मरकुस 11:18 - Halbi

¹⁸ ऐ सुनुन भाती परधान याजक आउर शास्तरीमन हुनके मारतोर मवका डगराला; कसनबल्लोने हुनमन हुनचो ले डरते रवत, ऐईकाजे कि सपाय लोग हुनचो उपदेश ले भक्याते रवत।

परमेस्वर को सच्चो वचन ख जाननू

¹⁸ यू सुन ख सबसे बड़ो पुजारी अर सासतिरी ओखा मार ड़ालन को मऊका ताकन लग गया। काहेकि वी ओसे डरत रह, येको लाने कि सब झन ओको बतानु से सोच म पड़ गया रह।

मरकुस 11:18 ပူးပေါင်းရင်းမြစ်များ

मत्ती 21:15

मान्तर जिदलदाय परधान याजकमन आउर शास्तरीमन ऐ भयंकर काममन के, जोन हुन करलो, आउर लेकामन के मंदिर ने “दाऊद चो पिला चो होशाना” चिचयातोर दकला, तेबे हुनमन रिसे होला,

मत्ती 7:28

जिदलदाय ईशु ऐ गोठमन बोलुन चुकलो, तेबे असन होली कि भीड़ हुनचो उपदेश ले अकचकित होली,

मरकुस 1:22

आउर लोग हुनचो उपदेश ले अकचकित होला; कसनबल्लोने हुन हुनमन के शास्तरीमन चो असन नाई, मान्तर अधिकारी चो असन उपदेश देते रये।

मरकुस 11:32

आउर अगर आमी बोलुन्दे, ‘मानेमन चो बाटले,’ तेबे लोगमन चो डर आसे, कसनबल्लोने सपाय जानोत कि यूहन्ना सते अगम गिआनी रलो।

मरकुस 12:12

तेबे हुनमन हुनके धरूक चाहला; कसनबल्लोने समजुन रवत कि हुन आमचो बिरूद ने ऐ कहनी बल्लो से। मान्तर हुनमन लोगमन ले डरला, आउर हुनके छांडुन भाती गेला।

मरकुस 3:6

तेबे फरीसी बाहरे जाऊन भाती तुरते हेरोदीमन चो संगे हुनचो बिरूद ने सलाह करूक मुरयाला कि हुनके कसन परकार नष्ट करूं दे।

मरकुस 6:20

कसनबल्लोने हेरोदेस यूहन्ना के धरमी आउर पवितर माने जानुन भाती हुनचो ले डरते रलो, आउर हुनके बचाऊन संगालो, आउर हुनचो गोठमन सुनुन भाती खुबे घबराते रलो, मान्तर हरिक ले सुनते रलो।

लूका 19:47

हुन रोजे दिना मंदिर ने उपदेश करते रलो; आउर परधान याजक आउर शास्तरी आउर लोगमन चो मुखिया हुनके नष्ट करतोर मवका डगराते रवत।

लूका 2:47

जितरो हुनचो सुनते रवत, हुनमन सपाय हुनचो समज आउर हुनचो जबापमन ले भक्याऊन रवत।

लूका 20:19

हुनी घड़ी शास्तरीमन आउर परधान याजकमन हुनके धरूक चाहला, कसनबल्लोने हुनमन समजुन रवत कि हुन आमचो उपरे ऐ कहनी बल्लो, मान्तर हुनमन लोगमन ले डरला।

लूका 4:22

सपाय हुनके सहराला, आउर जोन अनुग्रह चो गोठमन हुनचो मुंह ले निकरून रली, हुनचो ले भकवा होला; आउर बोलुक मुरयाला, “काय ऐ यूसुफ चो बेटा नुआय?”

यूहन्ना 7:1

ऐ गोठमन चो पाचे ईशु गलील ने बुलते रलो; कसनबल्लोने यहूदी हुनके मारून देतोर कोशिश करते रवत, ऐईकाजे हुन यहूदिया ने बुलुक नी चाहते रलो।

यूहन्ना 7:19

काय मूसा तुमके नियम नी दिलो? तेबले बले तुमचो थानले कोनी नियम थाने नी चलास। तुमी केंव मोके मारून देऊक चाहाय साहास?”

यूहन्ना 7:46

पलटनमन जबाप दिला, “कोनी माने केबीई असन गोठमन नी करला।”

प्रेरितो 24:25

जिदलदाय हुन धरम, आउर सहन, आउर ऐतो बिता नियाय चो चरचा करते रलो, तेबे फेलिक्स घबराऊन भाती जबाप दिलो, “ऐबे तो जा; मवका दकुन मय तुके फेर हाग देयें दें।”