मत्ती 9:2 - Halbi

² आउर दका, कितलो लोग लकवा चो गोटक रोगी के खटिया थाने सुआऊन भाती हुनचो लगे आनला। ईशु हुनमन चो बिश्वास दकुन भाती, हुन लकवा चो रोगी ले बल्लो, “हे बेटा, हिम्मत बांद; तुचो पाप छमा होली।”

परमेस्वर को सच्चो वचन ख जाननू

² उ बखत कुछ लोग हुन खटिया पर पड़िया हुए लकवा को एक बीमार ख उनका नजीक लायो। उनको विस्वास देख ख यीसु न लकुवे को बीमार से कय्हो कि, “पोरिया धीरज रख तुमारो पाप माप होय गयो।”

मत्ती 9:2 ပူးပေါင်းရင်းမြစ်များ

मत्ती 14:27

तेबे ईशु तुरते हुनमन ले गोठयालो आउर बल्लो, “हिम्मत करा! मय आंय, नी डरा!”

मत्ती 4:24

आउर सपाय सीरिया देश ने हुनचो किरती फयलुन गेली; आउर लोग सपाय बेमारीमन के, जोन नाना परकार चो बेमारमन आउर दुखमन ने पडु रवत, आउर जोनमन ने दुष्टआत्मामन रली आउर बापुर बितामन आउर लकवा चो रोगाहामन के हुनचो लगे आनला आउर हुन हुनमन के चेंगा करलो।

मत्ती 6:12

‘आउर जोन परकार आमी आपलो अपराधिमन के छमा करलु से, असने ची तुय बले आमचो अपराधमन के छमा कर।’

मत्ती 8:10

ऐ सुनुन भाती ईशु अकचकित होलो, आउर जोन हुनचो पाटे ऐते रवत हुनमन ले बल्लो, “मय तुमचो ले सते बलेंसे कि मय इस्राएल ने बले असन बिश्वास नी पावले।

मत्ती 8:16

जिदलदाय संझ होली तेबे हुनमन हुनचो लगे खुबे असन लोग के आनला जोनमन थाने दुष्टआत्मामन रली आउर हुन-हुन आत्मामन के आपलो बचन ले निकराऊन दिलो; आउर सपाय बेमारीमन के चेंगा करलो।

मत्ती 9:22

ईशु उलटुन भाती हुनके दकलो आउर बल्लो, “बेटी हिम्मत बांद; तुचो बिश्वास तुके चेंगा करली से।” आउर हुन बायले लेकी हुनी समया चेंगा होली।

मत्ती 9:5

सरल काय आय? ऐ बोलतोर, ‘तुचो पाप छमा होली’, नाहले ऐ बोलतोर, ‘उठ आउर हिन्ड़ा बुला हो।’

मत्ती 9:6

मान्तर ऐईकाजे कि तुमी जाना कि माने चो बेटा के धरतनी थाने पाप छमा करतोर अधिकार आसे।” तेबे ईशु लकवा चो रोग ने पड़लो माने ले बल्लो, “उठ, आपलो खटिया उठाव, आउर आपलो घरे जा।”

मरकुस 1:32

संझ चो समया जिदलदाय बेर बसली तेबे लोग सपाय बेमारमन के आउर हुनमन के, जोनमन थाने दुष्टआत्मामन रली, हुनचो लगे आनला।

मरकुस 10:49

तेबे ईशु ठेबुन भाती बल्लो, “हुनके हाग दिआस।” आउर लोगमन हुन काना के हाग देऊन भाती हुनचो ले बल्ला, “धीरज धर! उठ! हुन तुके हाग देये से।”

मरकुस 5:34

हुन हुनचो ले बल्लो, “बेटी, तुचो बिश्वास तुके चेंगा करली से: हरिक ने जा, आउर आपलो ऐ बेमार ले बाचुन रा।”

मरकुस 6:50

कसनबल्लोने सपाय हुनके दकुन भाती घबराऊन रवत। मान्तर हुन तुरते हुनमन के गोठयालो आउर बल्लो, “हिम्मत करा: मय आंय; नी डरा!”

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

यूहन्ना 2:25

आउर हुनके जरूरी नी रली कि माने चो बारे ने कोनी गोहई दे ओत, कसनबल्लोने हुन खुदे ची जानते रये कि माने चो मन ने काय आसे?

यूहन्ना 21:5

तेबे ईशु हुनमन ले बल्लो, “हे लेकामन, काय तुमचो लगे काई मछरीमन आसोत?” हुनमन जबाप दिला, “नाई।”

प्रेरितो 14:9

हुन पौलुस के गोठयाते सुनते रलो। पौलुस हुनचो बाटे नंजरगड़ान दकलो कि हुनके चेंगा होऊन जातोर बिश्वास आसे,

प्रेरितो 19:12

ऐथा ले कि सापी आउर तुआल हुनचो देंह ले छिंआन भाती बेमारीमन उपरे संगाते रवत, आउर हुनमन चो बेमारमन जाते रते रली; आउर दुष्टआत्मामन हुनमन थानले निकरून जाते रली।

प्रेरितो 23:11

हुनी राती परबु हुनचो लगे उबा होऊन भाती बल्लो, “हे पौलुस, हिम्मत बांद; कसनबल्लोने जसन तुय यरूशलेम ने मोचो गोहई दिलीस, असने ची तुके रोम ने बले गोहई देतोर होये दे।”

रोमियो 5:11

मात्र ऐई नाई, मान्तर आमी आपलो परबु ईशु मसीह चो कारन, जेचो कारन आमचो मेल होली से, माहापुरू ने हरिक होऊ आंव।

याकूब 2:18

बल्ले कोनी बोलुक सके, “तुके बिश्वास आसे आउर मय करम करेंसे।” तुय आपलो बिश्वास मोके करम बिना तो दकाव; आउर मय आपलो बिश्वास आपलो करममन चो दुवारा तुके दकायेंदें।