मरकुस 10:21 - Halbi

²¹ ईशु हुनचो उपरे नंजराऊन भाती हुनचो ले मया करलो, आउर हुनचो ले बल्लो, “तुचो ने गोटक गोठ चो कमी आसे। जा, जोन काई तुचो आय हुनके बिकुन भाती कंगालमन के देऊन देस, आउर तुके सरग ने धन मिरेदे, आउर ऐऊन भाती मोचो पाट-पाट हो।”

परमेस्वर को सच्चो वचन ख जाननू

²¹ यीसु न ओखा ध्यान से देख ख ओसे प्रेम करियो; अर ओसे कही, “तो म एक बात कि कमी हैं। जा जे कुछ भी तोरो हैं ओखा बेच ख गरीब-लचार (कंगाल) हुन म बाट दा, अर तोखा स्वर्ग म धन मिल जाहे, अर आका मोरो पिछु हो जा”

मरकुस 10:21 ပူးပေါင်းရင်းမြစ်များ

मत्ती 16:24

तेबे ईशु आपलो चेलामन ले बल्लो, “अगर कोनी मोचो पाट-पाट ऐऊक चाहा ओ, तेबे आपन खुद चो इन्कार करो आउर आपलो कुरूस उठाओ, आउर मोचो पाट-पाट ऐओ।

मत्ती 19:21

ईशु हुनचो ले बल्लो, “अगर तुय सिद्ध होऊक मन कर सीस जाले जा, आपलो माल बिकुन भाती कंगालमन के देस, आउर तुके सरग ने धन मिरेदे; आउर ऐऊन भाती मोचो पाट-पाट आव।”

मरकुस 10:22

ऐ गोठ ले हुनचो थोमना मुरूस नाय होली, आउर हुन दुक होऊन भाती गेलो, कसनबल्लोने हुन खुबे सवकार रये।

मरकुस 8:34

हुन भीड़ के आपलो चेलामन चो संगे लगे हाग देऊन भाती हुनमन ले बल्लो, “जोन कोनी मोचो पाट-पाट ऐऊक चाहा ये से, हुन आपन खुद ले इन्कार करो आउर आपलो कुरूस के उठाऊन भाती, मोचो पाट-पाट ऐओ।

लूका 10:42

मान्तर गोटक गोठ जरूरी आय, आउर हुन बड़ीया भाग के मरियम चुनली से जोन हुनचो ले झिका नी जायेदे।”

लूका 12:33

आपलो धन-माल बिकुन भाती दान करून दिआस; आउर आपलो काजे असन बटवा बनावा जोन जुना नी होये, बल्ले सरग थाने असन धन रूंड़ा करा जोन घटु नुआय आउर जेचो लगे चोर नी जाओत, आउर कीड़ा नी नशा ओत।

लूका 16:9

आउर मय तुमचो ले बलें सें कि अधरम चो धन ले आपलो काजे मीत बनाहा, बल्ले जिदलदाय हुन जाते रये दे तेबे हुन तुमके अमर डेरामन ने धरून नेओं।

लूका 18:22

ऐ सुनुन भाती ईशु हुनचो ले बल्लो, “तुचो थाने ऐबे बले गोटक गोठ चो कमी आसे, आपलो सपाय काई बिकुन भाती कंगालमन के बाटुन देस; आउर तुके सरग ने धन मिरे दे, आउर ऐऊन भारी मोचो पाट-पाट हो।”

लूका 19:41

जिदलदाय हुन लगे ईलो तेबे नंगर के दकुन भाती हुन थाने गागलो

लूका 9:23

हुन सपाय ले बल्लो, “अगर कोनी मोचो पाट-पाट ऐतोर चाह ले, तेबे आपन खुद ले इन्कार करो आउर रोजे दिना आपलो कुरूस उठाऊन भाती मोचो पाट-पाट ऐओ।

यूहन्ना 12:26

अगर कोनी मोचो सेवा करें दें, तो मोचो पाटे होओ; आउर जोन थाने मय आंसे, हुता मोचो सेवक बले होये दे। अगर कोनी मोचो सेवा करे दे, तेबे बुआ हुनचो मान करे दे।

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

प्रेरितो 2:45

हुनमन आपलो-आपलो धनमाल आउर समान बिकुन-बिकुन भाती जसन जेचो जरूरत होते रली बाटते रवत।

2 कुरिन्थियो 12:15

मय तुमचो आत्मामन काजे खुबे हरिक ले खरचा करें दें, मान्तर खुद बले खरचा होऊन जायें दें। काय जितरो बडुन भाती मय तुमचो ले मया संगाऊ आंय, हुतली ची घटुन भाती तुमी मोचो ले मया संगाआ से?

2 तीमुथियुस 3:12

मान्तर जितरो मसीह ईशु ने भक्ति चो संगे जीवना बिताऊक चाहाय सोत हुनमन सपाय कन्दराया जादे;

इब्रानियो 10:34

कसनबल्लोने तुमी कयदीमन चो दुक ने बले दुकी होलास आउर आपलो सम्पत्ति बले हरिक ले जटुक दिलास; ऐ जानुन भाती कि तुमचो लगे गोटक आउर बले बड़ीया आउर हरमेशा ठेबतो बिती सम्पत्ति आसे।

याकूब 2:10

कसनबल्लोने जोन कोनी पुईतराय नियम चो पालन करू आय मान्तर गोटक ची गोठ ने चुकुन जाओ तेबे हुन सपाय गोठमन ने दोषी ठेबुन चुकलोसे।

प्रकाशितवाक्य 2:14

“मान्तर मोके तुचो बिरूद काई गोठमन बोलतोर आसे, कसनबल्लोने तुचो थाने कितलो असन आसोत, जोन बिलाम चो सिक्या के मानु आत, जोन बालाक के इस्राएलीमन चो पुरे ठोकरना चो कारन संगाऊक सिकालो कि हुनमन मुरतीमन थाने चेगालो बिती तीजमन खाओत आउर बेबीचार करोत।”

प्रकाशितवाक्य 2:20

“मान्तर मोके तुचो बिरूद ऐ बोलतोर आय कि तुय हुन बायले लेकी इजेबेल के रऊक देऊ आस जोन आपन खुद के अगम गिआनीन बोलु आय, आउर मोचो दासमन के बेबीचार करतोर आउर मुरतीमन चो पुरे चेगालो बिती जातिमन खातोर सिकाऊन भाती भरमाऊ आय।”

प्रकाशितवाक्य 2:4

“मान्तर मोके तुचो बिरूद ऐ बोलतोर आसे कि तुय आपलो पयले चो असन मया छांडुन दिली सीस।”