आउर बोलुक मुरयाला, “मसीह जिदलदाय ऐये दे तो काय ऐचो ले खुबे अकचकित काम दकाय दे जोन ऐ दकालो?”

यूहन्ना 9:32

जगत चो मुर ले ऐ केबीई सुनतोर ने नी इली कि कोनी जनम चो काना चो आँईक के उगाढ़लो।

प्रेरितो 4:21

तेबे हुनमन-हुनमन के आउर धमकाऊन भाती छांडुन दिला, कसनबल्लोने लोगमन चो कारन हुनमन के डण्ड देतोर कोनी दाँव नी मिरली, ऐईकाजे कि जोन घटना होऊ रली हुनचो कारन सपाय लोग माहापुरू चो बड़ाई करते रवत।