मत्ती 9:4 - Halbi

⁴ ईशु हुनमन चो मन चो गोठमन जानुन भाती बल्लो, “तुमीमन आपलो-आपलो मन ने खराप बिचार केंव करेसास?

परमेस्वर को सच्चो वचन ख जाननू

⁴ यीसु न ओके मन की बात समझ ख कय्हो, तू अदमी अपनो-अपनो मन म बुरो विचार काहे कर रया हैं?

मत्ती 9:4 ပူးပေါင်းရင်းမြစ်များ

मत्ती 12:25

हुन हुनमन चो मन चो गोठ जानुन भाती हुनमन ले बल्लो, “जोन कोनी राज ने फुट होऊ आय, हुन उजरुन जाऊ आय; आउर कोनी नंगर नाहले घरमन जोन थाने फुट होऊ आय, बनु नी रये।

मरकुस 12:15

आमी देऊ, नाहले नी देऊ?” हुन हुनमन चो कपट जानुन भाती हुनमन ले बल्लो, “मोके केंव परकेसास? गोटक दीनार मोचो लगे आना, कि मय दकें दें।”

मरकुस 2:8

ईशु तुरते आपलो आत्मा ने जानलो कि हुनमन आपलो-आपलो मन ने असन बिचार करे सोत, आउर हुनमन ले बल्लो, “तुमी आपलो-आपलो मन ने ऐ बिचार केंव करेसास?

लूका 11:17

मान्तर हुन हुनमन चो मन चो गोठमन जानुन भाती, हुनमन ले बल्लो, “जोन-जोन राज ने फुट होऊ आय, हुन राज उजरुन जाऊ आय; आउर जोन घर ने फुट होऊ आय, हुन नष्ट होऊन जाऊ आय।

लूका 5:22

ईशु हुनमन चो मन चो गोठमन जानुन भाती, हुनमन ले बल्लो, “तुमी आपलो मनमन ने काय बिचार करेसास?

लूका 6:8

मान्तर हुन हुनमन चो बिचार जानते रये; ऐईकाजे हुन सुकलो हाथ बिता माने ले बल्लो, “उठ, मंजी ने उबा हो।” हुन उठून उबा होलो।

लूका 7:40

ऐ सुनुन ईशु हुनचो जबाप ने बल्लो, “हे शिमोन, मोके तुचो ले काई बोलतोर आसे।” हुन बल्लो, “हे गुरू, बोल।”

यूहन्ना 16:19

ईशु ऐ जानुन भाती कि हुनमन मोचो ले पचारूक चाहाय सोत, हुन बल्लो, “काय तुमी आपस ने मोचो ऐ गोठ चो बारे ने पुच-पचार करेसास, ‘डण्डिक ले तुमी मोके नी दका से, आउर फेर डण्डिक ले मोके दका से’?

यूहन्ना 16:30

अदायं आमी जानलु से कि तुय सपाय काई जानीस, आउर ऐचो जरूरी निआय कि कोनी तुचो ले काई पचारोत; ऐचो ले आमी बिश्वास करूं से कि तुय माहापुरू चो बाटले ईली सीस।”

यूहन्ना 21:17

हुन तीसर हार हुनचो ले बल्लो, “हे शिमोन, यूहन्ना चो बेटा, काय तुय मोचो ले मया संगाऊ आस?” पतरस मुरमुरा होलो कि हुन हुनके तीसर हार असने ची बल्लो, “काय तुय मोचो ले मया संगाऊ आस?” आउर हुनचो ले बल्लो, “हे परबु, तुय तो सपाय काई जान सीस; तुय ऐ जानीस कि मय तुचो ले मया संगाऊ आंय।” ईशु हुनचो ले बल्लो, “मोचो मेंडामन के चराव।

यूहन्ना 6:61

ईशु आपलो मन ने ऐ जानुन भाती कि मोचो चेलामन आपस ने ऐ गोठ थाने घुरमुरू आत, हुन पचारलो, “काय ऐ गोठ ले तुमके ठोकर लगली से?

यूहन्ना 6:64

मान्तर तुमनमन ले आदो असन आत जोन बिश्वास नी करोत।” कसनबल्लोने ईशु पयले ची ले जानते रये कि जोन बिश्वास नी करोत, हुनमन कोन आत; आउर कोन मोके धराये दे।

प्रेरितो 5:9

पतरस हुनके बल्लो, “ऐ काय गोठ आय कि तुमी दुनो परबु चो आत्मा चो परीक्षा चो काजे एक करलास? दक, तुचो मुनुक चो माटी देतो बितामन दुआर ची थाने उबा आसोत, आउर तुके बले बाहरे नेदे।”

प्रकाशितवाक्य 2:23

“मय हुनचो पिलामन के मारून देयेंदे; तेबे सपाय कलीसियामन जानेदे कि देंह आउर मन चो परकतो बिता मय ची आंय, आउर मय तुमनमन ले हरकोनी के हुनचो काममन चो अनुसार पलटा देयदे।”