मरकुस 16:20 - Halbi

²⁰ आउर हुनमन निकरून भाती हरकोनी जगा परचार करला, आउर परबु हुनमन संगे काम करते रलो, आउर हुन चिनामन चो कारन जोन संगे-संगे होते रये, बचन के जमखम करते रलो। आमीन।

परमेस्वर को सच्चो वचन ख जाननू

²⁰ अर उन न नीकल ख हर जगा म प्रचार सुनायो, अर प्रभु उनको संघ म काम करते रहयो अर वी चमतकारी निसान को व्दारा जे संग-संग म होत रह हता वचन ख मजबुत करते रयो। आमीन।

मरकुस 16:20 ပူးပေါင်းရင်းမြစ်များ

मरकुस 16:19

परबु ईशु हुनमन ले गोठमन गोठयालो पाचे सरग उपरे उठाय गेलो, आउर माहापुरू चो उजा हाथ घाई बसलो।

लूका 1:1

खुबे लोगमन हुन गोठमन चो जोन आमचो मंजी ने घटली से, हुनके लिकतो काजे हाथ लगाला सोत,

लूका 1:2

जसन कि हुनमन जोन पईल ले ची ऐ गोठमन चो दकतो बितामन आउर बचन चो सेवकमन रवत, आमचो लगे पोंचाला।

प्रेरितो 14:3

हुनमन खुबे दिन ले हुता रला, आउर परबु चो भरसा थाने हिम्मत ले गोठमन करते रवत; आउर हुन हुनमन चो हाथ ले चिना आउर भयंकर काम कराऊन भाती आपलो अनुग्रह चो बचन थाने गोहई देते रलो।

प्रेरितो 4:30

“चेंगा करतो काजे तुय आपलो हाथ बड़ाव कि चिना आउर भयंकर काम तुचो पवितर सेवक ईशु चो नाव ले करा जाओ।”

प्रेरितो 5:12

पठालोबितामन चो हाथमन ले खुबे चिना आउर भयंकर काम लोगमन चो मंजी ने दकाया जाते रये, आउर हुनमन सपाय गोटक मन होऊन भाती सुलेमान चो बरांदा ने रूंड़ा होते रवत।

रोमियो 15:19

आउर चिनामन, आउर भयंकर काममन चो सामरत ले, आउर पवितर आत्मा चो सामरत ले मोचो ची बाटले करला, ऐथा ले कि मय यरूशलेम ले धरून भाती चारो बाटे इल्लुरिकुम ले मसीह चो नगतखबर चो पुरा-पुरा परचार करले।

2 कुरिन्थियो 6:1

आमी जोन माहापुरू चो संगे कामकरू आंव ऐ बले समजु आंव कि हुनचो अनुग्रह जोन तुमचो उपरे होली, हुनके फकाहा नी जाऊक दिआस।

इब्रानियो 2:3

तेबे आमी लोग असन बड़े मुक्ति ले बेफिकर रऊन भाती कसन बाचुक सकु आंव? जेचो चरचा पयले पहल परबु चो दुवारा होली, आउर सुनतो बितामन चो लागुन आमके येचो तय होली।

इब्रानियो 2:4

आउर संगे ची माहापुरू बले आपलो इच्छा चो अनुसार चिनामन, आउर भयंकर काममन, आउर नाना परकार चो सामरत चो काममन, आउर पवितर आत्मा चो बरमन के बाटतोर लागुन ऐचो गोहई देते रलो।