मरकुस 16:19 - Halbi

¹⁹ परबु ईशु हुनमन ले गोठमन गोठयालो पाचे सरग उपरे उठाय गेलो, आउर माहापुरू चो उजा हाथ घाई बसलो।

परमेस्वर को सच्चो वचन ख जाननू

¹⁹ प्रभु यीसु उन से बात करन को बाद स्वर्ग म उठा लियो गयो, अर परमेस्वर को दाहिनी तरफ बैठ गयो

मरकुस 16:19 ပူးပေါင်းရင်းမြစ်များ

मरकुस 16:20

आउर हुनमन निकरून भाती हरकोनी जगा परचार करला, आउर परबु हुनमन संगे काम करते रलो, आउर हुन चिनामन चो कारन जोन संगे-संगे होते रये, बचन के जमखम करते रलो। आमीन।

लूका 22:69

मान्तर अदायं ले माने चो बेटा सर्वशक्तिमान माहापुरू चो उजा बाटे बसुन रये दे।”

लूका 9:51

जिदलदाय हुनचो उपरे उठाया जातोर दिन पुरा होतो थाने रये, तेबे हुन यरूशलेम जातोर बिचार पक्का करलो।

यूहन्ना 13:1

फसह चो परब ले पयले, जिदलदाय ईशु जानलो कि मोचो हुन घड़ी ऐऊन अमरली से कि जगत छांडुन भाती बुआ चो लगे जायें दें, तेबे आपलो लोगमन ले जोन जगत ने रवत जसन मया हुन संगाते रये, आखरी ले असने ची मया संगाते रलो।

यूहन्ना 16:28

मय बुआ चो बाटले जगत ने ईले से; मय फेर जगत के छांडुन भाती बुआ चो लगे जाऊ आंय।”

यूहन्ना 17:13

अदायं मय तुचो लगे ऐयें से, आउर ऐ गोठमन जगत ने बोलु आय, कि हुनमन मोचो हरिक आपलो थाने पुरा पाओत।

यूहन्ना 20:17

ईशु हुनचो ले बल्लो, “मोके नी छिंव, कसनबल्लोने मय ऐबे ले बुआ चो लगे उपरे नी गेले से, मान्तर मोचो भाईमन चो लगे जाऊन भाती हुनमन ले बोलुन देस, कि मय आपलो बुआ आउर तुमचो बुआ, आउर आपलो माहापुरू आउर तुमचो माहापुरू चो लगे उपरे जाये से।”

यूहन्ना 21:15

भोजन करलो पाचे ईशु शिमोन पतरस ले बल्लो, “ऐ शिमोन, यूहन्ना चो बेटा, काय तुय ऐ मन ले बडुन भाती मोचो ले मया संगाऊ आस?” हुन हुनचो ले बल्लो, “हव, परबु; तुय तो जानीस कि मय तुचो ले मया संगाऊ आंय।” हुन हुनचो ले बल्लो, “मोचो मेमनामन के चराव।”

यूहन्ना 21:22

ईशु हुनचो ले बल्लो, “अगर मय चाहायें कि हुन मोचो ऐ ओत ले ठेबुन रओ, तो तुके ऐचो ले काय? तुय मोचो पाटे हो।”

यूहन्ना 6:62

अगर तुमी माने चो बेटा के जोन थाने हुन पयले रये, हुता उपरे जातो के दका से, तेबे काय होये दे?

प्रेरितो 1:22

“नगत आय कि हुनमन चो ले गोटक माने आमचो संगे हुनचो जीव उठतोर गोहई होऊन जाओत।”

प्रेरितो 2:33

असने परकार माहापुरू चो उजा हाथ ले सपाय ले बड़े पद पाऊन भाती, आउर बुआ ले हुन पवितर आत्मा पाऊन भाती जेचो बायदा करा जाऊ रली, हुन ऐ रिकाऊन दिलो से जोन के तुमी दकेसास आउर सुनेसास।

प्रेरितो 3:21

जरूरी आय कि हुन सरग ने हुन समया ले रओ जिदलदाय ले कि हुन सपाय गोठमन चो सुधार नी करो जेचो चरचा पीढ़ीमन चो दिन ले माहापुरू आपलो पवितर अगम गिआनीमन चो मुंह ले करलो से।

रोमियो 8:34

फेर कोन आसे जोन डण्ड चो हुकुम देयेदे? मसीह ची आसे जोन मरलो मान्तर मरलो थानले जीव बले उठलो, आउर माहापुरू चो उजा बाटे आसे, आउर आमचो काजे गुहार बले करू आय।

कुलुस्सियो 3:1

मान्तर जिदलदाय तुमी मसीह चो संगे जिआय गेलास, तेबे सरग चो तीजमन चो खोज ने राहा, जाहां मसीह हाजिर आसे आउर माहापुरू चो उजा पाट बसलो से।

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

इब्रानियो 1:3

हुन हुनचो महिमा चो उजर आउर हुनचो तत्व चो छाप आय, आउर सपाय तीजमन के आपलो सामरत चो बचन ले समालु आय। हुन पापमन के धोऊन भाती ऊँचा जगा थाने माहापुरू चो उजा जाऊन बसलो;

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 4:14

ऐईकाजे जसन आमचो असन बड़े माहायाजक आसे, जोन सरगमन ले होऊन भाती गेलोसे, बल्लोने माहापुरू चो बेटा ईशु, तो ईआ, आमी आपलो अंगीकार के मजबूत ले थामुन रऊं।

इब्रानियो 6:20

जोन थाने ईशु मलिकिसिदक चो रीति थाने अमरता चो माहायाजक बनुन भाती, आमचो काजे अगुवा चो रूप ने ओललो से।

इब्रानियो 7:26

आउर असने ची माहायाजक आमचो लायक रलो जोन पवितर, आउर निष्कपट, आउर निंगल, आउर पापीमन ले अलग, आउर सरग ले बल्ले ऊँचा करलो बिती होओ।

इब्रानियो 8:1

अदायं जोन गोठमन आमी बोलु से हुनमन थानले सपाय ले बड़े गोठ ऐ आय कि आमचो असन माहायाजक आसे, जोन सरग थाने माहापुरू चो सिंघासन चो उजा जाऊन बसलो से,

इब्रानियो 9:24

कसनबल्लोने मसीह हुन हाथ चो बनालो बिती पवितर जगा ने, जोन सते पवितर जगा चो नमूना आय, नी ओललो मान्तर सरग ने ची ओललो, बल्ले आमचो काजे अदायं माहापुरू चो पुरे दका देओ।

1 पतरस 3:22

हुन सरग थाने जाऊन भाती माहापुरू चो उजा बाटे बसलो, आउर सरगदूत आउर अधिकारी आउर सामरती हुनचो हक करा गेला से।