मरकुस 16:16 - Halbi

¹⁶ जोन बिश्वास करे दे आउर डूबन धरे दे हुनचेई मुक्ति होये दे, मान्तर जोन बिश्वास नी करे दे हुन दोषी ठेबाय जाये दे;

परमेस्वर को सच्चो वचन ख जाननू

¹⁶ जे भरोसा करे अर बपतिस्मा लेहे ओको ही उध्दार हो हे, पर जो भरोसा नी करन को उ दोसी ठहरायो जाहे;

मरकुस 16:16 ပူးပေါင်းရင်းမြစ်များ

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

मरकुस 1:15

आउर बल्लो, “समया पुरा होली से, आउर माहापुरू चो राज लगे ईली से; मन फिराआ आउर नगतखबर थाने बिश्वास करा।”

लूका 8:12

बाट रेटे चो हुनमन आत, जोन मन सुनला; तेबे शयतान ऐऊन भाती हुनमन चो मन ले बचन उठाऊन नेऊ आय कि काहांय असन नी होओ कि हुनमन बिश्वास करून मुक्ति पाओत।

यूहन्ना 20:31

मान्तर ऐ ऐईकाजे लिका गेली से कि तुमी बिश्वास करा कि ईशु ची माहापुरू चो बेटा मसीह आय, आउर बिश्वास करून हुनचो नाव ले जीवना पाआ।

यूहन्ना 3:36

जोन बेटा उपरे बिश्वास करू आय, अमर जीवना हुनचो आय; मान्तर जोन बेटा चो नी माने, हुन जीवना के नी दकें दें, मान्तर माहापुरू चो रीस हुनचो उपरे रऊ आय।”

यूहन्ना 3:5

ईशु जबाप दिलो, “मय तुचो ले सते-सते बलें सें, जिदलदाय ले कोनी माने पानी आउर आत्मा ले नी जनमे तेबे हुन माहापुरू चो राज ने ओलुक नी सके।

यूहन्ना 5:24

मय तुमचो ले सते-सते बलें सें, जोन मोचो बचन सुनुन भाती मोचो पठालोबितामन थाने बिश्वास करू आय, अमर जीवना हुनचो आय; आउर हुनचो उपरे डण्ड चो हुकुम नी होये मान्तर हुन मरना ले निकरून भाती जीवना ने परवेश होऊन चुकलो से।

यूहन्ना 6:29

ईशु हुनमन के जबाप दिलो, “माहापुरू चो काम ऐ आय कि तुमी हुनचो उपरे, जोन के हुन पठालो से, बिश्वास करा।”

यूहन्ना 6:35

ईशु हुनमन ले बल्लो, “जीवना चो रोटी मय आय: जोन मोचो लगे ऐऊ आय हुन केबीई भूके नी होये, आउर जोन मोचो उपरे बिश्वास करू आय हुन केबीई पिआस नी होये।

यूहन्ना 6:40

कसनबल्लोने मोचो बुआ चो इच्छा ऐई आय कि जोन कोनी बेटा के दके दे आउर हुनचो उपरे बिश्वास करे दे, हुन अमर जीवना पाओ; आउर मय हुनके आखरी दिने फेर जीव उठायें दें।”

यूहन्ना 8:24

ऐईकाजे मय तुमचो ले बल्ले कि तुमी आपलो पापमन ने मरा से, कसनबल्लोने अगर तुमी बिश्वास नी करा से कि मय हुनी आंय तेबे आपलो पापमन ने मरा से।”

प्रेरितो 10:43

हुनचो सपाय अगम गिआनी गोहई देऊ आत कि जोन कोनी हुनचो उपरे बिश्वास कर दे, हुनके हुनचो नाव चो लागुन पापमन चो छमा मिरे दे।

प्रेरितो 13:39

आउर जोन गोठमन ने तुमी मूसा चो नियम चो बाटले बेकसूर नी ठेबुक सकते रलास, हुनी सपाय ने हरकोनी बिश्वास करतो बिता हुनचो लगुन बेकसूर ठेबु आत।

प्रेरितो 13:46

तेबे पौलुस आउर बरनबास निडर होऊन बल्ला, जरूरी रये कि माहापुरू चो बचन पयले तुमके सुनाया जाति; मान्तर जिदलदाय तुमी हुनके लापी गुचाऊ आस, आउर आपन के अमर जीवना चो लायक नी ठेबा आस, तेबे दका, आमी दुसर जातिमन चो बाटे फिरू आंव।

प्रेरितो 2:38

पतरस हुनमन के बल्लो, “मन फिरावा, आउर तुमनमन ले हरकोनी आपलो-आपलो पापमन चो छमा काजे ईशु मसीह चो नाव ले डूबन धरा; तेबे तुमी पवितर आत्मा चो दान पाआसे।

प्रेरितो 2:41

आउर जोनमन हुनचो बचन के गरहन करला हुनमन डूबन धरला; आउर हुनी दिने तीन हजार मानेमन लग-भग हुनमन ने मिसुन गेला।

प्रेरितो 22:16

अदायं केंव बेर कर सीस? उठ, डूबन धर, आउर हुनचो नाव धरून भाती आपलो पापमन के धोई हो।

रोमियो 3:6

केबीई नाई! नाहले तो माहापुरू कसन जगत चो नियाय करे दे?

रोमियो 4:24

मान्तर आमचो काजे बले जोनमन काजे बिश्वास धारमिकता गेनाय जाय दे, बल्लोने आमचो काजे जोन हुनचो उपरे बिश्वास करू आत जोन आमचो परबु ईशु के मरलो थानले जिआ लो।

2 थिस्सलुनीकियो 1:8

आउर जोन माहापुरू के नी चिता ओत आउर आमचो परबु ईशु चो नगतखबर के नी मानोत हुनमन ले पलटा धरे दे।

2 थिस्सलुनीकियो 2:12

तेबे जितरो लोग सत चो बिश्वास नी करोत, मान्तर अधरम ले हरिक होऊ आत, हुनमन सपाय डण्ड पाओत।

1 पतरस 1:21

हुनचो दुवारा तुमी हुन माहापुरू थाने बिश्वास करू आस, जोन हुनके मरलो बितामन थानले जिआलो आउर महिमा दिलो कि तुमचो बिश्वास आउर आशा माहापुरू थाने होओ।

1 पतरस 3:21

हुनी पानी चो कहनी बले, बल्लोने डूबन, ईशु मसीह चो जीव उठलोर दुवारा, अदायं तुमके बचाऊ आय; ऐचो ले देंह चो मईल के धुर करतोर मतलब नुआय, मान्तर शुद्ध बिबक ले माहापुरू चो वश ने होऊन जातोर मतलब आय।

प्रकाशितवाक्य 20:15

आउर जोन कोनी चो नाव जीवना चो किताब ने लिकलोर नी मिरली, हुन आईग चो झील ने डाला गेला।

प्रकाशितवाक्य 21:8

“मान्तर डराहामन, आउर अबिश्वासीमन, आउर घिन-घिनामन, आउर हत्यारामन आउर बेबीचारीमन, आउर पंगनाहामन, आउर मुरती पुजा करूमन, आउर सपाय फंदीमन चो भाग हुन झील ने मिरे दे जोन आईग आउर गन्धक ले जरते रऊ आय: ऐ दुसर मरना आय।”