मरकुस 14:18 - Halbi

¹⁸ जिदलदाय हुनमन बसुन भात खाते रवत, तेबे ईशु बल्लो, “मय तुमचो ले सते बलेंसे कि तुमीमन थानले गोटक, जोन मोचो संगे भात खाये से, मोके धरायदे।”

परमेस्वर को सच्चो वचन ख जाननू

¹⁸ जब वी बैठ ख खाना खात रह हता, ते यीसु न कय्हो, “मी तुम से सच्ची बोलू हैं। कि तुममा से एक जो मोरो संग खाना खा रयो हैं, उ मोरा दुसमन हुन को हात मोखा पकड़वाहे।”

मरकुस 14:18 ပူးပေါင်းရင်းမြစ်များ

मत्ती 26:21

जिदलदाय हुनमन खाते रवत तेबे हुन बल्लो, “मय तुमचो ले सते बलेंसें कि तुमनमन ले गोटक मोके धरायदे।”

मत्ती 5:18

कसनबल्लोने मय तुमचो ले सते बलेंसें, कि जिदलदाय ले बादरी आउर धरतनी खतम नी होये, हुदलदाय ले नियम ले गोटक मात्रा नाहले गोटक बिन्दु बले बिना पुरा होलोर नी खतम होयदे।

मत्ती 6:16

“जिदलदाय तुमी उपास करा, तेबे कपटीमन चो असन तुमचो मुंह थाने मुरमुरा नी छाऊ रवो, कसनबल्लोने हुनमन आपलो मुंह बनाऊन रऊ आत, बल्ले लोग हुनमन के उपासी जानोत। मय तुमचो ले सते बलें सें कि हुनमन आपलो ईनाम पाऊन चुकला।

मत्ती 6:2

“ऐईकाजे जिदलदाय तुय दान करसे, तेबे आपलो पुरे तुरी नी बजाव, जसन कपटी, सभामन आउर खोरीमन ने करू आत, बल्ले लोग हुनमन चो बड़ाई करोत। मय तुमचो ले सते बलेंसे कि हुनमन आपलो ईनाम पाऊन चुकला।

मत्ती 6:5

“जिदलदाय तुय पारथना कर से, तेबे कपटीमन चो असन नी हो, कसनबल्लोने लोगमन के दकातो काजे आराधना घरमन ने आउर सड़कमन चो मोड़या थाने उबा होऊन भाती पारथना करतोर हुनमन के अच्छा लागु आय। मय तुमचो ले सते बलें सें कि हुनमन आपलो ईनाम पाऊन चुकला।

मरकुस 10:15

मय तुमचो ले सते बलें सें कि जोन कोनी माहापुरू चो राज के पिला चो असन गरहन नी करे, हुन हुन थाने केबे ओलुक नी सके।”

मरकुस 10:29

ईशु बल्लो, “मय तुमचो ले सते बलेंसें कि असन कोनी निआत, जोन मोचो आउर नगतखबर चो काजे घर नाहले भाईमन नाहले भईनमन नाहले आया नाहले बुआ नाहले पिला-झिलामन नाहले बेड़ामन के छांडुन दिलो से,

मरकुस 14:17

जिदलदाय संझ होली, तेबे हुन बारा झान चो संगे ईलो।

मरकुस 14:19

हुनमन मुरमुरा होऊन गेला आउर हुनमन गोटक-गोटक करून हुनचो ले बोलुक मुरयाला, “काय हुन मय आंय?”

मरकुस 14:25

मय तुमचो ले सते बलें सें कि अंगुर चो रस हुन दिन तक फेर केबीई नी पियें दें, जिदलदाय ले माहापुरू चो राज ने नवा नी पियें दें।”

मरकुस 14:9

मय तुमचो ले सते बलेंसे कि सपाय जगत ने जाहांय बले ऐ नगतखबर परचार करा जाये दे, हुता हुनचो ऐ काम चो चरचा बले हुनचो सुरता ने करा जाये दे।”

मरकुस 3:28

“मय तुमचो ले सते बलें सें कि मानेमन चो पिलामन चो सपाय पाप आउर निन्दा जोन हुनमन कर सोत, छमा कराय जाये दे,

मरकुस 6:11

जोन जगा चो लोग तुमनमन के गरहन नी करोत आउर तुमचो नी सुनोत, हुता ले जाते ची आपलो तली पाँयमन चो धुरला फाफडून दिआस कि हुनमन थाने गोहई होओ।”

मरकुस 8:12

हुन आपलो आत्मा ने आह भरून भाती बल्लो, “ऐ समया चो लोगमन केंव चिना डगराय सोत? मय तुमचो ले सते बलें सें कि ऐ समया चो लोगमन के कोनी चिना नी दिया जाये।”

मरकुस 9:1

हुन हुनमन ले बल्लो, “मय तुमचो ले सते बलें सें कि जोन ऐथा उबा आसोत, हुनमन थानले कोनी-कोनी असन आत, कि जिदलदाय ले माहापुरू चो राज के सामरत संगे ऐतोर नी दकोत, हुलदाय ले मरना चो सुआद केबीई नी चाकोत।”

