मरकुस 13:9 - Halbi

⁹ “मान्तर तुमी आपलो बारे ने बाचुन राहा; कसनबल्लोने लोग तुमके बड़े सभामन ने सोप दे आउर तुमी पंचायतमन ने पेटाय जाआ से, आउर मोचो कारन राजपालमन आउर राजामन चो पुरे उबा कराय जाआ से, बल्ले हुनमन चो काजे गोहई हुआ।

परमेस्वर को सच्चो वचन ख जाननू

⁹ पर तुम खुद को बारे म समझ ख रहनु; काहेकि अदमी हुन तुमका बड़ी-बड़ी सभा म सोपेगो अऊर तुम पंचायत हुन म मार खाए, अऊर मोरो लाने मुनिम हुन अऊर राजा हुन को सामे खड़ा करा जाहे, ताकि उनको लाने गवाई होए।

मरकुस 13:9 ပူးပေါင်းရင်းမြစ်များ

मत्ती 5:22

मान्तर मय तुमचो ले ऐ बलेंसें कि जोन कोनी आपलो भाई उपरे रीस करेदे, हुन कचरी ने डण्ड चो लायक होयेदे, आउर जोन कोनी आपलो भाई के ठग बलेदे हुन बड़े सभा ने डण्ड लायक होयदे; आउर जोन कोनी बलेदे ‘अरे मुरक’ हुन नरक चो आईग चो डण्ड चो लायक होयेदे।

मरकुस 1:44

आउर हुनचो ले बल्लो, “दक, काचीई ले काई नी बोल, मान्तर जाऊन भाती आपन खुद के याजक के दकाव, आउर आपलो शुद्ध होलोर बारे ने जोन काई मूसा ठेबालो से हुनके भेट चेगाव कि हुनमन थाने गोहई होओ।”

मरकुस 13:5

ईशु हुनमन ले बोलुक मुरयालो, “खबड़दार राहा कि कोनी तुमके नी भरमाओत।

मरकुस 13:8

कसनबल्लोने जाति उपरे जाति, आउर राज उपरे राज चड़ाई करे दे। सपाय जगा भुईं डोल होये दे, आउर अकाल पड़े दे। ऐ तो दुक डण्डमन चो मुर होये दे।

मरकुस 6:11

जोन जगा चो लोग तुमनमन के गरहन नी करोत आउर तुमचो नी सुनोत, हुता ले जाते ची आपलो तली पाँयमन चो धुरला फाफडून दिआस कि हुनमन थाने गोहई होओ।”

लूका 9:5

जोन कोनी तुमके गरहन नी कर दे, हुन नंगर ले निकरते-निकरते आपलो पाँयमन चो धुरला फाफडून दिआस कि हुनमन थाने गोहई होओ।”

यूहन्ना 15:20

जोन गोठमन मय तुमचो ले बोलुन रये, ‘दास आपलो मालिक ले बड़े नी होये,’ हुनके सुरता संगाहा। अगर हुनमन मोके कन्दरा दे, तो तुमके बले कन्दरा दे; अगर हुनमन मोचो गोठ मान दे, तेबे तुमचो बले मान दे।

यूहन्ना 16:2

हुनमन तुमके आराधना घरमन ले निकराऊन देदे, मान्तर हुन समया ऐऊ आय, कि जोन कोनी तुमके मारून देये दे हुन समजे दे कि मय माहापुरू चो सेवा करें से।

प्रेरितो 21:11

हुन आमचो लगे ऐऊन भाती पौलुस चो कटीबंद धरलो, आउर आपलो हाथ पाँय बान्दुन भाती बल्लो, “पवितर आत्मा ऐ बले से कि जोन माने चो ऐ कटीबन्ध आय, हुनके यरूशलेम ने यहूदी ऐई रीति ले बांद दे, आउर दुसर जातिमन चो हाथे सोप दे।”

प्रेरितो 7:54

ऐ गोठमन सुनुन भाती हुनमन जलुन गेला आउर हुनचो उपरे दात कड़रूक मुरयाला।

प्रेरितो 9:16

आउर मय हुनके सांगेंदें कि मोचो नाव चो काजे हुनके कसन-कसन दुक उठाऊक पड़ेदे।

फिलिप्पियो 1:29

कसनबल्लोने मसीह चो लागुन तुमचो उपरे ऐ अनुग्रह होली कि ना मात्र हुनचो उपरे बिश्वास करा मान्तर हुनचो काजे दुख बले उठाआ;

2 थिस्सलुनीकियो 1:5

ऐ माहापुरू चो सत नियाय चो छुकछुका सबुत आय कि तुमी माहापुरू चो राज चो लायक ठेबा, जेचो काजे तुमी दुख बले उठाऊ आहास।

2 यूहन्ना 1:8

आपलो बारे ने चलाक राहा, कि जोन मसागत आमी करलु से हुनके तुमी नी हजाहा, बल्ले हुनचो पुरा करलो फल पाहा।

प्रकाशितवाक्य 1:9

मय यूहन्ना, जोन तुमचो भाई आउर ईशु चो कलेश आउर राज आउर धीरज ने तुमचो शामिल आंसे, माहापुरू चो बचन आउर ईशु चो गोहई चो लागुन पतमुस नाव चो ढिपका ने रयें।

प्रकाशितवाक्य 2:10

“जोन दुक तुके झेलुक होयदे, हुनचो ले नी डर। कसनबल्लोने दका, शयतान तुमनमन ले कितलो के जयलघर ने डालतो थाने आसे बल्ले तुमी परका जाआ, आउर तुमके दस दिन ले कलेश उठाऊक पढ़ेदे। जीव देओत ले बिश्वासी रा, तेबे मय तुके जीवना चो मुकुट देयेंदे।”

प्रकाशितवाक्य 2:13

“मय ऐ जाने कि तुय हुता रऊ आस जोन थाने शयतान चो सिंघासन आसे; तुय मोचो नाव थाने थीर रऊ आस, आउर मोचो उपरे बिश्वास करतो ले हुन दिनमन ने बले पाटकुती नी गुचलीस जोनमन ने मोचो बिश्वास लायक गोहई अन्तिपास, तुमचो मंजी हुन जगा थाने घात करा गेलो जोन थाने शयतान रऊ आय।”