मरकुस 9:41

जोन कोनी गोटक बटका पानी तुमके ऐईकाजे पिआ ओ कि तुमी मसीह चो आहास तेबे मय तुमचो ले सते बलेंसें कि हुन आपलो ईनाम कसने रीति ले बले नी हजाये।

लूका 11:51

हाबिल चो हत्या ले धरून भाती जकर्याह चो हत्या लगले, जोन बेदी आउर मंदिर चो मंजी ने मारा गेला। मय तुमचो ले सते बलें सें, ऐ सपाय चो लेखा ऐई समया चो लोगमन ले धरा जाये दे।

लूका 22:21

मान्तर दका, मोचो धरातो बितामन चो हाथ मोचो संगे टेबुल थाने आसे।

लूका 4:24

आउर हुन बल्लो, “मय तुमचो ले सते बलेंसें कोनी अगम गिआनी आपलो देश ने मान-समान नी पाए।

यूहन्ना 1:51

फेर हुनचो ले बल्लो, “मय तुमनमन ले सत-सत बलें सें कि तुमी सरग के उगाढ़ी होलोर, आउर माहापुरू चो सरग दूतमन के माने चो बेटा चो उपरे उतरते आउर उपरे जातोर दका से।”

यूहन्ना 13:18

“मय तुमी सपाय चो बारे ने नी बोलें; जोन के मय चुनले से, हुनमन के मय जाने; मान्तर ऐ ऐईकाजे आय कि पवितर शास्त्र चो बचन पुरा होओ, ‘जोन मोचो रोटी खाऊ आय, हुन मोचो थाने लात उठालो।’

यूहन्ना 13:21

ऐ गोठमन बोलुन भाती ईशु आत्मा ने बाय-बिकाल होलो आउर ऐ गोहई दिलो, “मय तुमके सत-सत बलें सें कि तुमनमन ले गोटक मोके धराये दे।”

यूहन्ना 13:22

चेलामन संका ले, कि हुन कोचो बारे ने बलें सें, गोटक दुसर चो बाटे दकुक मुरयाला।

यूहन्ना 13:38

ईशु जबाप दिलो, “काय तुय मोचो काजे आपलो जीव के दे से? मय तुचो ले सत-सत बलें सें कि कुकड़ा बासुन नी रये दे जिदलदाय ले तुय तीन हार मोचो इन्कार नी कर से।”

यूहन्ना 21:18

मय तुचो ले सत-सत बलें सें, जिदलदाय तुय जुआन रलीस तेबे आपलो करांड बान्दुन भाती जोन थाने चाहते रलीस हुता फिरते रलीस; मान्तर जिदलदाय तुय डोकरा हो से तेबे आपलो हाथ फयला से, आउर दुसर तुचो करांड बान्दुन भाती जोन थाने तुय नी मन कर सीस हुता तुके नेदे।”

यूहन्ना 3:11

मय तुचो ले सत-सत बलें सें कि आमी जोन जानु आंव हुन बोलु आंव, आउर जोन के आमी दकलु से हुनचो गोहई देऊ आंव, आउर तुमी आमचो गोहई गरहन नी करास।

यूहन्ना 3:3

ईशु हुनके जबाप दिलो, “मय तुचो ले सते-सते बलें सें, अगर कोनी नवा ढंग ले नी जनमे तो माहापुरू चो राज दकुक नी सके।”

यूहन्ना 3:5

ईशु जबाप दिलो, “मय तुचो ले सते-सते बलें सें, जिदलदाय ले कोनी माने पानी आउर आत्मा ले नी जनमे तेबे हुन माहापुरू चो राज ने ओलुक नी सके।

यूहन्ना 5:19

ऐ थाने ईशु हुनमन ले बल्लो, “मय तुमचो ले सत-सत बलेंसे, बेटा खुद ले काई नी करूक सके, मात्र हुन जोन बुआ के करतोर दकु आय; कसनबल्लोने जोन-जोन काममन के हुन करू आय हुनके बेटा बले हुनी रीति ले करू आय।

यूहन्ना 6:26

ईशु हुनमन के जबाप दिलो, “मय तुमचो ले सत-सत बलें सें, तुमी मोके ऐईकाजे नी डगरायसास कि तुमी अकचकित काम दकलास, मान्तर ऐईकाजे कि तुमी रोटीमन खाऊन भाती संतुष्ट होलास।

यूहन्ना 6:32

ईशु हुनमन ले बल्लो, “मय तुमचो ले सत-सत बलें सें कि मूसा तुमके हुन रोटी सरग ले नी दिलो, मान्तर मोचो बुआ तुमके सते रोटी सरग ले देऊ आय।

यूहन्ना 6:47

मय तुमचो ले सत-सत बलें सें कि जोन कोनी बिश्वास करू आत, अमर जीवना हुनचेई आय।

यूहन्ना 6:70

ईशु हुनमन के जबाप दिलो, “काय मय तुमी बारा झन के नी चुनले? तेबले बले तुमनमन ले गोटक माने शयतान आय।”